1 Samuel 14:52 - Li Santil hu

⁵² Joꞌ najtil quiyoꞌyo, laj Saúl cau quipletic riqꞌuineb laj filisteo. Joꞌcan nak quixqꞌue saꞌ xya̱nkeb lix soldados chixjunileb li cui̱nk li cauheb xchꞌo̱l ut cauheb rib.

Q'eqchi Bible

⁵² Jo' najtil kiyo'yook laj Saúl, kaw kiyalok rik'ineb' laj Filistea. Ut naq naril junaq winq kaw rib' ut yo'oon chi yalok, naxb'oq chaq ut naxk'e sa' xyanqeb' laj puub'.

1 Samuel 14:52 ပူးပေါင်းရင်းမြစ်များ

1 Samuel 8:11

Laj Samuel quixye reheb: —Aꞌan aꞌin li tixba̱nu li rey. Tixchapeb le̱ ralal re teꞌoc chokꞌ soldado. Cuanqueb li tixqꞌue chi be̱c saꞌ eb li carruaje. Cuanqueb li teꞌxic chirix cacua̱y ut cuanqueb ajcuiꞌ li teꞌxic chi rokeb chiru lix carruaje li rey.

1 Samuel 8:1

Nak ac xti̱x laj Samuel, quixxakabeb li ralal chi rakoc a̱tin saꞌ xbe̱neb li tenamit Israel.

1 Samuel 14:47

Nak ac x-oc laj Saúl chokꞌ xreyeb laj Israel, quipletic riqꞌuineb chixjunileb li xicꞌ nequeꞌiloc reheb. Quipletic riqꞌuineb laj Moab, ut eb laj Amón, ut eb laj Edom. Ut quipletic ajcuiꞌ riqꞌuineb lix reyeb laj Soba, joꞌ eb ajcuiꞌ laj filisteo. Saꞌ chixjunil li tenamit li queꞌpletic cuiꞌ, eb laj Israel queꞌnumta saꞌ xbe̱neb li xicꞌ nequeꞌiloc reheb.

1 Samuel 13:5

Ut eb laj filisteo queꞌxchꞌutub ribeb chi pletic riqꞌuineb laj Israel. Cuanqueb laje̱b xcaꞌcꞌa̱l mil (30,000) chi carruaje re pletic, cuanqueb cuakib mil (6,000) li soldado li nequeꞌxic chirix cacua̱y, ut cuanqueb ajcuiꞌ nabaleb li soldado li nequeꞌxic chi rokeb joꞌ xqꞌuial li samaib li cuan chire li palau. Queꞌco̱eb ut queꞌxyi̱b lix muheba̱leb aran Micmas li nacana saꞌ xjayal li tenamit Bet-avén, li na-el cuiꞌ chak li sakꞌe.