1 Samuel 15:11 - Li Santil hu

¹¹ —Incꞌaꞌ sa saꞌ inchꞌo̱l riqꞌuin laj Saúl. Incꞌaꞌ raj xinqꞌue chokꞌ xreyeb laj Israel. Quinixtzꞌekta̱na ut quixkꞌet lin chakꞌrab, chan. Qui-oc xcꞌaꞌux laj Samuel ut quixnumsi li kꞌojyi̱n aꞌan chi tijoc chiru li Ka̱cuaꞌ.

Q'eqchi Bible

¹¹ “Ink'a' sa sa' inch'ool rik'in laj Saúl. Ink'a' raj xinxaqab' cho'q awab'ej, xb'aan naq ink'a' xtaaqe linb'e chi moko xpaab' lintaqlahom”, chan. Kiraho'k xch'ool laj Samuel ut kixnumsi li q'oqyink a'an chi tijok chiru li Qaawa'.

1 Samuel 15:11 ပူးပေါင်းရင်းမြစ်များ

1 Samuel 13:13

Ut laj Samuel quixye re laj Saúl: —Xma̱cꞌaꞌil a̱naꞌleb xakꞌet cuiꞌ xchakꞌrab li Dios. Incꞌaꞌ xaba̱nu li naxye saꞌ li chakꞌrab li quixqꞌue a̱cue li Ka̱cuaꞌ la̱ Dios. Cui ta xaba̱nu li quixye a̱cue, li Ka̱cuaꞌ xxakab raj la̱ cuanquil saꞌ xnaꞌaj chi junelic, la̱at ut eb la̱ cualal a̱cꞌajol.

Génesis 6:6

Ut quiyotꞌeꞌ xchꞌo̱l li Dios nak quixyi̱beb li cristian saꞌ ruchichꞌochꞌ ut cꞌajoꞌ nak quirahoꞌ saꞌ xchꞌo̱l.

Salmos 119:136

Cꞌajoꞌ nak ninya̱bac xban nak incꞌaꞌ nequeꞌxqꞌue xcuanquil la̱ cua̱tin.

2 Samuel 24:16

Oc raj re chixsachbal ru li tenamit Jerusalén lix ángel li Dios, abanan quiyotꞌeꞌ xchꞌo̱l li Dios chirilbal li raylal yo̱queb chixcꞌulbal. Ut li Dios quixye re li ángel li yo̱ chi camsi̱nc reheb: —Tzꞌakal li xaba̱nu. Ma̱rahobtesiheb chic, chan. Saꞌ li ho̱nal aꞌan lix ángel li Dios cuan chire li naꞌajej li narisi cuiꞌ rix li trigo laj Arauna laj jebuseo.

Jeremías 9:18

Eb li tenamit queꞌxye: —Cha̱lkeb chi junpa̱t chi ya̱bac chirix li cꞌaꞌru yo̱co chixcꞌulbal. Ut ocako chi ya̱bac. Choya̱bak toj retal ta̱tꞌuluk li xyaꞌal ku.

Salmos 36:3

Junes saꞌ yibru a̱tin nequeꞌa̱tinac ut aj ticꞌtiꞌeb. Incꞌaꞌ chic us lix naꞌlebeb. Junes ma̱usilal chic nequeꞌxba̱nu.

1 Samuel 15:35

Ut laj Samuel incꞌaꞌ chic co̱ chirilbal laj Saúl chalen toj nak quicam. Abanan cꞌajoꞌ nak quirahoꞌ xchꞌo̱l xban. Ut li Ka̱cuaꞌ Dios quiyotꞌeꞌ xchꞌo̱l nak quixxakab laj Saúl chokꞌ xreyeb laj Israel.

1 Samuel 15:9

Laj Saúl ut eb lix soldado incꞌaꞌ queꞌxcamsi laj Agag, chi moco queꞌxcamsiheb li carner li cha̱bil, chi moco li cuacax li ni̱nkeb xtibel. Ut incꞌaꞌ queꞌxsach ru li cꞌaꞌru terto xtzꞌak. Caꞌaj cuiꞌ li cꞌaꞌru ma̱cꞌaꞌ na-oc cuiꞌ, aꞌan li queꞌxsach.

