1 Samuel 15:33 - Li Santil hu

³³ Laj Samuel quixye re: —Riqꞌuin la̱ chꞌi̱chꞌ xacamsiheb li tenamit ut eb li naꞌbej queꞌcana chi ma̱cꞌaꞌeb chic xcocꞌal. Joꞌcan ajcuiꞌ la̱ naꞌ ta̱cana̱k chi ma̱cꞌaꞌ chic xcocꞌal, chan. Ut laj Samuel quixcamsi ut quixpedasi laj Agag chiru li Ka̱cuaꞌ aran Gilgal.

Q'eqchi Bible

³³ A'ut laj Samuel kixye re: “Rik'in laach'iich' xakanab'eb' naab'al chi na'b'ej chi maak'a'eb' chik xkok'al. Jo'kanaq ajwi' laana', taakanaaq chi maak'a' chik li xyum”, chan. Tikto kixseti laj Agag chiru li Qaawa' aran Kilkal.

1 Samuel 15:33 ပူးပေါင်းရင်းမြစ်များ

Jueces 1:7

Ut laj Adoni-bezec quixye: —Junxil la̱in xintakla xyocꞌbal xmamaꞌil li ruꞌuj rokeb ut lix mamaꞌil li ruꞌuj rukꞌeb laje̱b xca̱cꞌa̱l (70) chi rey ut nequeꞌxxoc lix cꞌaj li cua li natꞌaneꞌ rubel lin me̱x re nak teꞌcuaꞌak. Anakcuan li Dios xba̱nu cue joꞌ xinba̱nu reheb aꞌan, chan. Ut laj Adoni-bezec quicꞌameꞌ Jerusalén ut aran quicam.

Génesis 9:6

Li ani tixcamsi junak ras ri̱tzꞌin, ta̱camsi̱k ajcuiꞌ aꞌan. Xinye aꞌin xban nak la̱in quinyoꞌobtesi li cui̱nk joꞌ li cuiloba̱l la̱in.

San Mateo 7:2

Xban nak chanru nak nequextzꞌiloc a̱tin, joꞌcan ajcuiꞌ ta̱uxk e̱re la̱ex. Ut riqꞌuin li bisleb li nequexbisoc cuiꞌ, riqꞌuin ajcuiꞌ aꞌan texbisekꞌ la̱ex.

Apocalipsis 18:6

Cheꞌqꞌuehekꞌ chixtoj li joꞌ qꞌuial li raylal xeꞌxba̱nu reheb li jalaneb xtenamit. Chiqꞌuehekꞌ re̱kaj li queꞌxba̱nu reheb. Caꞌ sut xqꞌuial li raylal ta̱ba̱nu̱k reheb chiru li queꞌxba̱nu eb aꞌan.

Apocalipsis 16:6

Xban nak aꞌan eb queꞌcamsin reheb la̱ cualal a̱cꞌajol ut eb la̱ profeta, joꞌcan nak xasukꞌisi li haꞌ chokꞌ quicꞌ ut xaqꞌueheb chirucꞌ. Xcꞌulubeb nak teꞌxcꞌul chi joꞌcan xban nak incꞌaꞌ us lix naꞌlebeb, chan.

Santiago 2:13

Li ani incꞌaꞌ naruxta̱na ru li ras ri̱tzꞌin incꞌaꞌ ajcuiꞌ ta̱uxta̱na̱k ru xban li Dios saꞌ li rakba a̱tin. Ut li ani ta̱ruxta̱na ru li ras ri̱tzꞌin, ta̱uxta̱na̱k ajcuiꞌ ru xban li Dios.

Jeremías 48:10

(Tzꞌekta̱nanbilakeb li incꞌaꞌ nequeꞌxqꞌue xchꞌo̱l chixba̱nunquil lix cꞌanjel li Dios. Tzꞌekta̱nanbilakeb li incꞌaꞌ teꞌoque̱nk chi camsi̱nc nak taklanbileb xban li Ka̱cuaꞌ.)

