1 Samuel 13:5 - Li Santil hu

⁵ Ut eb laj filisteo queꞌxchꞌutub ribeb chi pletic riqꞌuineb laj Israel. Cuanqueb laje̱b xcaꞌcꞌa̱l mil (30,000) chi carruaje re pletic, cuanqueb cuakib mil (6,000) li soldado li nequeꞌxic chirix cacua̱y, ut cuanqueb ajcuiꞌ nabaleb li soldado li nequeꞌxic chi rokeb joꞌ xqꞌuial li samaib li cuan chire li palau. Queꞌco̱eb ut queꞌxyi̱b lix muheba̱leb aran Micmas li nacana saꞌ xjayal li tenamit Bet-avén, li na-el cuiꞌ chak li sakꞌe.

Q'eqchi Bible

⁵ ut eb' laj Filistea ke'ch'utlaak re yalok rik'ineb' laj Israel: lajeeb' xka'k'aal mil (30,000) chi b'eleb'aal ch'iich', o'laju o'q'ob' (6,000) chi kawaay ut k'ajo'eb' xk'ihal laj puub' jo' tana xk'ihal li samahib' chire li palaw. Koheb' ut ke'xyiib' xmuheb'aaleb' Mikmás, sa' xjayal releb'l saq'e re Bet-Abén.

1 Samuel 13:5 ပူးပေါင်းရင်းမြစ်များ

1 Samuel 14:23

Queꞌpletic toj retal queꞌcuulac saꞌ li tenamit Bet-avén. Ut li Ka̱cuaꞌ Dios quixcoleb laj Israel saꞌ li cutan aꞌan.

Josué 11:4

Queꞌxjunaji ribeb chixjunileb rochbeneb lix soldados re teꞌxic chi pletic riqꞌuineb laj Israel. Kꞌaxal cuiꞌchic nabaleb. Chanchan xqꞌuial li samaib chire li palau. Ut nabaleb lix cacua̱yeb joꞌ ajcuiꞌ lix carruajeb re pletic.

Josué 18:12

Li naꞌajej li queꞌtzꞌak eb aꞌan naticla cuan cuiꞌ li nimaꞌ Jordán saꞌ li norte. Ut nacuulac cuan cuiꞌ li tenamit Jericó saꞌ li norte. Naxic cuan cuiꞌ li tzu̱l li cuan saꞌ li oeste. Ut nocox-e̱lk saꞌ li chaki chꞌochꞌ Bet-avén.

Oseas 10:5

Eb laj Samaria teꞌxucuak ut teꞌya̱bak xban xrahil xchꞌo̱leb nak ta̱sachekꞌ li cuacax oro li cuan Bet-avén. Teꞌya̱bak ajcuiꞌ laj tij li nequeꞌxqꞌue xchꞌo̱l chi cꞌanjelac chiru. Cau teꞌya̱bak nak ta̱sachekꞌ xlokꞌal lix dioseb.

Oseas 5:8

Cheya̱basihak li trompeta aran Gabaa. Cheya̱basihak aran Ramá. Cheyehak resil aran Bet-avén xban nak ticla̱c re li ple̱t. Cheqꞌuehak retal ut texxucuak la̱ex li ralal xcꞌajol laj Benjamín.

Oseas 4:15

Usta niquine̱tzꞌekta̱na la̱ex aj Israel, aban incꞌaꞌ taxak tineꞌxtzꞌekta̱na eb laj Judá. Mexxic aran Gilgal chi lokꞌoni̱nc, chi moco texxic Bet-avén, chi moco te̱ba̱nu li juramento saꞌ incꞌabaꞌ la̱in li yoꞌyo̱quil Dios.

Jeremías 15:8

Nabaleb li xma̱lcaꞌan xeꞌcana̱c saꞌ li tenamit. Xeꞌxkꞌax xqꞌuial li samaib chire li palau. Xinqꞌueheb chi camsi̱c eb li sa̱j cui̱nk ut kꞌaxal ra saꞌ xchꞌo̱leb li naꞌbej. Chi ma̱cꞌaꞌ saꞌ xchꞌo̱leb xchal li raylal aꞌin saꞌ xbe̱n lix tenamiteb.

Isaías 48:19

Kꞌaxal nabaleb raj le̱ ralal e̱cꞌajol. Lix qꞌuialeb chanchaneb raj li samaib chire li palau. Incꞌaꞌ naru rajlanquileb. Ut incꞌaꞌ raj xexintzꞌekta̱na chi moco xcꞌabaꞌ le̱ tenamit raj xinsach.

2 Crónicas 1:9

Joꞌcan ut, at Ka̱cuaꞌ, at inDios, chaba̱nu joꞌ cayechiꞌi re laj David inyucuaꞌ. La̱at catxakaban cue chokꞌ rey saꞌ xbe̱n jun tenamit kꞌaxal nim. Chanchaneb li poks xban nak kꞌaxal nabaleb.

Jueces 7:12

Eb laj Madián ut eb laj Amalec ut eb li queꞌchal saꞌ li oriente chanchaneb jun tu̱b chi aj sa̱cꞌ saꞌ li ru takꞌa xban nak kꞌaxal nabaleb. Nabaleb lix camellos. Chanchan xqꞌuial li samaib li cuan chire li palau.

