1 Samuel 15:18 - Li Santil hu

¹⁸ Ut li Ka̱cuaꞌ catxtakla chi pletic riqꞌuineb laj Amalec. Ut quixye a̱cue nak tento ta̱sacheb ru chixjunileb xban nak aj ma̱queb.

Q'eqchi Bible

¹⁸ Jo'kan utan, wi li Yos xatxtaqla chi yalok ut xye aawe naq tento xsachb'aleb' ru laj Amalek toj reetal te'oso'q chi junajwa, xb'aan naq aj maakeb',

1 Samuel 15:18 ပူးပေါင်းရင်းမြစ်များ

Proverbios 10:29

Li Ka̱cuaꞌ Dios naxcoleb li nequeꞌxba̱nu li us ut naxsach ruheb li nequeꞌxba̱nu li incꞌaꞌ us.

Li xHu LAJ JOB 31:3

¿Ma ma̱cuaꞌ ta biꞌ raj reheb li incꞌaꞌ useb xnaꞌleb li raylal li yo̱quin chixcꞌulbal la̱in?

Números 16:38

Queꞌsantobresi̱c nak queꞌqꞌueheꞌ chiru lin artal la̱in li Ka̱cuaꞌ. Cꞌameb lix sansareb li cui̱nk li queꞌsacheꞌ ruheb xban nak queꞌma̱cob. Riqꞌuin li sansar aꞌin te̱yi̱b li perpo̱quil chꞌi̱chꞌ ut li perpo̱quil chꞌi̱chꞌ aꞌin te̱letz chiru li artal. Ut aꞌanak jun retalil chiruheb laj Israel, chan li Dios. Ut laj Eleazar laj tij quixxoc lix sansareb li queꞌsacheꞌ ruheb. Ut quixtakla xyi̱banquil li perpo̱quil chꞌi̱chꞌ riqꞌuineb li sansar re nak teꞌxletz chiru li artal.

Génesis 15:16

Li xca̱ xte̱pal la̱ cualal a̱cꞌajol teꞌsukꞌi̱k chak saꞌ li naꞌajej aꞌin. Abanan toj ta̱numta̱k li ma̱usilal teꞌxba̱nu laj amorreo, tojoꞌnak tinmakꞌ li naꞌajej aꞌin chiruheb, chan li Dios re laj Abram.

Génesis 13:13

Eb li cristian li cuanqueb aran saꞌ li tenamit Sodoma numtajenak xma̱queb chiru li Ka̱cuaꞌ Dios.

Proverbios 13:21

Eb laj ma̱c ta̱cha̱lk raylal saꞌ xbe̱neb. Abanan eb li ti̱queb xchꞌo̱l teꞌkꞌajca̱mu̱k riqꞌuin usilal.

Gálatas 2:15

La̱o aj judío chalen chak saꞌ kayoꞌlajic ut ma̱cuaꞌo xcomoneb li ma̱cuaꞌeb aj judío, li nequeꞌxye “aj ma̱c” reheb.

Génesis 14:7

Nak quisukꞌi chak li rey Quedorlaomer rochbeneb li jun chꞌol chic queꞌcuulac saꞌ li tenamit En-mispat. Nequeꞌxye ajcuiꞌ Cades re li tenamit aꞌan. Ut queꞌnumta saꞌ xbe̱neb laj Amalec joꞌ eb ajcuiꞌ laj amorreo li cuanqueb saꞌ li naꞌajej Hazezon-tamar. Ut queꞌxsach ruheb chixjunil li cꞌaꞌru queꞌxtau saꞌ xbeheb nak yo̱queb chi xic.

1 Samuel 15:3

Texxic anakcuan chi pletic riqꞌuineb laj Amalec. Te̱sach ruheb chixjunil li cꞌaꞌruheb re. Me̱ril xtokꞌoba̱l ruheb. Te̱camsiheb chixjunileb joꞌ cui̱nk, joꞌ ixk, joꞌqueb ajcuiꞌ li cocꞌal ut eb li toj cꞌulaꞌaleb. Te̱camsiheb ajcuiꞌ lix cuacax, ut eb lix carner, eb lix camelleb joꞌ eb ajcuiꞌ lix bu̱reb”, chan li Ka̱cuaꞌ.