1 Samuel 13:2 - Li Santil hu

² quixsiqꞌueb ru oxib mil li soldado saꞌ xya̱nkeb laj Israel. Cuib mil queꞌcana rochben laj Saúl aran Micmas, ut saꞌ eb li tzu̱l Bet-el. Ut eb li jun mil chic queꞌcana rochben laj Jonatán aran Gabaa saꞌ lix naꞌajeb li ralal xcꞌajol laj Benjamín. Ut eb li jun chꞌol chic queꞌtakla̱c saꞌ xmuheba̱leb.

Q'eqchi Bible

² Toja' naq kixsik' ruheb' lajeek'aal xwaqxaq o'q'ob' (3,000) chi aj Israel cho'q aj puub': oob' o'q'ob' (2,000) wankeb' chaq rik'in laj Saúl aran Mikmás ut sa' li tzuul Betel, ut lajeek'aal rox o'q'ob' (1,000) wankeb' rik'in laj Jonatán aran Kibehá re Benjamín, ut li rela'eb' li tenamit laj Saúl kixsutq'isiheb' sa' rochocheb'.

1 Samuel 13:2 ပူးပေါင်းရင်းမြစ်များ

1 Samuel 10:26

Tojoꞌnak laj Samuel quixtaklaheb li tenamit saꞌ li rochocheb. Ut laj Saúl co̱ ajcuiꞌ saꞌ li rochoch aran Gabaa. Ut queꞌco̱eb chirix li cui̱nk li cauheb rib chi pletic, eb li cui̱nk li queꞌecꞌasi̱c xchꞌo̱leb xban li Dios.

1 Samuel 14:31

Saꞌ li cutan aꞌan eb laj Israel queꞌnumta saꞌ xbe̱neb laj filisteo chalen saꞌ li tenamit Micmas toj saꞌ li tenamit Ajalón. Abanan kꞌaxal tacuajenakeb li tenamit.

1 Samuel 13:5

Ut eb laj filisteo queꞌxchꞌutub ribeb chi pletic riqꞌuineb laj Israel. Cuanqueb laje̱b xcaꞌcꞌa̱l mil (30,000) chi carruaje re pletic, cuanqueb cuakib mil (6,000) li soldado li nequeꞌxic chirix cacua̱y, ut cuanqueb ajcuiꞌ nabaleb li soldado li nequeꞌxic chi rokeb joꞌ xqꞌuial li samaib li cuan chire li palau. Queꞌco̱eb ut queꞌxyi̱b lix muheba̱leb aran Micmas li nacana saꞌ xjayal li tenamit Bet-avén, li na-el cuiꞌ chak li sakꞌe.

1 Samuel 13:23

Jun chꞌu̱tal chi soldados aj filisteo yo̱queb chi cꞌacꞌale̱nc saꞌ li be li naxic Micmas.

2 Samuel 21:6

La̱o nakaj nak ta̱kꞌaxtesi saꞌ kukꞌ cuukubeb li cui̱nk xcomoneb li ralal xcꞌajol laj Saúl. La̱o takayatzꞌeb chiru li Ka̱cuaꞌ aran Gabaa, lix tenamit laj Saúl, li sicꞌbil ru xban li Ka̱cuaꞌ, chanqueb. Ut li rey David quixye reheb: —Us. La̱in tinkꞌaxtesiheb e̱re, chan.

1 Samuel 15:34

Chirix aꞌan laj Samuel co̱ Ramá ut laj Saúl co̱ saꞌ rochoch aran Gabaa saꞌ lix naꞌaj.

1 Samuel 14:52

Joꞌ najtil quiyoꞌyo, laj Saúl cau quipletic riqꞌuineb laj filisteo. Joꞌcan nak quixqꞌue saꞌ xya̱nkeb lix soldados chixjunileb li cui̱nk li cauheb xchꞌo̱l ut cauheb rib.

1 Samuel 14:5

Li sako̱nac jun cuan saꞌ li norte saꞌ xcaꞌyaba̱l li tenamit Micmas. Li jun chic cuan saꞌ li sur saꞌ xcꞌayaba̱l li tenamit Gabaa.

1 Samuel 8:11

Laj Samuel quixye reheb: —Aꞌan aꞌin li tixba̱nu li rey. Tixchapeb le̱ ralal re teꞌoc chokꞌ soldado. Cuanqueb li tixqꞌue chi be̱c saꞌ eb li carruaje. Cuanqueb li teꞌxic chirix cacua̱y ut cuanqueb ajcuiꞌ li teꞌxic chi rokeb chiru lix carruaje li rey.

Jueces 19:12

Abanan li cui̱nk quixye re: —Incꞌaꞌ tocana̱k chi cua̱rc saꞌ junak tenamit ma̱cuaꞌ xcomoneb laj Israel. Toxic ban toj Gabaa, chan.

