1 Samuel 13:13 - Li Santil hu

¹³ Ut laj Samuel quixye re laj Saúl: —Xma̱cꞌaꞌil a̱naꞌleb xakꞌet cuiꞌ xchakꞌrab li Dios. Incꞌaꞌ xaba̱nu li naxye saꞌ li chakꞌrab li quixqꞌue a̱cue li Ka̱cuaꞌ la̱ Dios. Cui ta xaba̱nu li quixye a̱cue, li Ka̱cuaꞌ xxakab raj la̱ cuanquil saꞌ xnaꞌaj chi junelic, la̱at ut eb la̱ cualal a̱cꞌajol.

Q'eqchi Bible

¹³ Kixye laj Samuel re laj Saúl: “Aamemil xab'aanu wi' a'in. Ink'a' xapaab' laataqlankil xb'aan li Qaawa' laaYos. Wi ta xab'aanu li xye aawe, li Qaawa' xxaqab' raj laawankil sa' xb'eeneb' laj Israel chi junelik.

1 Samuel 13:13 ပူးပေါင်းရင်းမြစ်များ

1 Samuel 15:22

Laj Samuel quixye re: —¿Cꞌaꞌru li kꞌaxal lokꞌ chiru li Ka̱cuaꞌ? ¿Ma li mayejac malaj ut li abi̱nc? Chiru li Ka̱cuaꞌ li abi̱nc, aꞌan li kꞌaxal lokꞌ chiru li mayejac. Li xba̱nunquil li cꞌaꞌru naxye li Dios, aꞌan kꞌaxal lokꞌ chiru xcꞌatbal xxe̱bul li carner.

2 Crónicas 16:9

Li nimajcual Dios junelic yo̱ chixqꞌuebal retal li cꞌaꞌru yo̱queb chixcꞌulbal li cuanqueb saꞌ ruchichꞌochꞌ re nak tixqꞌue xcacuilal xchꞌo̱leb li ani ti̱queb xchꞌo̱l chiru. Abanan anakcuan la̱at incꞌaꞌ us xaba̱nu. Joꞌcan nak chalen anakcuan junelic ta̱cua̱nk li pletic saꞌ le̱ tenamit, chan li profeta Hanani.

1 Samuel 15:28

Laj Samuel quixye re laj Saúl: —Li Ka̱cuaꞌ quixmakꞌ cha̱cuu la̱ cuanquil anakcuan ut quixqꞌue re jun chic kꞌaxal cha̱bil cha̱cuu la̱at.

1 Samuel 15:11

—Incꞌaꞌ sa saꞌ inchꞌo̱l riqꞌuin laj Saúl. Incꞌaꞌ raj xinqꞌue chokꞌ xreyeb laj Israel. Quinixtzꞌekta̱na ut quixkꞌet lin chakꞌrab, chan. Qui-oc xcꞌaꞌux laj Samuel ut quixnumsi li kꞌojyi̱n aꞌan chi tijoc chiru li Ka̱cuaꞌ.

1 Reyes 21:20

Nak laj Elías quicuulac aran, laj Acab quixye re: —At Elías, la̱at li xicꞌ nacat-iloc cue. Xina̱tau chixba̱nunquil li incꞌaꞌ us, chan. Ut laj Elías quixye re: —Ya̱l. Xatintau chixba̱nunquil li incꞌaꞌ us xban nak la̱at cꞌaynakat chixba̱nunquil li ma̱usilal chiru li Ka̱cuaꞌ.

1 Reyes 18:18

Laj Elías quixye re: —Ma̱cuaꞌ la̱in li yo̱quin chi qꞌuehoc raylal saꞌ xbe̱n li tenamit Israel. La̱at ban li yo̱cat chi qꞌuehoc raylal a̱cuochben la̱ yucuaꞌ xban nak xetzꞌekta̱na lix chakꞌrab li Ka̱cuaꞌ ut yo̱quex chixlokꞌoninquileb li yi̱banbil dios Baal, chan.

Proverbios 19:3

Eb li cristian nequeꞌxtzꞌek rib xjuneseb rib xban li ma̱usilal nequeꞌxba̱nu. Abanan eb aꞌan nequeꞌxye nak aꞌ li Ka̱cuaꞌ cuan re nak joꞌcan nequeꞌxcꞌul.

