1 Samuel 15:14 - Li Santil hu

¹⁴ Laj Samuel quixye re: —Cui xaba̱nu li cꞌaꞌru xye a̱cue li Ka̱cuaꞌ, ¿cꞌaꞌut nak yo̱quin chirabinquil li carner ut li cuacax nak yo̱queb chi ya̱bac? chan.

Q'eqchi Bible

¹⁴ Ab'an laj Samuel kixpatz' re: “Chan put ru naq yookin chi rab'inkileb' li karneer neke'me'lok ut eb' li wakax neke'muub'ak?”, chan.

1 Samuel 15:14 ပူးပေါင်းရင်းမြစ်များ

1 Corintios 4:5

Joꞌcan nak mexrakoc a̱tin chirix le̱ ras e̱ri̱tzꞌin. Cheroybeni toj ta̱cuulak xkꞌehil nak tol-e̱lk cuiꞌchic li Ka̱cuaꞌ Jesucristo ut aꞌan tixcꞌutbesi li incꞌaꞌ nanauman anakcuan. Tixcꞌutbesi li cꞌaꞌru nanumeꞌ saꞌ xchꞌo̱l li junju̱nk. Ut li Dios tixqꞌue xlokꞌal li junju̱nk aꞌ yal chanru lix yehom xba̱nuhom.

Romanos 3:19

Nakanau nak chixjunil li tzꞌi̱banbil saꞌ li chakꞌrab, aꞌan reheb li cuanqueb rubel xcuanquil li chakꞌrab. Aꞌan aj e nak cuan li chakꞌrab re nak chixjunileb teꞌxnau nak cuanqueb xma̱c ut ma̱cꞌaꞌ chic naru teꞌxye, re teꞌxcol cuiꞌ rib chiru li Dios nak ta̱rakekꞌ a̱tin saꞌ xbe̱neb.

San Lucas 19:22

Quichakꞌoc li rey ut quixye: —La̱at ma̱cꞌaꞌ nacat-oc cuiꞌ. Riqꞌuin ajcuiꞌ li cꞌaꞌru xaye, tinrak a̱tin saꞌ a̱be̱n. Nacanau nak joskꞌin ut nacanau nak nincꞌul li tumin li incꞌaꞌ nincꞌanjela ut ninkꞌoloc bar cuiꞌ incꞌaꞌ nin-au.

Salmos 36:2

Nequeꞌxnimobresi rib ut nequeꞌxcꞌoxla nak li Dios incꞌaꞌ naxnau nak cuan xma̱queb. Ut nequeꞌxcꞌoxla ajcuiꞌ nak li Dios incꞌaꞌ tixqꞌueheb chixtojbal rixeb lix ma̱c.

Éxodo 32:21

Ut laj Moisés quixye re laj Aarón: —¿Cꞌaꞌru xeꞌxba̱nu a̱cue nak xaqꞌueheb chi ma̱cobc li tenamit aꞌin?—

1 Samuel 15:15

Quichakꞌoc laj Saúl ut quixye: —Riqꞌuineb laj Amalec xkacꞌameb chak. Eb li soldados incꞌaꞌ queꞌxcamsi li cha̱bil saꞌ xya̱nkeb li carner ut li cuacax. Queꞌxsicꞌ ruheb re takamayeja chiru li Ka̱cuaꞌ la̱ Dios. Ut li jun chꞌol chic xkasach ruheb, chan.