1 Samuel 15:3

Texxic anakcuan chi pletic riqꞌuineb laj Amalec. Te̱sach ruheb chixjunil li cꞌaꞌruheb re. Me̱ril xtokꞌoba̱l ruheb. Te̱camsiheb chixjunileb joꞌ cui̱nk, joꞌ ixk, joꞌqueb ajcuiꞌ li cocꞌal ut eb li toj cꞌulaꞌaleb. Te̱camsiheb ajcuiꞌ lix cuacax, ut eb lix carner, eb lix camelleb joꞌ eb ajcuiꞌ lix bu̱reb”, chan li Ka̱cuaꞌ.

Hebreos 10:38

Li ti̱c xchꞌo̱l xban inpa̱banquil cuan xyuꞌam chi junelic. Cui naxcanab inpa̱banquil, incꞌaꞌ ta̱sahokꞌ inchꞌo̱l riqꞌuin, chan li Dios. (Hab. 2:3-4)

San Mateo 5:44

Abanan la̱in tinye e̱re, cherahak li xicꞌ na-iloc e̱re. Chetzꞌa̱ma usilal saꞌ xbe̱neb li nequeꞌhoboc e̱re. Cheba̱nuhak li us reheb li xicꞌ nequeꞌiloc e̱re ut chextijok chirix li nequeꞌba̱nun ma̱usilal e̱re ut nequeꞌrahobtesin e̱re.

Jeremías 13:17

Abanan cui incꞌaꞌ nequex-abin chiru, la̱in tinya̱bak chi mukmu xban le̱ kꞌetkꞌetil. Cau tinya̱bak toj retal nak ta̱tꞌuluk li xyaꞌal cuu xban nak lix tenamit li Dios teꞌchapekꞌ ut teꞌcꞌamekꞌ xbaneb li jalan tenamit.

Jeremías 9:1

Us raj cui lin jolom joꞌ jun li yuꞌam haꞌ ut li xnakꞌ cuu joꞌ li haꞌ li nabe̱c rok. Tinya̱bak raj chi kꞌek chi cutan chirixeb li cuech tenamitil li queꞌcamsi̱c.

Salmos 125:5

Abanan eb li nequeꞌba̱nun ma̱usilal, la̱at ta̱tzꞌekta̱naheb rochbeneb li incꞌaꞌ useb xnaꞌleb. Chicua̱nk taxak li tuktu̱quil usilal riqꞌuineb laj Israel.

Salmos 110:4

Li Ka̱cuaꞌ quixba̱nu li juramento ut incꞌaꞌ tixjal xcꞌaꞌux. Quixye: —La̱at lix yucuaꞌil eb laj tij chi junelic joꞌ nak quicuan laj Melquisedec.—

Salmos 109:4

Xicꞌ niquineꞌril usta ninraheb ut nintijoc chirixeb.

Salmos 78:57

Eb aꞌan queꞌxba̱nu cuiꞌchic joꞌ queꞌxba̱nu lix naꞌ xyucuaꞌeb. Queꞌxtzꞌekta̱na li Dios ut incꞌaꞌ ti̱queb xchꞌo̱l. Chanchaneb li tzimaj, li incꞌaꞌ ti̱c nacutuc.

1 Samuel 12:23

La̱in incꞌaꞌ nacuaj ma̱cobc chiru li Ka̱cuaꞌ Dios riqꞌuin xcanabanquil tijoc che̱rix. Nacuaj xqꞌuebal e̱naꞌleb ut nacuaj ajcuiꞌ xcꞌutbal che̱ru cꞌaꞌru li us xba̱nunquil re nak cha̱bilakex ut texcua̱nk saꞌ ti̱quilal.