Isaías 34:6

Nak teꞌcamsi̱k chanchan nak lix chꞌi̱chꞌ li Ka̱cuaꞌ ta̱osokꞌ saꞌ lix quiqꞌueleb ut saꞌ lix xe̱b. Chanchan nak nequeꞌcamsi̱c li cocꞌ carner ut eb li chiba̱t nak nequeꞌxqꞌue lix mayej. Chanchan nak li Ka̱cuaꞌ oc re xqꞌuebal li cꞌatbil mayej aran Bosra. Ma̱ caꞌchꞌin li camsi̱nc ta̱cua̱nk aran Edom.

1 Reyes 18:40

Laj Elías quixye reheb: —Chapomakeb lix profeta laj Baal. Ma̱ jun reheb te̱canab chi e̱lelic, chan. Ut queꞌxchap eb li profeta aj balakꞌ. Ut laj Elías quixye reheb nak teꞌxcꞌameb saꞌ li nimaꞌ Cisón ut aran quixcamsiheb chi chꞌi̱chꞌ.

Números 14:45

Ut eb laj Amalec ut eb laj Canaán li cuanqueb saꞌ li naꞌajej li tzu̱l ru, queꞌcube chi pletic riqꞌuineb ut queꞌnumta saꞌ xbe̱neb. Queꞌra̱linaheb toj saꞌ li naꞌajej Horma.

Éxodo 17:11

Nak quixtaksi li rukꞌ laj Moisés, kꞌaxal cauheb rib laj Israel. Ut nak quixcubsi li rukꞌ laj Moisés, eb laj Amalec chic cauheb rib.

1 Samuel 15:32

Ut laj Samuel quixye: —Cꞌamomak chak arin laj Agag, lix rey eb laj Amalec, chan. Quichal riqꞌuin laj Samuel laj Agag chi sa saꞌ xchꞌo̱l ut quixye saꞌ xchꞌo̱l, “Incꞌaꞌ chic tineꞌxcamsi” chan.

Jeremías 18:21

Anakcuan ta̱takla taxak li cueꞌej saꞌ xbe̱neb li ralal xcꞌajoleb. Cheꞌcamsi̱k ta riqꞌuin chꞌi̱chꞌ. Eb li ixakilbej cheꞌcana̱k chi ma̱cꞌaꞌak chic lix cocꞌaleb ut chi ma̱cꞌaꞌak chic lix be̱lomeb. Eb li be̱lomej cheꞌca̱mk ut eb li toj sa̱jeb cheꞌcamsi̱k saꞌ li ple̱t.

Oseas 6:5

Joꞌcan nak xintaklaheb lin profeta e̱riqꞌuin chixyebal resil li rakba a̱tin cha̱lel saꞌ e̱be̱n xban le̱ ma̱usilal. Ut riqꞌuin li a̱tin x-el chi xtzꞌu̱mal cue, tenebanbil li ca̱mc saꞌ e̱be̱n. Chanchan nak narepoc li ca̱k nak tinrakok a̱tin saꞌ e̱be̱n.

Éxodo 21:24

Li ani ta̱risi xnakꞌ ru li ras ri̱tzꞌin, ta̱isi̱k ajcuiꞌ li xnakꞌ ru aꞌan. Ut li ani ta̱risi ruch re li ras ri̱tzꞌin, ta̱isi̱k ajcuiꞌ li ruch re aꞌan. Ut li ani ta̱risi li rukꞌ li ras ri̱tzꞌin, ta̱isi̱k ajcuiꞌ li rukꞌ aꞌan. Ut li ani ta̱risi li rok li ras ri̱tzꞌin, ta̱isi̱k ajcuiꞌ li rok aꞌan.

1 Samuel 10:8

La̱at xbe̱n cua tatxic chicuu aran Gilgal. Aran tina̱cuoybeni cuukub cutan toj tincuulak. Ut tinmayeja li cꞌatbil xul ut tinmayejak ajcuiꞌ re xcꞌambal kib saꞌ usilal chiru li Dios. Toj aran tinye a̱cue cꞌaꞌru ta̱ba̱nu, chan laj Samuel.