1 Samuel 15:6 - Li Santil hu

⁶ Quixtakla xyebal reheb laj Ceneo: —Elenkex saꞌ xya̱nkeb laj Amalec re nak incꞌaꞌ texsachekꞌ rochbeneb aꞌan. Incꞌaꞌ texsachekꞌ xban nak la̱ex xeril xtokꞌoba̱l ruheb laj Israel nak queꞌel Egipto, chan. Ut eb laj Ceneo queꞌel saꞌ xya̱nkeb laj Amalec.

Q'eqchi Bible

⁶ ut kixye reheb' laj Ken: “Elenqex, jek'omaq eerib' rik'ineb' laj Amalek, re naq ink'a' texinsach rochb'eeneb' a'an, xb'aan naq usilal xeb'aanu reheb' chixjunil laj Israel naq yookeb' chaq chi taqe'k Ejiipt”, chan. Ut eb' laj Ken ke'elk sa' xyanqeb' laj Amalek.

1 Samuel 15:6 ပူးပေါင်းရင်းမြစ်များ

Jueces 1:16

Eb li ralal xcꞌajol lix yucuaꞌ li rixakil laj Moisés, aꞌaneb laj Ceneo. Eb aꞌan queꞌrochbeni li ralal xcꞌajol laj Judá nak queꞌel saꞌ li tenamit Jericó bar cuanqueb cuiꞌ nabal chi cheꞌ palmera. Queꞌco̱eb saꞌ li chaki chꞌochꞌ li cuan nachꞌ riqꞌuin li tenamit Arad saꞌ xcue̱nt Neguev. Ut aran queꞌcana chi cua̱nc saꞌ xya̱nkeb li cuanqueb saꞌ li naꞌajej aꞌan.

Jueces 4:11

Quicuan jun li cui̱nk aj Heber xcꞌabaꞌ. Aꞌan xcomoneb li ralal xcꞌajol laj Hobab, lix yucuaꞌ li rixakil laj Moisés. Saꞌ jun li cutan laj Heber quixcanabeb lix comon ut qui-el saꞌ li tenamit Ceneo. Coxyi̱b lix muheba̱l rubel jun to̱n li ji saꞌ li ru takꞌa Zaanaim nachꞌ riqꞌuin li naꞌajej Cedes.

Éxodo 18:19

Abi li cꞌaꞌru tinye a̱cue. Ut li Dios taxak chitenkꞌa̱nk a̱cue chixba̱nunquil. La̱at aj jalol a̱tin chiru li Dios chirixeb li cristian. Ta̱ye re li Dios cꞌaꞌru li chꞌaꞌajquilal cuanqueb cuiꞌ li cristian.

1 Samuel 27:10

Ut laj Aquis naxye reheb: —¿Bar xexcuulac chi pletic anakcuan?— Ut laj David naxye re: —Xocuulac Judá saꞌ li sur.— Malaj ut naxye: —Xocuulac Jerameel saꞌ li sur.— Malaj ut naxye: —Xocuulac saꞌ li sur cuanqueb cuiꞌ eb laj Ceneo, chan.

Jueces 5:24

Us xak re lix Jael li rixakil laj Heber laj Ceneo. Qꞌuebil taxak xlokꞌal saꞌ xya̱nkeb li ixk li nequeꞌcuan saꞌ eb li muheba̱l yi̱banbil riqꞌuin tꞌicr.

Apocalipsis 18:14

Eb laj cꞌay teꞌxye reheb li tenamit: —Chixjunil li cha̱bil li quera ru, aꞌan ac xsach che̱ru. Ma̱cꞌaꞌ chic le̱ biomal chi moco e̱chꞌinaꞌusal. Ma̱ jokꞌe chic te̱tau li cꞌaꞌak re ru aꞌan.—

2 Timoteo 1:16

Caꞌaj chic laj Onesíforo qꞌuila sut colinril saꞌ tzꞌalam ut quixcꞌojob inchꞌo̱l ut incꞌaꞌ quixuta̱nac xban nak bacꞌbo̱quin chi cadena. Aꞌ taxak li Ka̱cuaꞌ Dios chi-osobtesi̱nk re li jun cabal aꞌan.

2 Corintios 6:17

Ut li Ka̱cuaꞌ quixye cuiꞌchic chi joꞌcaꞌin: Joꞌcan utan chex-e̱lk saꞌ xya̱nkeb li nequeꞌxlokꞌoni li yi̱banbil dios. Me̱ba̱nu chic li nequeꞌxba̱nu li jun chꞌol chic nak nequeꞌxlokꞌoni li yi̱banbil dios. Checanabak chi junaj cua ut la̱in texincꞌul chi sa saꞌ inchꞌo̱l.

Hechos 2:40

Ma̱cuaꞌ caꞌaj cuiꞌ aꞌan li quixye laj Pedro reheb. Quixchꞌolob ban ajcuiꞌ xya̱lal chiruheb riqꞌuin nabal chi a̱tin ut quixqꞌue xnaꞌlebeb. Quixye reheb: —Chenauhak xcolbal e̱rib chiru li tojba ma̱c li ta̱cha̱lk saꞌ xbe̱neb li incꞌaꞌ useb xnaꞌleb, chan.

Proverbios 9:6

Chetauhak le̱ naꞌleb ut chesicꞌak li us. Canabomak li to̱ntil naꞌleb re nak cua̱nk e̱yuꞌam, chanquex.

1 Crónicas 2:55

Laj Salma, aꞌan ajcuiꞌ lix xeꞌto̱nil yucuaꞌ eb laj tzꞌi̱b li queꞌcuan aran Jabes. Aꞌaneb laj tirateo, eb laj simeateo ut eb laj sucateo. Aꞌaneb laj quenitas li ralal xcꞌajol laj Hamat lix yucuaꞌ laj Bet-recab.

Números 16:34

Ut nak queꞌrabi nak yo̱queb chixjapbal reheb li queꞌsacheꞌ ruheb, chixjunileb laj Israel queꞌe̱lelic ut queꞌxye: —Ma̱re toxnukꞌ ajcuiꞌ li chꞌochꞌ la̱o, chanqueb.

Génesis 18:25

Incꞌaꞌ naru ta̱sacheb ru li ti̱queb xchꞌo̱l joꞌ ta̱ba̱nu riqꞌuineb li incꞌaꞌ ti̱queb xchꞌo̱l. Ninnau nak la̱at incꞌaꞌ ta̱ba̱nu aꞌan xban nak la̱at nacatrakoc a̱tin saꞌ xya̱lal saꞌ xbe̱neb chixjunileb li cuanqueb saꞌ ruchichꞌochꞌ, chan laj Abraham.

1 Samuel 15:5

Chirix aꞌan laj Saúl queꞌco̱eb saꞌ lix tenamiteb laj Amalec ut aran queꞌcana chi oybeni̱nc saꞌ li ru takꞌa.

1 Samuel 30:29

eb li cuanqueb Racal, joꞌ eb ajcuiꞌ li cuanqueb saꞌ eb li tenamit aran Jerameel ut eb lix tenamiteb laj Ceneo.

Génesis 15:19

—Li naꞌajej aꞌin, li tinqꞌue e̱re, aꞌan li cuanqueb cuiꞌ eb laj Ceneo, ut eb laj cenezeo, ut eb laj cadmoneo.