Josué 22:16

Ut queꞌxye reheb: —La̱o xochal chi a̱tinac e̱riqꞌuin saꞌ xcꞌabaꞌeb laj Israel, le̱ rech tenamitil. ¿Cꞌaꞌut nak xeba̱nu li ma̱c aꞌin chiru li kaDios? ¿Cꞌaꞌut nak xex-oc chixyi̱banquil li artal aꞌin? ¿Cꞌaꞌut nak yo̱quex chixkꞌetbal lix chakꞌrab li Ka̱cuaꞌ Dios?

San Lucas 6:12

Saꞌ jun li cutan co̱ li Jesús chi tijoc saꞌ xbe̱n jun li tzu̱l. Quixnumsi li kꞌojyi̱n chi tijoc chiru li Dios.

San Mateo 24:13

Ut li ani tixcuy xnumsinquil li raylal aꞌin toj saꞌ rosoꞌjic lix yuꞌam, aꞌan ta̱colekꞌ.

Salmos 78:41

Rajlal yo̱queb chixyalbal rix lix Dioseb laj Israel toj retal queꞌxchikꞌ xjoskꞌil li Dios santo.

Sofonías 1:6

Eb li queꞌxcanab inlokꞌoninquil tinsacheb ru joꞌqueb ajcuiꞌ li ma̱ jun cua niquineꞌxlokꞌoni chi moco niquineꞌxcꞌoxla, chan li Dios.

Jonás 4:2

Joꞌcan nak quitijoc chiru li Dios ut quixye re: —At Ka̱cuaꞌ, ¿ma ma̱cuaꞌ ta biꞌ aꞌin quincꞌoxla nak toj cuanquin chak saꞌ lin tenamit? Joꞌcan nak quine̱lelic raj cha̱cuu ut co̱in raj Tarsis. Ninnau nak la̱at jun Dios nim a̱cuyum. Nacat-uxta̱nan u ut nacattokꞌoban u. Elajic nacatjoskꞌoꞌ ut incꞌaꞌ nacaba̱nu li raylal li nacacꞌoxla xba̱nunquil.

Jonás 3:10

Li Dios quiril nak queꞌxjal xcꞌaꞌuxeb ut queꞌxcanab xba̱nunquil li ma̱usilal li queꞌxba̱nu. Joꞌcan nak li Dios quixjal xcꞌaꞌux ut incꞌaꞌ quixqꞌue li raylal saꞌ xbe̱neb li quixcꞌoxla xba̱nunquil reheb.

Amós 7:3

Ut li Ka̱cuaꞌ quixjal xcꞌaꞌux. —Incꞌaꞌ texinsach, chan.

Génesis 6:7

Li Ka̱cuaꞌ Dios quixye: —Tebinqꞌue chi osocꞌ li cristian li quinyoꞌobtesiheb, joꞌ ajcuiꞌ chixjunileb li xul li nequeꞌbe̱c ut teꞌosokꞌ li nequeꞌxjucuqui ribeb, joꞌ ajcuiꞌ li nequeꞌrupupic saꞌ choxa. Cꞌajoꞌ nak nayotꞌeꞌ inchꞌo̱l xbaneb. Incꞌaꞌ raj xebinyoꞌobtesi, chan li Dios.

Éxodo 32:11

Laj Moisés quixtzꞌa̱ma chiru li Ka̱cuaꞌ Dios ut quixye re: —At Ka̱cuaꞌ Dios, ¿cꞌaꞌut nak mas xchal la̱ joskꞌil saꞌ xbe̱neb la̱ tenamit? Riqꞌuin lix nimal a̱cuanquilal xacuisiheb chak saꞌ li tenamit Egipto.

Éxodo 32:14

Ut li Ka̱cuaꞌ Dios quixjal xcꞌaꞌux ut incꞌaꞌ quixsacheb lix tenamit.

1 Samuel 8:6

Ut laj Samuel incꞌaꞌ quicuulac chiru nak queꞌxtzꞌa̱ma xreyeb. Joꞌcan nak quitijoc chiru li Ka̱cuaꞌ.

