1 Samuel 14:17 - Li Santil hu

¹⁷ Laj Saúl quixye reheb li cuanqueb rochben: —Chꞌutubomak chixjunileb li soldado ut te̱ril ani li ma̱ aniheb saꞌ kaya̱nk, chan. Nak queꞌxchꞌutubeb chixjunileb li soldados queꞌxqꞌue retal nak ma̱ ani laj Jonatán, chi moco li cui̱nk li natenkꞌan re.

Q'eqchi Bible

¹⁷ Toja' naq laj Saúl kixye reheb' laj puub' li wankeb' rochb'een: “Ch'utub'omaq chixjunileb' laj puub' ut ilomaq ani x'elk sa' qayanq”. Naq ke'xch'utub'eb' laj puub', ke'xk'e reetal naq maa'aniheb' laj Jonatán ut laj tenq' re.

1 Samuel 14:17 ပူးပေါင်းရင်းမြစ်များ

Jueces 9:54

Laj Abimelec quixbok saꞌ junpa̱t li cui̱nk li nacꞌamoc re lix chꞌi̱chꞌ ut quixye re: —Isi chak la̱ chꞌi̱chꞌ ut tina̱camsi re nak ma̱ ani ta̱yehok re nak ixk xcamsin cue, chan. Ut li cui̱nk quixnumsi lix chꞌi̱chꞌ saꞌ xsaꞌ. Joꞌcaꞌin nak quicam laj Abimelec.

1 Samuel 14:16

Ut eb lix soldado laj Saúl li yo̱queb chi cꞌacꞌale̱nc aran Gabaa saꞌ xnaꞌajeb li ralal xcꞌajol laj Benjamín queꞌril nak yo̱queb chi xucuac laj filisteo ut yo̱queb chi e̱lelic yalak bar.

1 Samuel 14:18

Laj Saúl quixye re laj Ahías laj tij: —Cꞌam chak arin lix efod li Ka̱cuaꞌ, chan. (Saꞌ eb li cutan aꞌan laj Ahías yo̱ chixcꞌambal li efod chiruheb laj Israel.)