1 Samuel 15:23 - Li Santil hu

²³ Li xkꞌetbal xchakꞌrab li Dios, aꞌan nimla ma̱c joꞌ li kꞌehi̱nc. Ut li xtzꞌekta̱nanquil li ra̱tin li Dios, aꞌan nimla ma̱c ajcuiꞌ joꞌ li xlokꞌoninquil li yi̱banbil dios. Joꞌ nak la̱at xatzꞌekta̱na li ra̱tin li Ka̱cuaꞌ, joꞌcan ajcuiꞌ nak li Ka̱cuaꞌ xatxtzꞌekta̱na la̱at ut xatrisi saꞌ la̱ cuanquil. Incꞌaꞌ chic tatcꞌanjelak chokꞌ rey, chan laj Samuel.

Q'eqchi Bible

²³ Li xq'etb'al li xchaq'rab' li Yos, a'an maak kama' li q'ehink; ut li xtz'eqtaanankil li raatin li Qaawa', a'an ajwi' maak kama' li loq'onink chiru li jalanil yos. Jo' laa'at xatz'eqtaana li raatin li Qaawa', jo'kan ajwi' tatxtz'eqtaana A'an anaqwan, re naq ink'a' chik tat-awab'ejinq”.

1 Samuel 15:23 ပူးပေါင်းရင်းမြစ်များ

Jeremías 28:16

Joꞌcan nak li Ka̱cuaꞌ xye nak tatrisi saꞌ ruchichꞌochꞌ. Chiru ajcuiꞌ li chihab aꞌin tatca̱mk xban nak xacꞌam xbeheb li tenamit chixkꞌetkꞌetinquil ribeb chiru li Ka̱cuaꞌ, chan.

1 Samuel 13:14

Abanan anakcuan incꞌaꞌ chic ta̱cua̱nk a̱cuanquil chi junelic xban nak xakꞌet xchakꞌrab li Dios. Li Ka̱cuaꞌ ac xsicꞌ ru jun chic li cui̱nk li tixba̱nu joꞌ naraj li Dios. Ut aꞌan chic ta̱takla̱nk saꞌ xbe̱neb laj Israel xban nak xakꞌet li ra̱tin li Ka̱cuaꞌ, chan.

Levítico 20:6

La̱in xicꞌ nacuileb li nequeꞌxsicꞌ xnaꞌleb riqꞌuineb li nequeꞌa̱tinan musikꞌej, joꞌqueb ajcuiꞌ li nequeꞌtzꞌekta̱nan cue ut nequeꞌxsicꞌ xnaꞌleb riqꞌuineb laj kꞌe. Tincuisiheb saꞌ xya̱nkeb laj Israel.

Gálatas 5:20

lokꞌoni̱nc yi̱banbil dios, tu̱lac, xi̱qꞌuil u̱chi̱nc, pletic, cakali̱nc, joskꞌi̱nc, yoꞌoba̱nc ra xi̱cꞌ, cuechꞌij ib, poꞌoc ru pa̱ba̱l,

Jeremías 29:32

Joꞌcan nak la̱in li Ka̱cuaꞌ tinqꞌue laj Semaías chixtojbal xma̱c. Incꞌaꞌ teꞌcua̱nk li ralal xcꞌajol saꞌ e̱ya̱nk, chi moco ta̱ril laj Semaías li usilal li tinba̱nu reheb lin tenamit xban nak laj Semaías quixcꞌam xbeheb li tenamit chixkꞌetkꞌetinquil ribeb chicuu, chan li Ka̱cuaꞌ.

2 Corintios 6:16

¿Ma xcꞌulubeb ta biꞌ li yi̱banbil dios nak teꞌcua̱nk saꞌ rochoch li yoꞌyo̱quil Dios? Ma̱min ta̱ru̱k. La̱in ninye e̱re nak la̱o aj pa̱banelo, la̱o li rochoch li yoꞌyo̱quil Dios. Li Dios, aꞌan li quixye chi joꞌcaꞌin: La̱in tincua̱nk riqꞌuineb ut tincuochbeniheb. La̱inak lix Dioseb aꞌan, ut aꞌanakeb li cualal incꞌajol, chan. (Lev. 26:12)

Salmos 107:11

Joꞌcan yo̱queb chixcꞌulbal xban nak queꞌxkꞌet li ra̱tin li Dios. Incꞌaꞌ queꞌxqꞌue xcuanquil lix chakꞌrab li nimajcual Dios.

1 Crónicas 28:9

Ut la̱at, at Salomón, at cualal, chapa̱b li Ka̱cuaꞌ lix Dios la̱ yucuaꞌ ut chatcꞌanjelak chiru chi anchal a̱chꞌo̱l ut saꞌ ti̱quilal. Li Ka̱cuaꞌ, aꞌan naxnau cꞌaꞌru cuan saꞌ xchꞌo̱l li junju̱nk ut naxnau chanru lix naꞌleb. Cui la̱at ta̱sicꞌ li Dios, aꞌan ta̱tenkꞌa̱nk a̱cue. Cui ut ta̱tzꞌekta̱na, aꞌan tatxtzꞌekta̱na ajcuiꞌ la̱at chi junaj cua.

