1 Samuel 14:13 - Li Santil hu

¹³ Ut laj Jonatán quitakeꞌ saꞌ li naꞌajej cuanqueb cuiꞌ laj filisteo. Ut li natenkꞌan re yo̱ chi xic chirix. Laj Jonatán naxtolcꞌosiheb chak eb laj filisteo ut laj te̱nkꞌ re naxcamsiheb.

Q'eqchi Bible

¹³ Kitaqe'k laj Jonatán chi k'achlenb'il, ut chirix yo laj tenq' re. Neke't'anlok eb' laj Filistea chiru laj Jonatán, ut tikto laj tenq' re naxchoy xkamsinkileb'.

1 Samuel 14:13 ပူးပေါင်းရင်းမြစ်များ

Hebreos 11:34

Xban lix pa̱ba̱leb incꞌaꞌ queꞌcꞌat nak queꞌcuteꞌ saꞌ xam. Cuan queꞌcamsi̱c raj chi chꞌi̱chꞌ, aban incꞌaꞌ queꞌyoqꞌueꞌ. Riqꞌuin lix pa̱ba̱leb, queꞌqꞌueheꞌ xcacuilal li ma̱cꞌaꞌeb xmetzꞌe̱u. Nak queꞌpletic riqꞌuineb li jalanil tenamit, queꞌnumta xcuanquil saꞌ xbe̱neb xban li Dios toj retal queꞌre̱chani li tenamit.

Romanos 8:31

¿Cꞌaꞌru takaye chirix aꞌin? Cui li Dios cuan kiqꞌuin, eb li xicꞌ nequeꞌiloc ke incꞌaꞌ teꞌnumta̱k saꞌ kabe̱n.

Salmos 18:29

La̱at tattenkꞌa̱nk cue re nak la̱in chic tinnumta̱k saꞌ xbe̱neb li xicꞌ nequeꞌiloc cue ut tincue̱chani lix tenamiteb.

Josué 23:10

Jun li cui̱nk saꞌ e̱ya̱nk naru ta̱ra̱linaheb jun mil chi cui̱nk, usta jun ajcuiꞌ, xban nak li Ka̱cuaꞌ le̱ Dios yo̱ che̱tenkꞌanquil chi pletic joꞌ quixyechiꞌi e̱re junxil.

Deuteronomio 32:30

¿Chanru nak jun chi cui̱nk ta̱ra̱lina jun mil chi cristian? Ut, ¿chanru nak cuib chi cui̱nk teꞌra̱lina laje̱b mil? Teꞌxcꞌul chi joꞌcan xban nak li Ka̱cuaꞌ lix Dioseb ac quixcanabeb xjuneseb ut quixtzꞌekta̱naheb.

Deuteronomio 28:7

Li Ka̱cuaꞌ tixkꞌaxtesiheb saꞌ e̱rukꞌ li xicꞌ nequeꞌiloc e̱re. Tzololnakeb nak teꞌcha̱lk chi pletic e̱riqꞌuin, abanan sachso̱keb chic xnaꞌleb nak teꞌe̱lelik che̱ru ut teꞌxchaꞌchaꞌi ribeb.

Jueces 9:54

Laj Abimelec quixbok saꞌ junpa̱t li cui̱nk li nacꞌamoc re lix chꞌi̱chꞌ ut quixye re: —Isi chak la̱ chꞌi̱chꞌ ut tina̱camsi re nak ma̱ ani ta̱yehok re nak ixk xcamsin cue, chan. Ut li cui̱nk quixnumsi lix chꞌi̱chꞌ saꞌ xsaꞌ. Joꞌcaꞌin nak quicam laj Abimelec.

1 Samuel 14:12

Ut queꞌxjap reheb chixyebal re laj Jonatán ut li natenkꞌan re: —Quimkex arin. Cuan cꞌaꞌru takaye e̱re, chanqueb. Laj Jonatán quixye re laj te̱nkꞌ re: —Yoꞌo riqꞌuineb xban nak li Ka̱cuaꞌ ac xkꞌaxtesiheb laj filisteo saꞌ kukꞌ la̱o aj Israel, chan.

1 Samuel 14:14

Saꞌ li xbe̱n ple̱t aꞌan junmay tana li soldado li queꞌxcamsiheb laj Jonatán ut li natenkꞌan re saꞌ li chꞌina naꞌajej aꞌan.