1 Samuel 13:3 - Li Santil hu

³ Laj Jonatán quixcamsiheb jun chꞌu̱tal chi xsoldado laj filisteo aran Gabaa. Ut eb laj filisteo queꞌrabi resil. Tojoꞌnak laj Saúl quixtakla xya̱basinquil li trompeta saꞌ chixjunil li tenamit re nak chixjunileb teꞌxnau cꞌaꞌru quicꞌulman.

Q'eqchi Bible

³ Laj Jonatán kixkamsi jun ch'uuteb' aj Filistea li wankeb' aran Kibehá, ut eb' laj Filistea ke'rab'i resil. Toja' naq laj Saúl kixye naq chiyaab'asiiq li tronpeet sa' chixjunil li na'ajej, ut kixye: “Ab'ihomaq, ex aj Hebreo!

1 Samuel 13:3 ပူးပေါင်းရင်းမြစ်များ

1 Samuel 10:5

Laj Samuel quixye ajcuiꞌ re laj Saúl: —Chirix chic aꞌan la̱at tatxic toj Gabaa bar nequeꞌxlokꞌoni cuiꞌ li Dios saꞌ li naꞌajej li cuan cuiꞌ lix muheba̱leb laj filisteo. Nak tat-oc saꞌ li tenamit aꞌan, ta̱cꞌuleb jun chꞌu̱tal li profeta li yo̱keb chi cubec saꞌ li tzu̱l. Yo̱keb chixchꞌeꞌbal lix salterio, lix pandero, lix xo̱lb joꞌ eb ajcuiꞌ lix arpa re xlokꞌoninquil li Dios.

Jueces 3:27

Nak quicuulac saꞌ lix naꞌajeb li ralal xcꞌajol laj Efraín, li tzu̱l ru, laj Aod quixya̱basi li trompeta re xbokbaleb laj Israel. Ut chixjunileb queꞌco̱eb chirix. Laj Aod yo̱ chi cꞌamoc be chiruheb.

Jueces 6:34

Ut lix musikꞌ li Ka̱cuaꞌ quichal riqꞌuin laj Gedeón ut quixcꞌut chiru cꞌaꞌru tixba̱nu. Joꞌcan nak laj Gedeón quixya̱basi lix xucub re xbokbaleb chixjunileb li ralal xcꞌajol laj Abiezer.

Zacarías 14:10

Junaj ru ta̱cana̱k li ru takꞌa. Ta̱ticla̱k chak Geba ut ta̱cuulak toj saꞌ li tenamit Rimón li cuan jun pacꞌal Jerusalén saꞌ li sur. Li tenamit Jerusalén cua̱nk saꞌ li tzu̱l ut cua̱nk ajcuiꞌ xlokꞌal. Kꞌaxal nabal cuiꞌchic li cristian teꞌcua̱nk aran. Ta̱ticla̱k chak cuan cuiꞌ li oqueba̱l re laj Benjamín ut ta̱cuulak toj cuan cuiꞌ li xbe̱n oqueba̱l, ut toj cuan cuiꞌ li oqueba̱l li cuan saꞌ xuc. Ut ta̱cuulak ajcuiꞌ toj cuan cuiꞌ li torre re laj Hananeel ut toj cuan cuiꞌ li nayatzꞌeꞌ cuiꞌ x-uva li rey.

Isaías 10:29

Queꞌnumeꞌ saꞌ li tzu̱l ut queꞌxyi̱b lix muheba̱leb aran Geba. Cꞌajoꞌ nak teꞌxucuak li cuanqueb Ramá. Ut li cuanqueb aran Gabaa saꞌ lix tenamit laj Saúl queꞌe̱lelic.

2 Samuel 23:14

Saꞌ li cutan aꞌan laj David cuan saꞌ li naꞌajej li nequeꞌxcol cuiꞌ ribeb. Ut cuan jun xnaꞌajeb li soldados aj filisteo aran Belén.

2 Samuel 20:1

Saꞌ li tenamit Gilgal quicuan jun li cui̱nk incꞌaꞌ us xnaꞌleb. Aꞌan laj Seba, ralal laj Bicri. Xcomoneb li ralal xcꞌajol laj Benjamín. Laj Seba quixya̱basi li trompeta re xchꞌutubanquileb li tenamit, ut quixye reheb: —La̱o ma̱cꞌaꞌ nakara chirix laj David li ralal laj Isaí. Ma̱cꞌaꞌ tixqꞌue ke. Chikajunilo toxic saꞌ kamuheba̱l, chan.

2 Samuel 2:28

Ut laj Joab quixya̱basi lix trompeta re xyebal reheb lix soldados nak teꞌxcanab ra̱linanquileb laj Abner. Joꞌcan nak queꞌxcanab pletic.

1 Samuel 13:16

Laj Saúl ut laj Jonatán li ralal joꞌqueb ajcuiꞌ li soldado li cuanqueb rochbeneb queꞌcana aran Gabaa saꞌ xnaꞌajeb li ralal xcꞌajol laj Benjamín. Ut eb laj filisteo cuanqueb lix muheba̱leb aran Micmas.

Josué 21:17

Ut eb li naꞌajej li queꞌxqꞌue eb li ralal xcꞌajol laj Benjamín, aꞌaneb aꞌin: Gabaón, Geba,

Josué 18:24

Quefar-haamoni, Ofni ut Geba. Cablaju chixjunileb li tenamit rochbeneb li cocꞌ cꞌaleba̱l.