Josué 18:28

Zela, Elef, Jebús li nequeꞌxye ajcuiꞌ Jerusalén re, Gabaa ut Quiriat. Ca̱laju chixjunileb li tenamit rochbeneb li cocꞌ cꞌaleba̱l. Aꞌan aꞌin li naꞌajej li quiqꞌueheꞌ reheb li ralal xcꞌajol laj Benjamín, aꞌ yal chanru xqꞌuial li junju̱nk chꞌu̱tal.

1 Samuel 10:5

Laj Samuel quixye ajcuiꞌ re laj Saúl: —Chirix chic aꞌan la̱at tatxic toj Gabaa bar nequeꞌxlokꞌoni cuiꞌ li Dios saꞌ li naꞌajej li cuan cuiꞌ lix muheba̱leb laj filisteo. Nak tat-oc saꞌ li tenamit aꞌan, ta̱cꞌuleb jun chꞌu̱tal li profeta li yo̱keb chi cubec saꞌ li tzu̱l. Yo̱keb chixchꞌeꞌbal lix salterio, lix pandero, lix xo̱lb joꞌ eb ajcuiꞌ lix arpa re xlokꞌoninquil li Dios.

1 Samuel 13:1

Ac cuan xchihab laj Saúl nak quixtiquib takla̱nc saꞌ xbe̱neb laj Israel. Nak ac cuan cuib chihab roquic chokꞌ rey aran Israel,

1 Samuel 13:11

Tojoꞌnak quixye laj Samuel: —¿Cꞌaꞌru xaba̱nu? Ut quixye laj Saúl: —La̱in xcuil nak eb li soldado yo̱queb chi xic xban nak la̱at incꞌaꞌ xatcꞌulun chiru li jarub cutan xaye cue. Ut xinqꞌue retal nak eb laj filisteo ac xeꞌxchꞌutub ribeb aran Micmas.

1 Samuel 13:15

Laj Samuel qui-el Gilgal ut co̱ Gabaa saꞌ xnaꞌajeb li ralal xcꞌajol laj Benjamín. Laj Saúl quirajla lix soldados li cuanqueb rochben ut cuakib ciento (600) aj chic li soldados li cuanqueb rochben.

1 Samuel 13:16

Laj Saúl ut laj Jonatán li ralal joꞌqueb ajcuiꞌ li soldado li cuanqueb rochbeneb queꞌcana aran Gabaa saꞌ xnaꞌajeb li ralal xcꞌajol laj Benjamín. Ut eb laj filisteo cuanqueb lix muheba̱leb aran Micmas.

1 Samuel 26:2

Laj Saúl quixsicꞌ ruheb oxib mil lix soldados ut queꞌco̱eb saꞌ junpa̱t chixsicꞌbal laj David saꞌ li chaki chꞌochꞌ aran Zif.

2 Samuel 20:1

Saꞌ li tenamit Gilgal quicuan jun li cui̱nk incꞌaꞌ us xnaꞌleb. Aꞌan laj Seba, ralal laj Bicri. Xcomoneb li ralal xcꞌajol laj Benjamín. Laj Seba quixya̱basi li trompeta re xchꞌutubanquileb li tenamit, ut quixye reheb: —La̱o ma̱cꞌaꞌ nakara chirix laj David li ralal laj Isaí. Ma̱cꞌaꞌ tixqꞌue ke. Chikajunilo toxic saꞌ kamuheba̱l, chan.

Josué 22:6

Ut chirix aꞌan laj Josué quixtzꞌa̱ma chiru li Dios nak ta̱rosobtesiheb, tojoꞌnak quixtaklaheb saꞌ lix muheba̱leb.

1 Samuel 24:3

Yo̱queb chi numecꞌ saꞌ jun li naꞌajej cuanqueb cuiꞌ xcorral li carner. Cuan jun li ochoch pec aran. Laj Saúl qui-oc saꞌ li ochoch pec chixtzꞌekbal rib. Ut saꞌ li ochoch pec aꞌan mukmu̱queb laj David ut eb li cui̱nk li cuanqueb rochben. Toj chi saꞌ cuanqueb chak.

2 Samuel 23:29

laj Heleb, li ralal laj Baana, Netofa xtenamit; laj Itai li ralal laj Ribai, Gabaa xtenamit li cuan saꞌ xcue̱nt lix naꞌajeb li ralal xcꞌajol laj Benjamín;

Esdras 2:27

Li ralal xcꞌajol laj Micmas, aꞌan jun ciento riqꞌuin cuib xcaꞌcꞌa̱l (122).

Nehemías 11:31

Ut eb li ralal xcꞌajol laj Benjamín queꞌcana chi cua̱nc saꞌ eb li tenamit Geba, Micmas, Aía, ut Bet-el joꞌ ajcuiꞌ saꞌ eb li cꞌaleba̱l.