Éxodo 22:18

Incꞌaꞌ ta̱canaba̱k chi yoꞌyo li ani natu̱lac.

Génesis 31:34

Abanan lix Raquel ac xmukeb lix dios rubel lix soc rix li camello. Chunchu aran saꞌ xbe̱n nak quicuulac laj Labán riqꞌuin. Laj Labán quixsiqꞌui lix dios yalak bar ut incꞌaꞌ quixtau.

Génesis 31:19

Ma̱ ani laj Labán. Cuan chak saꞌ jalan naꞌajej chixbesbal rixeb lix carner nak lix Raquel quirelkꞌaheb lix dios lix yucuaꞌ.

Li xHu LAJ JOB 34:37

Moco caꞌaj cuiꞌ ta li ma̱c aꞌan naxba̱nu. Yo̱ aj ban cuiꞌ chixkꞌetkꞌetinquil rib chiru li Dios. Ut chiku yo̱ chixhobbal ut yo̱ ajcuiꞌ chixcuechꞌinquil.

Deuteronomio 9:7

Chijulticokꞌ e̱re chanru nak quechikꞌ chak xjoskꞌil li Ka̱cuaꞌ le̱ Dios nak cuanquex saꞌ li chaki chꞌochꞌ. Chalen saꞌ li cutan nak quex-el chak Egipto toj chalen anakcuan nak cuanquex saꞌ li naꞌajej aꞌin, yo̱quex chixkꞌetkꞌetinquil e̱rib chiru li Ka̱cuaꞌ.

Levítico 20:27

Cui cuanqueb cui̱nk ut ixk saꞌ e̱ya̱nk li naa̱tinac riqꞌuineb li musikꞌej malaj ut nakꞌehin, tento nak teꞌcamsi̱k chi pec. Ut eb aꞌan cuanqueb xma̱c nak teꞌcamsi̱k.

Apocalipsis 22:15

Abanan li incꞌaꞌ useb xnaꞌleb incꞌaꞌ ta̱ru̱k teꞌoc saꞌ li tenamit aꞌan, chi moco laj tu̱l, chi moco laj coꞌbe̱t laj yumbe̱t, chi moco li nequeꞌxcamsi ras ri̱tzꞌineb ut eb li nequeꞌlokꞌonin jalanil dios joꞌqueb ajcuiꞌ li nequeꞌcuulac chiru balakꞌic ut ticꞌtiꞌic.

Isaías 19:3

La̱in tinsach xnaꞌlebeb laj Egipto ut tinpoꞌ ru li cꞌaꞌru teꞌxcꞌu̱b ru. Eb aꞌan teꞌxpatzꞌ xnaꞌlebeb riqꞌuineb lix dioseb ut riqꞌuineb li camenak, joꞌ ajcuiꞌ riqꞌuineb laj kꞌe ut eb laj tu̱l.

Isaías 8:19

Cui eb li tenamit teꞌxye e̱re nak te̱patzꞌ e̱naꞌleb riqꞌuineb laj kꞌe ut eb laj tu̱l li nequeꞌhasbac ut nequeꞌa̱tinac yal chi joꞌcan, la̱ex texchakꞌok ut te̱ye: —¿Ma incꞌaꞌ ta biꞌ ta̱ru̱k tixpatzꞌ xnaꞌleb junak tenamit riqꞌuin lix Dios? ¿Ma ta̱ru̱k ta biꞌ teꞌxpatzꞌ xnaꞌleb li yoꞌyo̱queb riqꞌuineb li camenak?—

1 Samuel 16:1

Li Ka̱cuaꞌ quixye re laj Samuel: —¿Joꞌ najtil chic rahak a̱chꞌo̱l chirix laj Saúl? La̱in incꞌaꞌ chic nacuaj ta̱cua̱nk chokꞌ rey. Ta̱qꞌue li aceite saꞌ li xucub ut tatxic aran Belén riqꞌuin laj Isaí xban nak la̱in xinsicꞌ ru jun reheb li ralal re ta̱oc chokꞌ rey, chan li Ka̱cuaꞌ.

Deuteronomio 9:24

Junelic yo̱quex chixkꞌetkꞌetinquil e̱rib chiru li Ka̱cuaꞌ chalen saꞌ li cutan nak quinnau e̱ru.

Números 14:9

Joꞌcan nak me̱kꞌetkꞌeti e̱rib chiru li Ka̱cuaꞌ ut mexxucuac chiruheb li tenamit li cuanqueb saꞌ li naꞌajej aꞌan xban nak la̱o tonumta̱k saꞌ xbe̱neb ut take̱chaniheb. Eb aꞌan ma̱ ani natenkꞌan reheb, abanan la̱o cuan li Ka̱cuaꞌ li nimajcual Dios kiqꞌuin chikatenkꞌanquil. Joꞌcan nak mexxucuac, chanqueb laj Josué ut laj Caleb.