Li xHu LAJ JOB 34:18

¿Ma ma̱cuaꞌ ta biꞌ caꞌaj cuiꞌ li Dios naru nayehoc reheb li rey nak incꞌaꞌ us xnaꞌlebeb? Ut, ¿ma ma̱cuaꞌ ta biꞌ li Dios naru nayehoc reheb li nequeꞌtaklan saꞌ ruchichꞌochꞌ nak incꞌaꞌ us yo̱queb?

2 Crónicas 19:2

Li profeta Jehú li ralal laj Hanani co̱ chixcꞌulbal li rey Josafat ut quixye re: —Nacatenkꞌaheb li incꞌaꞌ useb xnaꞌleb. Nacaraheb li xicꞌ nequeꞌiloc re li Ka̱cuaꞌ Dios. Li Dios xjoskꞌoꞌ saꞌ a̱be̱n xban li cꞌaꞌru xaba̱nu.

1 Samuel 1:22

Abanan lix Ana incꞌaꞌ co̱ chirixeb. Joꞌcan nak quixye re lix be̱lom: —La̱in incꞌaꞌ tinxic. Toj tinmakꞌ xtuꞌ lin cꞌulaꞌal, tojoꞌnak tinxic chixkꞌaxtesinquil re li Ka̱cuaꞌ. Ut aran ta̱cana̱k chi junaj cua, chan re.

1 Samuel 13:12

La̱in xincꞌoxla nak teꞌxtiquib pletic cuiqꞌuin arin Gilgal, ut la̱in toj ma̱jiꞌ nintzꞌa̱ma rusilal li Ka̱cuaꞌ saꞌ inbe̱n. Joꞌcan nak xinmayeja li cꞌatbil xul chiru li Dios, chan laj Saúl.

1 Samuel 16:1

Li Ka̱cuaꞌ quixye re laj Samuel: —¿Joꞌ najtil chic rahak a̱chꞌo̱l chirix laj Saúl? La̱in incꞌaꞌ chic nacuaj ta̱cua̱nk chokꞌ rey. Ta̱qꞌue li aceite saꞌ li xucub ut tatxic aran Belén riqꞌuin laj Isaí xban nak la̱in xinsicꞌ ru jun reheb li ralal re ta̱oc chokꞌ rey, chan li Ka̱cuaꞌ.

2 Samuel 24:10

Nak ac queꞌajla̱c chixjunileb laj Israel, quiyotꞌeꞌ xchꞌo̱l laj David. Quitijoc ut quixye re li Dios: —At Ka̱cuaꞌ, nimla ma̱c li xinba̱nu la̱in. Nintzꞌa̱ma cha̱cuu nak ta̱cuy ta̱sach taxak lin ma̱c. Xma̱cꞌaꞌil innaꞌleb xinba̱nu cuiꞌ, chan.

1 Crónicas 10:13

Joꞌcaꞌin nak quicam laj Saúl xban nak quixtzꞌekta̱na li Ka̱cuaꞌ. Quixkꞌet li ra̱tin li Ka̱cuaꞌ ut quixpatzꞌ xnaꞌleb riqꞌuin jun li ixk aj kꞌe.

Isaías 39:5

Ut laj Isaías quixye re: —Abi li cꞌaꞌru naxye li Ka̱cuaꞌ li nimajcual Dios.

Jeremías 18:10

Abanan, cui eb li tenamit aꞌan nequeꞌxkꞌet li cua̱tin ut nequeꞌxba̱nu li ma̱usilal, incꞌaꞌ chic tinba̱nu usilal reheb li xincꞌoxla xba̱nunquil, chan li Ka̱cuaꞌ Dios.

Génesis 31:28

Saꞌ junpa̱t xacꞌameb chak. Incꞌaꞌ xqꞌue rib nak xcuutzꞌeb ru lin rabin joꞌ eb ajcuiꞌ li cui re xchakꞌrabinquileb. Xban a̱to̱ntil nak xaba̱nu a naꞌleb aꞌin.

1 Samuel 26:21

Ut laj Saúl quixye re: —At David, at cualal, sukꞌin chak cuiqꞌuin. Ma̱cꞌaꞌ tinba̱nu a̱cue xban nak incꞌaꞌ xina̱camsi anakcuan. Ma̱cꞌaꞌ innaꞌleb. Incꞌaꞌ us li xinba̱nu, chan laj Saúl.

Proverbios 12:8

Li ani cuan xnaꞌleb naqꞌueheꞌ xlokꞌal. Abanan li incꞌaꞌ useb xnaꞌleb nequeꞌtzꞌekta̱na̱c.