1 Samuel 15:12 - Li Santil hu

¹² Cuulajak chic nak toj ekꞌela, laj Samuel co̱ chixsicꞌbal laj Saúl. Quirabi resil nak co̱ aran Carmel laj Saúl ut nak quixxakab jun li retalil najt xteram re nak ta̱qꞌuehekꞌ xlokꞌal. Ut chirix aꞌan laj Saúl co̱ Gilgal.

Q'eqchi Bible

¹² Eq'la sa' li kutan jun chik kiwakliik re xik chi xk'ulb'al laj Saúl, ab'anan ke'xye re: “X'elk chik laj Saúl, xkoho Karmeel b'arwi' xxaqab' jun li eetalil pek re naq taapatz'e'q xk'ab'a'. Ut chirix a'an xkoho Kilkal”.

1 Samuel 15:12 ပူးပေါင်းရင်းမြစ်များ

Josué 15:55

Maón, Carmel, Zif, Juta,

2 Samuel 18:18

Nak toj yoꞌyo laj Absalón quixtus li pec chi najt xteram saꞌ li ru takꞌa re li rey, re nak eb li tenamit teꞌxqꞌue xlokꞌal laj Absalón. Quixye: —Ma̱ jun cualal cuan re nak ta̱jultica̱k incꞌabaꞌ, chan. Joꞌcan nak quixqꞌue “Absalón” chokꞌ xcꞌabaꞌ li tusbil pec aꞌan. Ut chalen anakcuan li tusbil pec aꞌan “Absalón” nayeman re.

1 Samuel 25:2

Quicuan jun li cui̱nk biom aj Nabal xcꞌabaꞌ saꞌ li naꞌajej Maón. Cuan xchꞌochꞌ aran Carmel. Oxib mil lix carner ut jun mil lix chiba̱t. Saꞌ jun li cutan yo̱ chixbesbal rix lix carner aran Carmel.

1 Reyes 18:42

Nak li rey Acab co̱ chi cuaꞌac chi ucꞌac, li profeta Elías quitakeꞌ saꞌ xbe̱n li tzu̱l Carmelo. Quicꞌojla aran ut quixxulub lix jolom saꞌ xya̱nk rok.

1 Samuel 7:12

Laj Samuel quixchap jun li pec ut quixxakab saꞌ xyi li cuib chi tenamit Mizpa ut Sen. Ut quixqꞌue chokꞌ xcꞌabaꞌ “Eben-ezer” ut quixye: —Toj chalen anakcuan li Ka̱cuaꞌ yo̱ chi tenkꞌa̱nc ke, chan.

1 Samuel 13:12

La̱in xincꞌoxla nak teꞌxtiquib pletic cuiqꞌuin arin Gilgal, ut la̱in toj ma̱jiꞌ nintzꞌa̱ma rusilal li Ka̱cuaꞌ saꞌ inbe̱n. Joꞌcan nak xinmayeja li cꞌatbil xul chiru li Dios, chan laj Saúl.

1 Samuel 13:15

Laj Samuel qui-el Gilgal ut co̱ Gabaa saꞌ xnaꞌajeb li ralal xcꞌajol laj Benjamín. Laj Saúl quirajla lix soldados li cuanqueb rochben ut cuakib ciento (600) aj chic li soldados li cuanqueb rochben.

Génesis 21:14

Joꞌ cuulajak chic nak toj ekꞌela, laj Abraham quixqꞌue xcua lix Agar. Ut quixqꞌue jun bo̱ls tzꞌu̱m lix haꞌ ut lix Agar quixjelo saꞌ xbe̱n xtel. Nak laj Abraham quixkꞌaxtesi laj Ismael saꞌ rukꞌ lix Agar, quixchakꞌrabiheb. Tojoꞌnak queꞌco̱eb ut queꞌxsuti rib saꞌ li chaki chꞌochꞌ Beerseba xcꞌabaꞌ.

1 Samuel 17:20

Cuulajak chic nak toj ekꞌela laj David quicuacli ut quixcanabeb li carner saꞌ rukꞌ jalan chic re nak aꞌan chic ta̱ilok reheb. Quixcꞌam li tzacae̱mk ut co̱ joꞌ quiyeheꞌ re xban laj Isaí lix yucuaꞌ. Nak quicuulac cuanqueb cuiꞌ lix muheba̱leb li soldados, ac xiqueb re chi pletic ut yo̱queb chixjapbal reheb.

2 Samuel 23:35

laj Hezrai, Carmel xtenamit; laj Paarai, Arba xtenamit;

2 Crónicas 26:10

Quixyi̱beb ajcuiꞌ li cab li najt xteram saꞌ li chaki chꞌochꞌ. Ut quixbec nabal li haꞌ xban nak cuan nabal lix queto̱mk saꞌ li ru takꞌa ut saꞌ li naꞌajej Sefela li tzu̱l ru. Ut cuanqueb ajcuiꞌ lix mo̱s li queꞌcꞌanjelac saꞌ lix naꞌaj lix uvas joꞌ saꞌ li tzu̱l ut saꞌ li ru takꞌa saꞌ li cha̱bil chꞌochꞌ xban nak aꞌan quicuulac ajcuiꞌ chiru li a̱uc.