1 Samuel 14:33 - Li Santil hu

³³ Quiyeheꞌ resil re laj Saúl nak eb laj Israel yo̱queb chi ma̱cobc chiru li Dios xban nak yo̱queb chixtzacanquil li tib li toj cuan xquiqꞌuel. Laj Saúl quixye reheb: —La̱ex xekꞌet li ra̱tin li Dios. Ayukex ut cꞌamomak chak junak li nimla pec arin, chan reheb.

Q'eqchi Bible

³³ Toja' naq kiyehe'k resil re laj Saúl naq eb' li tenamit yookeb' chi maakob'k chiru li Qaawa', xb'aan naq yookeb' chi xtiwb'al tib' rochb'een li xkik'el. Ut laj Saúl kixye: “Laa'ex xeq'et li raatin li Yos. Tolk'osihomaq chaq arin junaq nimla pek.

1 Samuel 14:33 ပူးပေါင်းရင်းမြစ်များ

Romanos 2:1

¿Anihat la̱at nak tatrakok a̱tin saꞌ xbe̱neb la̱ cuas a̱cui̱tzꞌin? Cui nacarak a̱tin saꞌ xbe̱neb la̱ cuas a̱cui̱tzꞌin ut toj yo̱cat ajcuiꞌ chixba̱nunquil li incꞌaꞌ us la̱at joꞌ yo̱queb aꞌan, raylal ajcuiꞌ yo̱cat chixbokbal saꞌ a̱be̱n ut ta̱rakekꞌ a̱tin saꞌ a̱be̱n.

San Mateo 7:5

At aj caꞌ pacꞌal u, xbe̱n cua isi li tzꞌamba cuan saꞌ li xnakꞌ a̱cuu, tojoꞌnak tat-ilok chi tzꞌakal re risinquil li cꞌaj cheꞌ cuan saꞌ xnakꞌ ru la̱ cuas a̱cui̱tzꞌin.

Hechos 15:20

Li tento takaba̱nu, aꞌan tzꞌi̱bac riqꞌuineb ut xyebal reheb nak incꞌaꞌ teꞌxmux rib riqꞌuin xtzacanquil li tzacae̱mk mayejanbil chiruheb li yi̱banbil dios. Incꞌaꞌ teꞌcoꞌbe̱tak teꞌyumbe̱tak. Ut incꞌaꞌ teꞌxtiu xtibel li yatzꞌbil xul chi moco teꞌxtzaca li quicꞌ.

Levítico 7:26

Yalak bar cuanqueb laj Israel, incꞌaꞌ naru teꞌxtzaca xquiqꞌuel li xul li nequeꞌbe̱c saꞌ chꞌochꞌ chi moco li xul li nequeꞌrupupic.

Levítico 7:27

Cui ani tixtzaca lix quiqꞌuel li xul, li jun aꞌan ta̱isi̱k saꞌ xya̱nkeb li rech aj Israelil.

Levítico 17:10

Cui junak aj Israel, malaj ut junak jalan xtenamit cua̱nk saꞌ e̱ya̱nk, tixtiu li quicꞌ, la̱in tinjoskꞌokꞌ riqꞌuin ut tincuisi aꞌan saꞌ e̱ya̱nk la̱ex aj Israel.

Levítico 19:26

Me̱tiu li tib li toj cuan xquiqꞌuel. Incꞌaꞌ textu̱lak chi moco texkꞌehi̱nk.

Deuteronomio 12:16

Caꞌaj cuiꞌ lix quiqꞌuel li xul incꞌaꞌ naru te̱tzaca. Tento nak te̱hoy saꞌ chꞌochꞌ joꞌ nak nequehoy li haꞌ.

Deuteronomio 12:23

Abanan, incꞌaꞌ naru te̱tzaca lix quiqꞌueleb li xul xban nak li quicꞌ, aꞌan li naqꞌuehoc xyuꞌam li xul. Ut incꞌaꞌ naru te̱tzaca li naqꞌuehoc yuꞌam rochben li tib.

Deuteronomio 15:23

Abanan, incꞌaꞌ naru te̱tzaca xquiqꞌuel. Te̱hoy ban lix quiqꞌuel saꞌ chꞌochꞌ joꞌ nak nequehoy li haꞌ.

1 Samuel 14:34

Ut quixye ajcuiꞌ reheb: —Yehomak reheb li tenamit nak chi xjunju̱nkaleb teꞌxcꞌam chak eb lix cuacax ut eb lix carner. Teꞌxcamsiheb arin ut teꞌxtiu re nak incꞌaꞌ teꞌma̱cobk chiru li Dios riqꞌuin xtiubal lix quiqꞌuel li xul, chan. Saꞌ li kꞌojyi̱n aꞌan chixju̱nkaleb queꞌxcꞌam lix cuacax ut lix carner ut queꞌxcamsiheb saꞌ li naꞌajej aꞌan re teꞌxtiu.

Génesis 9:4

Abanan la̱ex incꞌaꞌ naru te̱tiu li tib cui incꞌaꞌ nequerisi chi us lix quiqꞌuel xban nak aꞌ lix quiqꞌuel, aꞌan naqꞌuehoc re lix yuꞌam, chan.