Josué 7:2

Mokon chic laj Josué quixtakla cuib oxibeb li cui̱nk saꞌ li tenamit Hai, li cuan nachꞌ riqꞌuin li naꞌajej Bet-avén li cuan saꞌ li este riqꞌuin li tenamit Bet-el. Quixye reheb li cui̱nk: —Ayukex ut qꞌuehomak chak retal li tenamit Hai.— Ut eb aꞌan queꞌco̱eb ut queꞌxqꞌue retal li tenamit.

Génesis 22:17

Kꞌaxal numtajenak li usilal tinba̱nu a̱cue. Joꞌ xqꞌuialeb li chahim li cuanqueb saꞌ choxa, joꞌcan ajcuiꞌ xqꞌuialeb la̱ cualal a̱cꞌajol li teꞌcua̱nk. Ut joꞌ xqꞌuial li cocꞌ ru li samaib li cuanqueb chire li palau nak teꞌta̱mk la̱ cualal a̱cꞌajol. Ut kꞌaxal cuiꞌchic nimak xcuanquileb la̱ cualal a̱cꞌajol chiruheb li xicꞌ teꞌilok reheb aꞌan.

Romanos 9:27

Joꞌcaꞌin quixye laj Isaías chirixeb laj Israel: Usta nabaleb li ralal xcꞌajol laj Israel joꞌ xqꞌuial li samaib chire li palau, aban moco qꞌuiheb ta li teꞌcolekꞌ.

1 Samuel 7:13

Joꞌcaꞌin nak queꞌnumta laj Israel saꞌ xbe̱neb laj filisteo. Incꞌaꞌ chic queꞌoc saꞌ lix tenamiteb laj Israel chi pletic. Joꞌ najtil yoꞌyo laj Samuel, li Ka̱cuaꞌ incꞌaꞌ quixcanabeb laj filisteo chi oc saꞌ lix naꞌajeb.

1 Samuel 13:2

quixsiqꞌueb ru oxib mil li soldado saꞌ xya̱nkeb laj Israel. Cuib mil queꞌcana rochben laj Saúl aran Micmas, ut saꞌ eb li tzu̱l Bet-el. Ut eb li jun mil chic queꞌcana rochben laj Jonatán aran Gabaa saꞌ lix naꞌajeb li ralal xcꞌajol laj Benjamín. Ut eb li jun chꞌol chic queꞌtakla̱c saꞌ xmuheba̱leb.

1 Samuel 13:11

Tojoꞌnak quixye laj Samuel: —¿Cꞌaꞌru xaba̱nu? Ut quixye laj Saúl: —La̱in xcuil nak eb li soldado yo̱queb chi xic xban nak la̱at incꞌaꞌ xatcꞌulun chiru li jarub cutan xaye cue. Ut xinqꞌue retal nak eb laj filisteo ac xeꞌxchꞌutub ribeb aran Micmas.

1 Samuel 17:1

Eb laj filisteo queꞌxchꞌutub ruheb lix soldados re teꞌxic chi pletic. Queꞌxchꞌutub ribeb aran Soco, li cuan saꞌ xcue̱nt Judá. Ut queꞌxyi̱b lix muheba̱leb saꞌ li naꞌajej Efes-damim li cuan saꞌ xyi li cuib chi tenamit Soco ut Azeca.

2 Samuel 17:11

La̱in ninye a̱cue nak kꞌaxal us nak ta̱chꞌutubeb ru chixjunileb laj Israel, li cuanqueb saꞌ li tenamit Dan toj saꞌ li tenamit Beerseba. Eb aꞌan kꞌaxal nabaleb. Chanchaneb li cocꞌ ru li samaib chire li palau. Ut la̱at tatcꞌamok xbeheb nak texxic chi pletic.

1 Reyes 20:27

Eb li soldados aj Israel queꞌchꞌutuba̱c ajcuiꞌ ruheb. Queꞌxcꞌam li cꞌaꞌru ta̱cꞌanjelak chiruheb ut queꞌco̱eb chi pletic. Queꞌxyi̱b lix muheba̱leb saꞌ xcaꞌyaba̱l lix muheba̱leb laj Siria. Eb laj Israel chanchaneb cuib chꞌu̱tal chi chiba̱t xban nak moco qꞌuiheb ta. Abanan eb laj Siria kꞌaxal nabaleb ut queꞌxhel ribeb saꞌ chixjunil li ru takꞌa.

Isaías 10:28

Eb li xicꞌ nequeꞌiloc e̱re queꞌpletic riqꞌuin li tenamit Ajat. Queꞌnumeꞌ aran Migrón. Queꞌxcanab li i̱k aran Micmas.

1 Samuel 14:52

Joꞌ najtil quiyoꞌyo, laj Saúl cau quipletic riqꞌuineb laj filisteo. Joꞌcan nak quixqꞌue saꞌ xya̱nkeb lix soldados chixjunileb li cui̱nk li cauheb xchꞌo̱l ut cauheb rib.