1 Samuel 15:10

Ut li Ka̱cuaꞌ quia̱tinac riqꞌuin laj Samuel ut quixye:

1 Crónicas 21:15

Ut li Dios quixtakla ajcuiꞌ lix ángel chixsachbal li tenamit Jerusalén. Abanan nak yo̱ chixsachbal ru li tenamit, quiyotꞌeꞌ xchꞌo̱l li Ka̱cuaꞌ chirilbal li raylal yo̱queb chixcꞌulbal. Quixye re lix ángel: —Tzꞌakal li xaba̱nu. Ma̱rahobtesiheb chic, chan. Saꞌ li ho̱nal aꞌan lix ángel li Dios cuan chire li naꞌajej li narisi cuiꞌ rix li trigo laj Ornán laj jebuseo.

Li xHu LAJ JOB 34:27

Eb aꞌan incꞌaꞌ queꞌabin chiru li Dios. Queꞌxcanab ban xba̱nunquil li cꞌaꞌru naraj.

Jeremías 11:10

Queꞌxba̱nu li ma̱usilal joꞌ queꞌxba̱nu lix xeꞌto̱nil yucuaꞌeb. Eb lix xeꞌto̱nil yucuaꞌeb incꞌaꞌ queꞌraj abi̱nc chicuu. Queꞌxlokꞌoniheb li jalanil dios. Joꞌcan ajcuiꞌ yo̱queb chixba̱nunquil eb laj Judá ut eb laj Israel. Nequeꞌxlokꞌoniheb li jalanil dios ut yo̱queb chi cꞌanjelac chiruheb. Queꞌxkꞌet li contrato li quinba̱nu riqꞌuineb lix xeꞌto̱nil yucuaꞌ.

Jeremías 34:16

Abanan anakcuan xejal cuiꞌchic le̱ naꞌleb ut xekꞌet li contrato li xeba̱nu cuiqꞌuin. Xechap cuiꞌchic le̱ lokꞌbil mo̱s, joꞌ ixk, joꞌ cui̱nk, usta ac xerachꞌab junxil. Ut xepuersiheb cuiꞌchic chi cꞌanjelac chokꞌ lokꞌbil mo̱s.

Ezequiel 18:24

Abanan cui junak ti̱c xchꞌo̱l tixjal xnaꞌleb ut tixba̱nu li ma̱usilal li nequeꞌxba̱nu li incꞌaꞌ useb xnaꞌleb, li jun aꞌan ta̱ca̱mk. Ut incꞌaꞌ tixcꞌul xkꞌajca̱munquil li us li quixba̱nu junxil. Ta̱ca̱mk xban li ma̱c li quixba̱nu ut xban nak quixkꞌetkꞌeti rib.

1 Samuel 16:1

Li Ka̱cuaꞌ quixye re laj Samuel: —¿Joꞌ najtil chic rahak a̱chꞌo̱l chirix laj Saúl? La̱in incꞌaꞌ chic nacuaj ta̱cua̱nk chokꞌ rey. Ta̱qꞌue li aceite saꞌ li xucub ut tatxic aran Belén riqꞌuin laj Isaí xban nak la̱in xinsicꞌ ru jun reheb li ralal re ta̱oc chokꞌ rey, chan li Ka̱cuaꞌ.

1 Reyes 11:9

Cꞌajoꞌ nak quijoskꞌoꞌ li Ka̱cuaꞌ Dios saꞌ xbe̱n laj Salomón xban nak quixcanab xlokꞌoninquil li Dios li nequeꞌxlokꞌoni laj Israel, li quixcꞌutbesi rib chiru caꞌ sut.

1 Crónicas 10:13

Joꞌcaꞌin nak quicam laj Saúl xban nak quixtzꞌekta̱na li Ka̱cuaꞌ. Quixkꞌet li ra̱tin li Ka̱cuaꞌ ut quixpatzꞌ xnaꞌleb riqꞌuin jun li ixk aj kꞌe.