1 Samuel 12:5 - Li Santil hu

⁵ Laj Samuel quixye reheb: —Li Ka̱cuaꞌ xrabi li cꞌaꞌru xeye. Ut li rey li sicꞌbil ru xban li Dios xrabi ajcuiꞌ. Ma̱cꞌaꞌ li incꞌaꞌ us xinba̱nu e̱re, chan. Ut eb li tenamit queꞌxye: —Ya̱l. Li Ka̱cuaꞌ naxnau, chanqueb.

Q'eqchi Bible

⁵ “Ch'olch'o chiru li Qaawa' ut chiru li awab'ej sik'b'il ru xb'aan, naq maajun linmaak xetaw laa'ex sa' li kutan a'in”, chan laj Samuel. Ut eb' a'an ke'xye: “Ch'olch'o ru”.

1 Samuel 12:5 ပူးပေါင်းရင်းမြစ်များ

Éxodo 22:4

Ut cui teꞌxtau li xul chi yoꞌyo riqꞌuin, li ac xrelkꞌa usta bo̱yx, malaj ut bu̱r, malaj ut carner, tento tixqꞌue re̱kaj cuib sut xqꞌuial chiru li ac xrelkꞌa.

Hechos 24:20

Xyehakeb anakcuan cha̱cuu li nequeꞌtaklan saꞌ xbe̱neb laj judío li cuanqueb arin cui cuan cꞌaꞌru incꞌaꞌ us xinba̱nu nak quineꞌxcꞌam chiruheb laj rakol a̱tin.

Hechos 23:9

Ut nequeꞌxejejnac chixcuechꞌinquil ribeb. Ut eb laj tzꞌi̱b xcomoneb laj fariseo yo̱queb chixcolbal rix laj Pablo. —Ma̱ jun ma̱c nakatau chirix li cui̱nk aꞌin. Ma̱re anchal junak musikꞌej, ma̱re anchal junak ángel x-a̱tinan re. Incꞌaꞌ naru topletik riqꞌuin li Ka̱cuaꞌ, chanqueb.

2 Corintios 1:12

Kꞌaxal nasahoꞌ kachꞌo̱l xban nak nakanau nak saꞌ ti̱quilal nococuan saꞌ ruchichꞌochꞌ. Ut chi anchal kachꞌo̱l xocuan saꞌ ti̱quilal nak xocuan e̱riqꞌuin la̱ex. Moco xban ta nak cuan kanaꞌleb kajunes la̱o nak cuanco saꞌ ti̱quilal. Li Dios ban natenkꞌan ke riqꞌuin lix nimal ruxta̱n.

1 Corintios 4:4

La̱in nacuecꞌa nak ma̱cꞌaꞌ inma̱c. Abanan moco xban ta aꞌan nak tinye nak ti̱c inchꞌo̱l. Aꞌ li ta̱rakok a̱tin saꞌ inbe̱n aꞌan li Ka̱cuaꞌ, ut aꞌan ta̱yehok re ma us xinba̱nu malaj incꞌaꞌ.

Hechos 24:16

Joꞌcan nak ninqꞌue inchꞌo̱l chixba̱nunquil li us re nak ma̱cꞌaꞌak inma̱c chiru li Dios chi moco chiruheb li cuas cui̱tzꞌin.

San Juan 18:38

Laj Pilato quixye: —Ut, ¿cꞌaꞌru lix ya̱lal?— Ut co̱ cuiꞌchic riqꞌuineb laj judío ut quixye reheb: —Ma̱ jun xma̱c li cui̱nk aꞌin nintau.

Salmos 17:3

La̱at nacanau chanru lin cꞌaꞌux. Chi kꞌek chi cutan nacacuil chanru lin naꞌleb. La̱at xayal rix lin pa̱ba̱l ut nacanau nak ma̱cꞌaꞌ ma̱usilal ninba̱nu. Ut la̱at nacanau nak ma̱ jun yibru a̱tin na-el chi xtzꞌu̱mal cue.

Li xHu LAJ JOB 42:7

Nak li Dios quirakeꞌ chi a̱tinac riqꞌuin laj Job, quia̱tinac ajcuiꞌ riqꞌuin laj Elifaz, Temán xtenamit, ut quixye re: —Yo̱ injoskꞌil saꞌ a̱be̱n la̱at joꞌ ajcuiꞌ saꞌ xbe̱neb la̱ cuami̱g cuib, xban nak incꞌaꞌ xeye li ya̱l chicuix joꞌ xba̱nu laj Job laj cꞌanjel chicuu.

1 Samuel 26:9

Abanan laj David quixye re: —Ma̱camsi aꞌan. ¿Cꞌaꞌut nak ta̱camsi li rey li quisiqꞌueꞌ ru xban li Ka̱cuaꞌ? Cuan a̱ma̱c cui ta̱camsi aꞌan, chan.

1 Samuel 12:4

Ut eb li tenamit queꞌxye re: —Incꞌaꞌ xaba̱nu li incꞌaꞌ us. Incꞌaꞌ xat-elkꞌac chiku chi moco xoa̱rahobtesi, chanqueb.

Génesis 31:50

Ut laj Labán quixye ajcuiꞌ re laj Jacob: Li Ka̱cuaꞌ Dios ta̱naꞌok re chixjunil li cꞌaꞌru takaba̱nu. Cui la̱at ta̱rahobtesiheb lin rabin, li Ka̱cuaꞌ Dios ta̱naꞌok re. Cui la̱at ta̱cꞌam jalan chic ixk chokꞌ a̱cuixakil, ma̱re la̱at ta̱cꞌoxla nak ma̱ ani nanaꞌoc re li cꞌaꞌru yo̱cat. Abanan li Ka̱cuaꞌ Dios tixnau, chan.

Li xHu LAJ JOB 16:19

Ma̱re cuan junak saꞌ choxa ta̱a̱tinak chicuix ut tixye nak ma̱cꞌaꞌ inma̱c.