1 Samuel 15:24 - Li Santil hu

²⁴ Tojoꞌnak laj Saúl quixye re laj Samuel: —La̱in xinma̱cob. Xinkꞌet li ra̱tin li Dios ut xinkꞌet ajcuiꞌ la̱ cua̱tin la̱at. Xban nak xinxucuac chiruheb li tenamit, joꞌcan nak xinba̱nu li cꞌaꞌru xeꞌxye. Ba̱nu usilal, chacuy inma̱c.

Q'eqchi Bible

²⁴ Toja' naq laj Saúl kixye re laj Samuel: “Xinmaakob'k, xinq'et xchaq'rab' li Qaawa' jo' ajwi' laawaatin, xb'aan naq xinxiwak chiru li tenamit ut xinb'aanu li xe'xye we.

1 Samuel 15:24 ပူးပေါင်းရင်းမြစ်များ

2 Samuel 12:13

Ut laj David quixye: —Ya̱l nak la̱in xinma̱cob chiru li Ka̱cuaꞌ, chan. Laj Natán quixye re: —Li Ka̱cuaꞌ quixcuy la̱ ma̱c. Incꞌaꞌ tatca̱mk la̱at.

Proverbios 29:25

Li xxucuanquil ru li cui̱nk, aꞌan chanchan jun li raꞌal. Abanan li ani cꞌojcꞌo xchꞌo̱l riqꞌuin li Dios, aꞌan ta̱colekꞌ.

Números 22:34

Laj Balaam quixye re lix ángel li Ka̱cuaꞌ: —La̱in xinma̱cob. La̱in incꞌaꞌ xinnau nak xakxo̱cat arin chixrambal inbe. Cui incꞌaꞌ nacacuaj nak tinxic, la̱in tinsukꞌi̱k saꞌ cuochoch, chan.

Apocalipsis 21:8

Abanan li cꞌaꞌru teꞌre̱chani li incꞌaꞌ useb xnaꞌleb, aꞌan li xxamlel li azufre li chanchan palau, aꞌan lix naꞌajeb li nequeꞌxucuac, ut eb li incꞌaꞌ nequeꞌpa̱ban, ut eb li queꞌxmux ru lix pa̱ba̱leb, ut eb li nequeꞌxcamsi ras ri̱tzꞌin, ut eb laj coꞌbe̱t laj yumbe̱t, ut eb laj tu̱l, ut eb li nequeꞌlokꞌonin jalanil dios, joꞌqueb ajcuiꞌ laj ticꞌtiꞌ. Li cꞌaꞌru teꞌre̱chani eb aꞌan, aꞌan li xcab camic nak teꞌcutekꞌ saꞌ li xam.—

Gálatas 1:10

¿Ma yal re ta biꞌ nak teꞌsahokꞌ xchꞌo̱l li cui̱nk cuiqꞌuin nak yo̱quin chixyebal chi joꞌcaꞌin? ¿Ma incꞌaꞌ ta biꞌ yo̱quin chixyebal chi joꞌcaꞌin re nak sahak xchꞌo̱l li Dios cuiqꞌuin? ¿Ma tincuaj ta biꞌ tincꞌojob xchꞌo̱leb li cui̱nk? Ma̱ jokꞌe xban nak cui ta toj nacuaj xcꞌojobanquil xchꞌo̱leb li cui̱nk ma̱cuaꞌin raj aj cꞌanjel chiru li Jesucristo.

San Mateo 27:4

Quixye reheb: —Xinma̱cob nak xinkꞌaxtesi e̱re li cui̱nk aꞌin xban nak ma̱cꞌaꞌ xma̱c, chan. Aꞌut eb aꞌan queꞌxye re: —¿Cꞌaꞌ takaj re la̱o? Il cꞌaꞌru ta̱ba̱nu.—

Éxodo 23:2

Usta chixjunileb li tenamit yo̱keb xba̱nunquil li ma̱usilal, abanan me̱ba̱nu e̱re la̱ex. Nak texbokekꞌ chiru laj rakol a̱tin, me̱ye ticꞌtiꞌ usta lix qꞌuial li cuanqueb aran teꞌticꞌtiꞌik. Cheba̱nu ban saꞌ ti̱quilal.

Jeremías 38:5

Laj Sedequías quixye reheb: —Ba̱nuhomak re laj Jeremías li cꞌaꞌru te̱raj xba̱nunquil. La̱in ma̱cꞌaꞌ naru ninye, chan.

