1 Samuel 15:26 - Li Santil hu

²⁶ Laj Samuel quixye re: —Incꞌaꞌ tinxic cha̱cuix xban nak xatzꞌekta̱na li ra̱tin li Dios. Ut li Ka̱cuaꞌ xatxtzꞌekta̱na la̱at re nak incꞌaꞌ chic tatcua̱nk chokꞌ xreyeb laj Israel, chan.

Q'eqchi Bible

²⁶ Ab'an laj Samuel kixsume: “Ink'a' tinxik chawix. Laa'at xatz'eqtaana li raatin li Qaawa', jo'kan naq tz'eqtaananb'ilat anaqwan xb'aan li Qaawa' re naq ink'a' chik tat-awab'ejinq sa' xb'eeneb' laj Israel”.

1 Samuel 15:26 ပူးပေါင်းရင်းမြစ်များ

Oseas 4:6

Teꞌsachekꞌ lin tenamit saꞌ e̱ma̱c la̱ex xban nak incꞌaꞌ xecꞌut lix ya̱lal chiruheb. Xban nak la̱ex xetzꞌekta̱na lin chakꞌrab li xinqꞌue e̱re, joꞌcan ajcuiꞌ nak texintzꞌekta̱na la̱in ut texcuisi saꞌ le̱ cꞌanjel. Incꞌaꞌ chic teꞌcꞌanjelak chokꞌ aj tij le̱ ralal e̱cꞌajol.

1 Samuel 16:1

Li Ka̱cuaꞌ quixye re laj Samuel: —¿Joꞌ najtil chic rahak a̱chꞌo̱l chirix laj Saúl? La̱in incꞌaꞌ chic nacuaj ta̱cua̱nk chokꞌ rey. Ta̱qꞌue li aceite saꞌ li xucub ut tatxic aran Belén riqꞌuin laj Isaí xban nak la̱in xinsicꞌ ru jun reheb li ralal re ta̱oc chokꞌ rey, chan li Ka̱cuaꞌ.

1 Samuel 13:14

Abanan anakcuan incꞌaꞌ chic ta̱cua̱nk a̱cuanquil chi junelic xban nak xakꞌet xchakꞌrab li Dios. Li Ka̱cuaꞌ ac xsicꞌ ru jun chic li cui̱nk li tixba̱nu joꞌ naraj li Dios. Ut aꞌan chic ta̱takla̱nk saꞌ xbe̱neb laj Israel xban nak xakꞌet li ra̱tin li Ka̱cuaꞌ, chan.

2 Juan 1:11

Xban nak li ani naxtzꞌa̱ma chiru li Dios nak ta̱rosobtesiheb laj balakꞌ, aꞌan ta̱tzꞌako̱nk riqꞌuin lix yibal ru lix cꞌanjeleb.

Jeremías 6:19

Abihomak la̱ex li cuanquex saꞌ ruchichꞌochꞌ. La̱in tinqꞌue li raylal saꞌ xbe̱neb lin tenamit xban li ma̱usilal queꞌxba̱nu. Incꞌaꞌ queꞌabin chicuu, ut queꞌxkꞌet li chakꞌrab quinqꞌue reheb.

1 Samuel 15:23

Li xkꞌetbal xchakꞌrab li Dios, aꞌan nimla ma̱c joꞌ li kꞌehi̱nc. Ut li xtzꞌekta̱nanquil li ra̱tin li Dios, aꞌan nimla ma̱c ajcuiꞌ joꞌ li xlokꞌoninquil li yi̱banbil dios. Joꞌ nak la̱at xatzꞌekta̱na li ra̱tin li Ka̱cuaꞌ, joꞌcan ajcuiꞌ nak li Ka̱cuaꞌ xatxtzꞌekta̱na la̱at ut xatrisi saꞌ la̱ cuanquil. Incꞌaꞌ chic tatcꞌanjelak chokꞌ rey, chan laj Samuel.

1 Samuel 15:31

Joꞌcan nak laj Samuel co̱ chirix laj Saúl ut laj Saúl quixlokꞌoni li Ka̱cuaꞌ.

1 Samuel 2:30

Joꞌcan nak li Ka̱cuaꞌ li nequeꞌxlokꞌoni laj Israel quixye chi joꞌcaꞌin, “Quinye nak eb li ralal xcꞌajol la̱ yucuaꞌ teꞌcꞌanjelak chicuu chokꞌ aj tij chi junelic kꞌe cutan. Abanan anakcuan incꞌaꞌ chic ta̱ru̱k texcꞌanjelak chicuu xban nak la̱in ninqꞌue xlokꞌal li nalokꞌonin cue ut nintzꞌekta̱na li ani natzꞌekta̱nan cue.

Génesis 42:38

Ut laj Jacob quixye re: —Ma̱ jaruj ta̱ru̱k ta̱xic li cualal che̱rix. Cꞌoxla, camenak li cualal jun ut caꞌaj chic laj Benjamín nacuan cuiqꞌuin. Ma̱re cꞌaꞌru tixcꞌul saꞌ be nak yo̱kex chi xic. Cui ma̱ anihak chic laj Benjamín cuiqꞌuin, la̱in naru nincam xban xrahil saꞌ inchꞌo̱l xban nak la̱in ti̱xin chic. La̱ex cuan e̱ma̱c cui nincam xban xrahil inchꞌo̱l, chan laj Jacob.

Hechos 13:22

Ut nak qui-isi̱c laj Saúl, li Dios quixqꞌue laj David chokꞌ xreyeb ut quixye: “Xinsicꞌ ru laj David ralal laj Isaí. Nacuulac chicuu lix naꞌleb li cui̱nk aꞌan. Aꞌan tixba̱nu chixjunil li cꞌaꞌru nacuaj la̱in,” chan.

1 Samuel 28:18

La̱at incꞌaꞌ xaba̱nu li quixye a̱cue nak yo̱ xjoskꞌil saꞌ xbe̱neb laj Amalec. Xakꞌet ban li ra̱tin. Joꞌcan nak li Ka̱cuaꞌ xrisi la̱ cuanquil anakcuan.

2 Samuel 12:9

¿Cꞌaꞌut nak xatzꞌekta̱na li chakꞌrab li xinqꞌue a̱cue? ¿Cꞌaꞌut nak xaba̱nu li ma̱usilal aꞌin? Xatakla laj Urías laj heteo chi camsi̱c. ¿Cꞌaꞌut nak xaqꞌue chi camsi̱c xbaneb laj Amón ut xacꞌam chokꞌ a̱cue li rixakil?

Oseas 13:11

Usta yo̱ injoskꞌil, abanan xinqꞌue le̱ rey li xetzꞌa̱ma. Ut anakcuan xban injoskꞌil, tincuisi cuiꞌchic le̱ rey che̱ru.

2 Samuel 7:15

Abanan incꞌaꞌ tincanab ruxta̱nanquil ru joꞌ nak quincanab ruxta̱nanquil ru laj Saúl. Quicuisi saꞌ xcuanquil re nak la̱at chic tat-oc chokꞌ rey.