1 Samuel 14:16 - Li Santil hu

¹⁶ Ut eb lix soldado laj Saúl li yo̱queb chi cꞌacꞌale̱nc aran Gabaa saꞌ xnaꞌajeb li ralal xcꞌajol laj Benjamín queꞌril nak yo̱queb chi xucuac laj filisteo ut yo̱queb chi e̱lelic yalak bar.

Q'eqchi Bible

¹⁶ Eb' laj k'aak'alenel re laj Saúl li wankeb' Kibehá re Benjamín ke'ril li xk'ihaleb' laj Filistea yookeb' chi elelik yalaq b'ar.

1 Samuel 14:16 ပူးပေါင်းရင်းမြစ်များ

Isaías 19:2

Li Ka̱cuaꞌ quixye: —La̱in tinchikꞌ xjoskꞌileb laj Egipto re nak teꞌpletik chi ribileb rib. Teꞌxpleti ribeb li ri̱tzꞌineb rib. Ut teꞌxpleti ribeb li rechcabal. Joꞌcan ajcuiꞌ eb li tenamit teꞌxpleti ribeb. Ut eb li cuanqueb xcuanquil teꞌxpleti ribeb.

Salmos 68:2

Chanchan nak nasach li sib saꞌ li ikꞌ, joꞌcan nak teꞌsachekꞌ ruheb li xicꞌ nequeꞌiloc re. Ut chanchan nak nahaꞌoꞌ li cera xban li xam, joꞌcan nak teꞌosokꞌ li incꞌaꞌ useb xnaꞌleb chiru li Dios.

Salmos 58:7

Chasacheb li incꞌaꞌ useb xnaꞌleb. Cheꞌosokꞌ joꞌ nak na-osoꞌ li haꞌ li naxic saꞌ rok haꞌ. Cheꞌosokꞌ joꞌ li pim li nayekꞌiman saꞌ li be.

1 Samuel 14:20

Ut queꞌxchꞌutub ribeb chixjunileb lix soldados li cuanqueb rochben laj Saúl ut queꞌco̱eb chi pletic riqꞌuineb laj filisteo. Eb laj filisteo yo̱queb chixcamsinquil ribeb chi ribileb rib xban nak sachso̱queb chic xnaꞌlebeb.

Jueces 7:22

Ut eb li oxib ciento chi soldado yo̱queb chixya̱basinquil lix trompeta. Ut li Ka̱cuaꞌ quixsach xnaꞌlebeb li soldado aj Madián ut chi ribileb rib queꞌxcamsi ribeb. Joꞌ qꞌuial li incꞌaꞌ queꞌxcamsi ribeb queꞌe̱lelic ut queꞌco̱eb toj Bet-sita saꞌ xjayal li naꞌajej Zerera ut queꞌcuulac toj saꞌ li naꞌajej Abel-mehola li cuan nachꞌ riqꞌuin Tabat.

1 Samuel 14:15

Chixjunileb laj filisteo li cuanqueb saꞌ lix muheba̱leb queꞌxucuac joꞌ eb ajcuiꞌ li soldados li yo̱queb chi cꞌacꞌale̱nc. Ut queꞌxucuac ajcuiꞌ li nequeꞌxic chi elkꞌac. Nequeꞌsicsot xban xxiuheb. Qui-ecꞌan li chꞌochꞌ ut li Dios quixsach xnaꞌlebeb.

1 Samuel 14:17

Laj Saúl quixye reheb li cuanqueb rochben: —Chꞌutubomak chixjunileb li soldado ut te̱ril ani li ma̱ aniheb saꞌ kaya̱nk, chan. Nak queꞌxchꞌutubeb chixjunileb li soldados queꞌxqꞌue retal nak ma̱ ani laj Jonatán, chi moco li cui̱nk li natenkꞌan re.