Li xHu LAJ JOB 31:34

La̱in incꞌaꞌ xinxucuac xban li cꞌaꞌru teꞌxye li cristian. Ma̱ jun sut xintzꞌap cuib saꞌ cuochoch chi ma̱cꞌaꞌ xinye yal xban inxiu nak tineꞌxtzꞌekta̱na.

1 Samuel 15:30

Laj Saúl quixye re: —La̱in xinma̱cob. Abanan nintzꞌa̱ma cha̱cuu nak ta̱qꞌue inlokꞌal chiruheb li nequeꞌcꞌamoc be chiruheb lin tenamit Israel ut chiruheb ajcuiꞌ chixjunileb li tenamit. Tatsukꞌi̱k cuochben re nak tinlokꞌoni li Ka̱cuaꞌ la̱ Dios, chan.

1 Samuel 15:15

Quichakꞌoc laj Saúl ut quixye: —Riqꞌuineb laj Amalec xkacꞌameb chak. Eb li soldados incꞌaꞌ queꞌxcamsi li cha̱bil saꞌ xya̱nkeb li carner ut li cuacax. Queꞌxsicꞌ ruheb re takamayeja chiru li Ka̱cuaꞌ la̱ Dios. Ut li jun chꞌol chic xkasach ruheb, chan.

1 Samuel 15:9

Laj Saúl ut eb lix soldado incꞌaꞌ queꞌxcamsi laj Agag, chi moco queꞌxcamsiheb li carner li cha̱bil, chi moco li cuacax li ni̱nkeb xtibel. Ut incꞌaꞌ queꞌxsach ru li cꞌaꞌru terto xtzꞌak. Caꞌaj cuiꞌ li cꞌaꞌru ma̱cꞌaꞌ na-oc cuiꞌ, aꞌan li queꞌxsach.

1 Samuel 2:29

¿Cꞌaꞌut nak nacamux ru li mayej li xinye reheb li tenamit nak teꞌxmayeja chicuu chiru li tabernáculo? ¿Cꞌaꞌut nak kꞌaxal nacaqꞌue xlokꞌaleb la̱ cualal chicuu la̱in? ¿Cꞌaꞌut nak yo̱queb chi ni̱nka̱nc riqꞌuin lix cha̱bilal li tib li nequeꞌxmayeja chicuu lin tenamit Israel? chan li Ka̱cuaꞌ.”

Éxodo 10:16

Tojoꞌnak laj faraón saꞌ junpa̱t quixbokeb chak laj Moisés ut laj Aarón. Quixye reheb: —Xinma̱cob chiru li Ka̱cuaꞌ la̱ Dios ut che̱ru ajcuiꞌ la̱ex.

Éxodo 9:27

Tojoꞌnak laj faraón quixtakla xbokbaleb laj Moisés ut laj Aarón. Quixye reheb: —Anakcuan xinnau nak xinma̱cob. Moco li Ka̱cuaꞌ Dios ta cuan re. La̱in cuan cue ut joꞌ ajcuiꞌ lin tenamit cuanqueb re.

Génesis 3:17

Ut li Dios quixye re laj Adán: —Xban nak xapa̱b re la̱ cuixakil ut xalou ru li cheꞌ li xinye a̱cue nak incꞌaꞌ ta̱lou, a̱ma̱c la̱at nak tzꞌekta̱nanbilak chic li chꞌochꞌ chi junelic. Ra sa chic nak ta̱tau la̱ tzacae̱mk joꞌ najtil tatcua̱nk saꞌ ruchichꞌochꞌ.

Génesis 3:12

Quichakꞌoc li cui̱nk ut quixye: —Li ixk li xaqꞌue chokꞌ cuochben, aꞌan xqꞌuehoc cue li ru li cheꞌ. Ut xinlou, chan.

1 Samuel 26:21

Ut laj Saúl quixye re: —At David, at cualal, sukꞌin chak cuiqꞌuin. Ma̱cꞌaꞌ tinba̱nu a̱cue xban nak incꞌaꞌ xina̱camsi anakcuan. Ma̱cꞌaꞌ innaꞌleb. Incꞌaꞌ us li xinba̱nu, chan laj Saúl.

Salmos 51:4

Xinma̱cob cha̱cuu. Caꞌaj cuiꞌ cha̱cuu la̱at xinma̱cob ut xinba̱nu li incꞌaꞌ nacuulac cha̱cuu. La̱at xatrakoc a̱tin saꞌ inbe̱n saꞌ ti̱quilal ut ma̱ ani ta̱yehok re nak incꞌaꞌ us li nacaba̱nu.