1 Samuel 12:3 - Li Santil hu

³ Xakxo̱quin che̱ru anakcuan. Yehomak cue lix ya̱lal chiru li Ka̱cuaꞌ Dios ut chiru ajcuiꞌ li rey li quixsicꞌ ru chi cꞌamoc be che̱ru. ¿Ma cuan junak xinmakꞌ xbo̱yx? ¿Ma cuan junak xinmakꞌ xbu̱r? ¿Ma cuan junak xincuelkꞌa cꞌaꞌru re? ¿Ma cuan junak xinrahobtesi? ¿Ma xinqꞌue cuib chi tumina̱c re nak incꞌaꞌ tinye li ya̱l? Cui cuan li incꞌaꞌ us xinba̱nu, yehomak cue anakcuan re nak naru tinyi̱b ru li incꞌaꞌ us xinba̱nu, chan.

Q'eqchi Bible

³ ut we'kin cheru. Wi wank junaq xinmaq' li xb'ooyx malaj li xb'uur, wi wank junaq xintawasi malaj xinrahob'tesi, wi xink'e wib' chi tuminaak re naq ink'a' tinye li yaal, ch'olob'omaq linmaak chiru li Qaawa' ut chiru li awab'ej sik'b'il ru xb'aan. Yehomaq ut tintoj li k'aru tento sa' inb'een”, chan laj Samuel.

1 Samuel 12:3 ပူးပေါင်းရင်းမြစ်များ

Hechos 20:33

La̱ex nequenau nak la̱in incꞌaꞌ xinrahi ru lix tumin jalan, chi moco lix biomal, chi moco li rakꞌeb.

Números 16:15

Riqꞌuin li cꞌaꞌru queꞌxye, queꞌxchikꞌ xjoskꞌil laj Moisés ut quixye re li Ka̱cuaꞌ: —At Ka̱cuaꞌ, ma̱cꞌul taxak lix mayejeb. La̱in ma̱cꞌaꞌ xinmakꞌ chiruheb. La̱in incꞌaꞌ xinmakꞌ lix bu̱r chiruheb chi moco xinba̱nu raylal reheb.—

1 Pedro 5:2

La̱ex laj cꞌamol be, tintzꞌa̱ma che̱ru nak te̱qꞌue e̱chꞌo̱l chirilbaleb li ralal xcꞌajol li Dios joꞌ nak laj ilol xul narileb lix xul chi anchal xchꞌo̱l. Te̱qꞌue e̱chꞌo̱l chixchꞌolaninquileb laj pa̱banel li kꞌaxtesinbil e̱re xban li Dios chi ma̱cuaꞌ minbil e̱ru. Te̱ba̱nu ban chi anchal e̱chꞌo̱l. Me̱ba̱nu yal xban xrahinquil ru le̱ tojbal. Cheba̱nu ban xban nak te̱raj cꞌanjelac chiru li Dios.

1 Samuel 24:6

Joꞌcan nak quixye reheb lix soldado: —Li Ka̱cuaꞌ taxak ta̱tenkꞌa̱nk cue re nak incꞌaꞌ tinba̱nu raylal re lin rey. Aꞌan cuan chokꞌ rey xban nak li Ka̱cuaꞌ quisicꞌoc ru, chan.

Deuteronomio 16:19

Laj rakol a̱tin li te̱xakab incꞌaꞌ teꞌrisi xcuanquil li ti̱quilal ut incꞌaꞌ teꞌxsicꞌ ru li ani teꞌxba̱nu usilal re. Incꞌaꞌ cheꞌtumina̱k ruheb xban nak li ani naxcꞌul xtumin incꞌaꞌ chic naxtau xya̱lal ut incꞌaꞌ narakoc a̱tin saꞌ ti̱quilal.

