1 Samuel 14:48 - Li Santil hu

⁴⁸ Cau xchꞌo̱l chi pletic laj Saúl. Quixchꞌutubeb lix soldados ut quinumta saꞌ xbe̱neb laj Amalec. Ut quixcoleb laj Israel chiruheb chixjunileb li nequeꞌelkꞌan re li cꞌaꞌru reheb.

Q'eqchi Bible

⁴⁸ Kixk'ut li xkawilal li xch'ool naq kixsach ruheb' laj Amalek ut kixkoleb' laj Israel sa' ruq'eb' li neke'elq'ank reheb'.

1 Samuel 14:48 ပူးပေါင်းရင်းမြစ်များ

Deuteronomio 25:19

Nak li Ka̱cuaꞌ le̱ Dios texqꞌue chi hila̱nc ut incꞌaꞌ chic texpletik riqꞌuineb li xicꞌ nequeꞌiloc e̱re li cuanqueb chi xjun sutam li naꞌajej li tixqꞌue e̱re li Ka̱cuaꞌ, tento nak te̱camsi chixjunileb li ralal xcꞌajol laj Amalec re nak ta̱sachk xcꞌabaꞌeb chi junaj cua saꞌ ruchichꞌochꞌ. Misach saꞌ e̱chꞌo̱l xba̱nunquil aꞌan.

Éxodo 17:14

Ut li Dios quixye re laj Moisés: —Ta̱tzꞌi̱ba retalil aꞌin saꞌ junak hu re nak junelic cua̱nk saꞌ xchꞌo̱leb. Ta̱ye re laj Josué nak la̱in tinrakok a̱tin saꞌ xbe̱neb laj Amalec ut teꞌosokꞌ chixjunileb, chan.

Éxodo 17:8

Nak cuanqueb laj Israel saꞌ li naꞌajej Refidim queꞌchal eb laj Amalec chi pletic riqꞌuineb.

Jueces 2:16

Usta yo̱ xjoskꞌil li Ka̱cuaꞌ saꞌ xbe̱neb, abanan quixxakabeb laj rakol a̱tin chixtenkꞌanquileb laj Israel re nak teꞌxcol ribeb chiruheb li yo̱queb chi makꞌoc re li cꞌaꞌru reheb.

2 Samuel 1:22

Ma̱ jun sut queꞌsukꞌi saꞌ li ple̱t laj Saúl ut laj Jonatán chi incꞌaꞌ ta nequeꞌxcamsi chak nabaleb riqꞌuineb lix tzimaj ut riqꞌuin lix chꞌi̱chꞌeb.