1 Samuel 14:39 - Li Santil hu

³⁹ Saꞌ xcꞌabaꞌ li yoꞌyo̱quil Dios li nacoloc ke la̱o aj Israel, la̱in ninye e̱re nak ta̱camsi̱k li ani cuan xma̱c, usta aꞌan laj Jonatán li cualal, chan laj Saúl. Abanan ma̱ jun saꞌ xya̱nkeb quichakꞌoc.

Q'eqchi Bible

³⁹ Sa' xk'ab'a' li yo'yookil Yos li xkolok re laj Israel, ninye eere naq li ani wank xmaak taakamq, us ta a'an laj Jonatán li walal”, chan. Maajun sa' xyanqeb' li tenamit kichaq'ok.

1 Samuel 14:39 ပူးပေါင်းရင်းမြစ်များ

2 Samuel 12:5

Nak quirabi li cꞌaꞌru quixye laj Natán, cꞌajoꞌ nak quijoskꞌoꞌ laj David xban li cꞌaꞌru quixba̱nu li biom. Quixye: —Saꞌ xcꞌabaꞌ li yoꞌyo̱quil Dios, la̱in ninye nak xcꞌulub ca̱mc li cui̱nk aꞌan.

1 Samuel 14:44

Laj Saúl quixye re laj Jonatán: —At Jonatán, li Dios tinixqꞌue chixtojbal inma̱c cui incꞌaꞌ tatca̱mk la̱at anakcuan, chan.

1 Samuel 14:24

Saꞌ li cutan aꞌan tacuajenakeb li soldado aj Israel xban nak laj Saúl ac xba̱nu li juramento ut quixye: —Tzꞌekta̱nanbilak li ani ta̱cuaꞌak nak toj ma̱jiꞌ na-oc li kꞌojyi̱n cui toj ma̱jiꞌ nequeꞌke̱chaniheb laj filisteo, chan. Joꞌcan nak incꞌaꞌ queꞌcuaꞌac eb li soldados aj Israel.

Eclesiastés 9:2

Chixjunileb juntakꞌe̱t teꞌxcꞌul. Juntakꞌe̱t teꞌxcꞌul li ti̱queb xchꞌo̱l riqꞌuineb li incꞌaꞌ ti̱queb xchꞌo̱l. Juntakꞌe̱t teꞌxcꞌul li cha̱bileb xnaꞌleb riqꞌuineb li incꞌaꞌ useb xnaꞌleb. Juntakꞌe̱t teꞌxcꞌul li nequeꞌxba̱nu li us riqꞌuineb li nequeꞌxba̱nu ma̱usilal. Juntakꞌe̱t teꞌxcꞌul li nequeꞌxqꞌue lix cꞌatbil mayej riqꞌuineb li incꞌaꞌ nequeꞌxqꞌue lix cꞌatbil mayej. Juntakꞌe̱t teꞌxcꞌul li ma̱cꞌaꞌeb xma̱c riqꞌuineb li cuanqueb xma̱c. Juntakꞌe̱t teꞌxcꞌul li nequeꞌyechiꞌin cꞌaꞌak re ru riqꞌuin juramento riqꞌuineb li incꞌaꞌ nequeꞌxba̱nu li juramento.

1 Samuel 28:10

Laj Saúl quixye re: —Saꞌ xcꞌabaꞌ li nimajcual Dios, la̱in ninye a̱cue nak ma̱ jun raylal ta̱cha̱lk saꞌ a̱be̱n cui ta̱ba̱nu li cꞌaꞌru nintzꞌa̱ma cha̱cuu, chan.

1 Samuel 22:16

Abanan li rey quixye re: —At Ahimelec, relic chi ya̱l nak tatcamsi̱k la̱at, joꞌ eb ajcuiꞌ la̱ cuechꞌalal, chan.

1 Samuel 20:31

¿Ma incꞌaꞌ nacaqꞌue retal nak cui li ralal laj Isaí yoꞌyo̱k, incꞌaꞌ naru tat-oc chokꞌ rey la̱at, chi moco eb la̱ cualal a̱cꞌajol? Joꞌcan nak ayu. Sicꞌ chak ut ta̱cꞌam chak cuiqꞌuin. Aꞌan tento nak ta̱ca̱mk, chan laj Saúl.

1 Samuel 19:6

Quixcꞌul xchꞌo̱l li cꞌaꞌru quixye laj Jonatán ut quixba̱nu li juramento ut quixye: —Saꞌ xcꞌabaꞌ li yoꞌyo̱quil Dios, incꞌaꞌ ta̱camsi̱k laj David, chan.

1 Samuel 14:40

Ut laj Saúl quixye reheb: —La̱ex texxakli̱k aran ut la̱in tinxakli̱k arin cuochben laj Jonatán li cualal, chan. Ut eb li soldados queꞌxye: —Ba̱nu li cꞌaꞌru nacacꞌoxla nak us xba̱nunquil, chanqueb.

2 Samuel 14:21

Ut li rey David quixye re laj Joab: —Ac xinyi̱b ru li chꞌaꞌajquil. La̱in tinba̱nu li xatzꞌa̱ma chicuu. Ayu ut ta̱cꞌam chak laj Absalón, chan.