1 Ts 2:10

La̱ex nequenau chi tzꞌakal, ut naxnau ajcuiꞌ li Dios, chanru nak cocuan saꞌ santilal ut saꞌ ti̱quilal saꞌ e̱ya̱nk. Ma̱cꞌaꞌ cꞌaꞌru cokꞌuseꞌ cuiꞌ nak cocuan saꞌ e̱ya̱nk la̱ex aj pa̱banel.

1 Samuel 12:5

Laj Samuel quixye reheb: —Li Ka̱cuaꞌ xrabi li cꞌaꞌru xeye. Ut li rey li sicꞌbil ru xban li Dios xrabi ajcuiꞌ. Ma̱cꞌaꞌ li incꞌaꞌ us xinba̱nu e̱re, chan. Ut eb li tenamit queꞌxye: —Ya̱l. Li Ka̱cuaꞌ naxnau, chanqueb.

1 Samuel 10:1

Ut laj Samuel quixchap jun li chꞌina botella li aceite. Quixhoy saꞌ xjolom laj Saúl. Quirutzꞌ ru ut quixye re: —Li Ka̱cuaꞌ xsicꞌ a̱cuu re tattakla̱nk saꞌ xbe̱n li tenamit Israel.

Éxodo 23:8

Nak texrakok a̱tin, incꞌaꞌ texcꞌuluk tumin. Li ani natumina̱c ru incꞌaꞌ narakoc a̱tin saꞌ ti̱quilal xban nak incꞌaꞌ chic narabi li cꞌaꞌru nequeꞌxye li ma̱cꞌaꞌeb xma̱c.

1 Ts 2:5

La̱ex nequenau nak ma̱ jun cua xoa̱tinac e̱riqꞌuin yal re e̱kꞌunbesinquil. Li Dios naxnau nak la̱o incꞌaꞌ xoa̱tinac e̱riqꞌuin yal xban nak cuan li cꞌaꞌru nakaj.

Éxodo 20:17

Me̱ra ru rochoch le̱ ras e̱ri̱tzꞌin. Me̱ra ru rixakil le̱ ras e̱ri̱tzꞌin chi moco lix mo̱s cui̱nk, chi moco lix mo̱s ixk. Me̱ra ru lix bo̱yx chi moco lix xul nai̱kan. Ma̱cꞌaꞌ cꞌaꞌ chic re ru re le̱ ras e̱ri̱tzꞌin te̱ra ru.

San Lucas 19:8

Nak yo̱queb chi cuaꞌac, laj Zaqueo quixakli chiru li Jesús ut quixye re: —Ka̱cuaꞌ, chalen anakcuan jalan chic tinba̱nu. Yijach lin jun cablal tinsi reheb li nebaꞌ. Ut cui cuan anihak xcuelkꞌa cꞌaꞌru re, ca̱hib cua chic xqꞌuial li re̱kaj tinqꞌue, chan.

San Mateo 22:21

Ut queꞌchakꞌoc ut queꞌxye re: —Re li Acuabej, chanqueb. Ut li Jesús quixye cuiꞌchic reheb: —Tojomak biꞌ re li Acuabej li cꞌaꞌru re li Acuabej, ut tojomak re li Dios li cꞌaꞌru re li Dios, chan.

Levítico 6:4

Cui junak nama̱cob riqꞌuin xba̱nunquil li ma̱c aꞌin, tento nak tixqꞌue re̱kaj li quirelkꞌa, malaj ut tixkꞌaxtesi li quixcꞌu̱la junxil, malaj ut tixkꞌaxtesi li quixxoc chi tzꞌektzꞌo li incꞌaꞌ quixcꞌut.

Éxodo 22:4

Ut cui teꞌxtau li xul chi yoꞌyo riqꞌuin, li ac xrelkꞌa usta bo̱yx, malaj ut bu̱r, malaj ut carner, tento tixqꞌue re̱kaj cuib sut xqꞌuial chiru li ac xrelkꞌa.