Apocalipsis 21:8

Abanan li cꞌaꞌru teꞌre̱chani li incꞌaꞌ useb xnaꞌleb, aꞌan li xxamlel li azufre li chanchan palau, aꞌan lix naꞌajeb li nequeꞌxucuac, ut eb li incꞌaꞌ nequeꞌpa̱ban, ut eb li queꞌxmux ru lix pa̱ba̱leb, ut eb li nequeꞌxcamsi ras ri̱tzꞌin, ut eb laj coꞌbe̱t laj yumbe̱t, ut eb laj tu̱l, ut eb li nequeꞌlokꞌonin jalanil dios, joꞌqueb ajcuiꞌ laj ticꞌtiꞌ. Li cꞌaꞌru teꞌre̱chani eb aꞌan, aꞌan li xcab camic nak teꞌcutekꞌ saꞌ li xam.—

1 Samuel 2:30

Joꞌcan nak li Ka̱cuaꞌ li nequeꞌxlokꞌoni laj Israel quixye chi joꞌcaꞌin, “Quinye nak eb li ralal xcꞌajol la̱ yucuaꞌ teꞌcꞌanjelak chicuu chokꞌ aj tij chi junelic kꞌe cutan. Abanan anakcuan incꞌaꞌ chic ta̱ru̱k texcꞌanjelak chicuu xban nak la̱in ninqꞌue xlokꞌal li nalokꞌonin cue ut nintzꞌekta̱na li ani natzꞌekta̱nan cue.

Hechos 13:22

Ut nak qui-isi̱c laj Saúl, li Dios quixqꞌue laj David chokꞌ xreyeb ut quixye: “Xinsicꞌ ru laj David ralal laj Isaí. Nacuulac chicuu lix naꞌleb li cui̱nk aꞌan. Aꞌan tixba̱nu chixjunil li cꞌaꞌru nacuaj la̱in,” chan.

1 Samuel 28:3

Laj Samuel ac quicam ut eb laj Israel queꞌrahoꞌ xchꞌo̱leb ut queꞌya̱bac chirix. Aran Ramá queꞌxmuk saꞌ lix tenamit. Ut laj Saúl ac xrisiheb aran Judá eb laj kꞌe ut eb laj ilonel.

2 Samuel 7:15

Abanan incꞌaꞌ tincanab ruxta̱nanquil ru joꞌ nak quincanab ruxta̱nanquil ru laj Saúl. Quicuisi saꞌ xcuanquil re nak la̱at chic tat-oc chokꞌ rey.

2 Samuel 12:9

¿Cꞌaꞌut nak xatzꞌekta̱na li chakꞌrab li xinqꞌue a̱cue? ¿Cꞌaꞌut nak xaba̱nu li ma̱usilal aꞌin? Xatakla laj Urías laj heteo chi camsi̱c. ¿Cꞌaꞌut nak xaqꞌue chi camsi̱c xbaneb laj Amón ut xacꞌam chokꞌ a̱cue li rixakil?

1 Crónicas 10:13

Joꞌcaꞌin nak quicam laj Saúl xban nak quixtzꞌekta̱na li Ka̱cuaꞌ. Quixkꞌet li ra̱tin li Ka̱cuaꞌ ut quixpatzꞌ xnaꞌleb riqꞌuin jun li ixk aj kꞌe.

Jeremías 16:12

Ut la̱ex kꞌaxal cuiꞌchic yibru nequeba̱nu chiru li queꞌxba̱nu le̱ xeꞌto̱nil yucuaꞌ. Nequeba̱nu li ma̱usilal li nequeraj xba̱nunquil yal e̱junes ut incꞌaꞌ us le̱ naꞌleb. Incꞌaꞌ nequeba̱nu li cꞌaꞌru naxye li Ka̱cuaꞌ.

Oseas 3:4

Joꞌcaꞌin xinba̱nu riqꞌuin re xcꞌutbal chiruheb laj Israel nak najt teꞌcua̱nk chi ma̱cꞌaꞌ lix reyeb, chi moco teꞌcua̱nk aj cꞌamol be chiruheb. Incꞌaꞌ chic teꞌmayejak chiruheb lix dioseb, chi moco ta̱cua̱nk lix dioseb pec, chi moco ta̱cua̱nk li cꞌaꞌak re ru re acuasi̱nc, chi moco teꞌcua̱nk lix yi̱banbil dios re ta̱colok reheb.

Josué 22:15

Eb aꞌan queꞌtakla̱c saꞌ li naꞌajej Galaad chi a̱tinac riqꞌuineb li ralal xcꞌajol laj Rubén, li ralal xcꞌajol laj Gad, ut li yijach li ralal xcꞌajol laj Manasés.

Oseas 13:11

Usta yo̱ injoskꞌil, abanan xinqꞌue le̱ rey li xetzꞌa̱ma. Ut anakcuan xban injoskꞌil, tincuisi cuiꞌchic le̱ rey che̱ru.