1 Samuel 15:28 - Li Santil hu

²⁸ Laj Samuel quixye re laj Saúl: —Li Ka̱cuaꞌ quixmakꞌ cha̱cuu la̱ cuanquil anakcuan ut quixqꞌue re jun chic kꞌaxal cha̱bil cha̱cuu la̱at.

Q'eqchi Bible

²⁸ Toja' naq kixye laj Samuel: “Jo'kan ajwi' li Qaawa' xmaq' chawu laawankil sa' xb'eeneb' laj Israel sa' li kutan a'in, ut xq'axtesi re jalan chik q'axal chaab'il chawu laa'at.

1 Samuel 15:28 ပူးပေါင်းရင်းမြစ်များ

Hechos 13:22

Ut nak qui-isi̱c laj Saúl, li Dios quixqꞌue laj David chokꞌ xreyeb ut quixye: “Xinsicꞌ ru laj David ralal laj Isaí. Nacuulac chicuu lix naꞌleb li cui̱nk aꞌan. Aꞌan tixba̱nu chixjunil li cꞌaꞌru nacuaj la̱in,” chan.

Romanos 13:1

Chexpa̱ba̱nk chiruheb li nequeꞌtaklan saꞌ xbe̱n li tenamit. Ma̱ ani cuan xcuanquil chi takla̱nc cui incꞌaꞌ ta qꞌuebil re xban li Dios. Eb li cuanqueb xcuanquil saꞌ xbe̱n li tenamit, aꞌ li Dios quixakaban reheb.

San Juan 19:11

Li Jesús quixye re: —Ma̱cꞌaꞌ raj a̱cuanquil saꞌ inbe̱n cui ta incꞌaꞌ qꞌuebil a̱cue xban li Dios. Ut li jun li xkꞌaxtesin cue saꞌ a̱cuukꞌ re nak tatrakok a̱tin saꞌ inbe̱n, aꞌan kꞌaxal cuiꞌchic nim xma̱c cha̱cuu la̱at, chan.

Daniel 4:32

—Tat-isi̱k saꞌ xya̱nkeb li tenamit ut saꞌ pim chic tatcua̱nk saꞌ xya̱nkeb li xul. Cuukub chihab ta̱cuaꞌ li pim joꞌqueb li bo̱yx. Tatcua̱nk saꞌ pim toj ta̱qꞌue retal nak li nimajcual Dios, aꞌan li kꞌaxal nim xcuanquil saꞌ xbe̱neb li cuanqueb xcuanquil saꞌ ruchichꞌochꞌ. Ut aꞌan naxqꞌue xcuanquil li ani naraj xqꞌuebal xcuanquil, chan li ángel.

Daniel 4:17

Aꞌan aꞌin li tenebanbil saꞌ xbe̱n xbaneb li santil ángel li nequeꞌcꞌacꞌalen, re nak chixjunileb teꞌxqꞌue retal nak li nimajcual Dios nim xcuanquil saꞌ xbe̱neb li nequeꞌtaklan saꞌ ruchichꞌochꞌ. Aꞌan naqꞌuehoc xcuanquileb li ani naraj aꞌan, ut naxqꞌueheb xcuanquil li ma̱cꞌaꞌeb xcuanquil.” Joꞌcan quixye cue li ángel.

1 Samuel 16:12

Ut laj Isaí quixtakla xbokbal li i̱tzꞌinbej. Li al aꞌan cꞌajoꞌ xchakꞌal ru ut cau rib. Chꞌinaꞌus na-iloc. Ut li Ka̱cuaꞌ quixye re laj Samuel: —Qꞌue li aceite saꞌ xjolom xban nak aꞌan aꞌin li sicꞌbil ru inban, chan.

1 Samuel 13:14

Abanan anakcuan incꞌaꞌ chic ta̱cua̱nk a̱cuanquil chi junelic xban nak xakꞌet xchakꞌrab li Dios. Li Ka̱cuaꞌ ac xsicꞌ ru jun chic li cui̱nk li tixba̱nu joꞌ naraj li Dios. Ut aꞌan chic ta̱takla̱nk saꞌ xbe̱neb laj Israel xban nak xakꞌet li ra̱tin li Ka̱cuaꞌ, chan.

1 Samuel 18:8

Cꞌajoꞌ nak quijoskꞌoꞌ laj Saúl nak quirabi li yo̱queb chixyebal. Quixye: —Yo̱queb chixyebal nak laj David quixcamsi laje̱b mil ut la̱in jun mil ajcuiꞌ. Caꞌchꞌin chic ma̱ nequeꞌxxakab chokꞌ rey, chan.

2 Samuel 3:9

Aꞌ taxak li Ka̱cuaꞌ chiqꞌuehok cue chixtojbal inma̱c cui incꞌaꞌ tintenkꞌa laj David joꞌ quixyechiꞌi li Ka̱cuaꞌ re.

2 Samuel 3:10

Li Ka̱cuaꞌ quixye nak ta̱risi xcuanquileb li ralal xcꞌajol laj Saúl ut tixqꞌue re laj David. Laj David ta̱oc chokꞌ xreyeb li cuanqueb saꞌ li naꞌajej Israel, joꞌ ajcuiꞌ chokꞌ xreyeb li cuanqueb saꞌ li naꞌajej Judá. Ta̱takla̱nk saꞌ chixjunil li naꞌajej li naticla aran Dan toj Beerseba, chan laj Abner.

2 Samuel 3:18

Anakcuan naru te̱xakab chokꞌ e̱rey xban nak li Ka̱cuaꞌ quixye re laj David chi joꞌcaꞌin, “La̱in tatintenkꞌa chixcolbaleb lin tenamit Israel chiruheb laj filisteo ut chiruheb ajcuiꞌ chixjunileb li xicꞌ nequeꞌiloc reheb,” chan.

2 Samuel 6:21

Laj David quixye re: —La̱in xinxajoc re xqꞌuebal xlokꞌal li Ka̱cuaꞌ li quisicꞌoc cuu chokꞌ re̱kaj la̱ yucuaꞌ ut eb li ralal xcꞌajol. Li Ka̱cuaꞌ xinixxakab chi takla̱nc saꞌ xbe̱neb laj Israel, lix tenamit. Joꞌcan nak la̱in tinxajok cuiꞌchic re xqꞌuebal xlokꞌal li Ka̱cuaꞌ.

1 Crónicas 10:14

Incꞌaꞌ quixtzꞌa̱ma xnaꞌleb riqꞌuin li Dios. Xban aꞌan nak li Ka̱cuaꞌ quixcamsi ut quixxakab laj David ralal laj Isaí chokꞌ xreyeb laj Israel.

1 Samuel 25:30

Nak acak xacꞌul li quixye chak cha̱cuix li Ka̱cuaꞌ ut nak acak xat-oc chokꞌ xreyeb laj Israel,

1 Reyes 11:11

Li Ka̱cuaꞌ Dios quixye re laj Salomón: —Xban nak incꞌaꞌ xaba̱nu li cꞌaꞌru xinye a̱cue saꞌ lin contrato ut xakꞌet lin chakꞌrab, joꞌcan nak la̱in tincuisi la̱ cuanquil ut tinqꞌue re li yo̱ chi cꞌanjelac cha̱cuu.

Li xHu LAJ JOB 34:24

Aꞌan narisiheb saꞌ xcuanquileb li ni̱nkeb xcuanquil. Moco tento ta tixpatzꞌ cꞌaꞌru xma̱c. Ut jalan chic naxqꞌueheb saꞌ lix naꞌajeb.