2 Corintios 12:14

Anakcuan ac xincauresi cuib re nak tinxic e̱riqꞌuin saꞌ rox sut. Abanan incꞌaꞌ texinchꞌiꞌchꞌiꞌi riqꞌuin cꞌaꞌru cue. Ma̱cuaꞌ li cꞌaꞌru e̱re ninra. La̱ex ban li nequexinra. Ma̱cuaꞌeb li cocꞌal li nequeꞌchꞌolanin re li yucuaꞌbej. Aꞌ li yucuaꞌbej, aꞌan li nachꞌolanin reheb li ralal xcꞌajol.

1 Samuel 2:35

La̱in tinsicꞌ ru jun chic li ta̱cꞌanjelak chicuu chokꞌ aj tij. Aꞌan tixba̱nu lix cꞌanjel chi cha̱bil joꞌ nacuaj la̱in. La̱in tinqꞌue ralal xcꞌajol re nak junelic teꞌcꞌanjelak chokꞌ aj tij ut re ajcuiꞌ nak teꞌcꞌanjelak chiru li rey li tinsicꞌ ru la̱in.

1 Samuel 12:4

Ut eb li tenamit queꞌxye re: —Incꞌaꞌ xaba̱nu li incꞌaꞌ us. Incꞌaꞌ xat-elkꞌac chiku chi moco xoa̱rahobtesi, chanqueb.

Proverbios 15:27

Li ani naxrahi ru chixjunil naxqꞌue saꞌ raylal lix jun cablal. Abanan li ani incꞌaꞌ naxcꞌu̱luban nak ta̱tumina̱k ru, aꞌan sa ta̱cua̱nk.

Levítico 6:5

Tixkꞌaxtesi chixjunil li joꞌ qꞌuial quixcꞌul riqꞌuin balakꞌi̱nc ut tixtoj ajcuiꞌ ral li tumin. Tixtoj ju̱nk may ral li ju̱nk ciento re chixjunil li quirelkꞌa. Tixkꞌaxtesi chixjunil li cꞌaꞌak re ru aꞌin saꞌ li cutan nak ta̱mayejak chiru li Dios re xtojbal rix li ma̱c li quixba̱nu.

1 Samuel 24:7

Ut laj David quixkꞌuseb chi cau lix soldados re nak ma̱cꞌaꞌ teꞌxba̱nu re laj Saúl. Joꞌcan nak laj Saúl qui-el saꞌ li ochoch pec ut qui-oc cuiꞌchic chi xic.

1 Samuel 24:11

At inrey, il li tꞌicr li cuan saꞌ cuukꞌ. Aꞌan jun peda̱s la̱ cuakꞌ li xinset nak cuancat saꞌ li ochoch pec re xcꞌutbal cha̱cuu nak xru raj xatincamsi. Joꞌcan nak ta̱qꞌue retal nak la̱in incꞌaꞌ tinba̱nu raylal a̱cue. Chi moco tatintzꞌekta̱na. La̱at ban ta̱cuaj incamsinquil.

1 Samuel 26:9

Abanan laj David quixye re: —Ma̱camsi aꞌan. ¿Cꞌaꞌut nak ta̱camsi li rey li quisiqꞌueꞌ ru xban li Ka̱cuaꞌ? Cuan a̱ma̱c cui ta̱camsi aꞌan, chan.

1 Samuel 26:11

Li Ka̱cuaꞌ Dios taxak chitenkꞌa̱nk cue re nak incꞌaꞌ tinba̱nu raylal re li sicꞌbil ru xban li Dios. Anakcuan takacꞌam chikix lix la̱ns li cuan saꞌ xjolom ut takacꞌam ajcuiꞌ lix su li cuan haꞌ chi saꞌ, chan laj David.

2 Samuel 22:22

La̱in xinba̱nu li cꞌaꞌru naxye saꞌ lix chakꞌrab. Ut incꞌaꞌ xintzꞌekta̱na li Ka̱cuaꞌ.

Nehemías 5:11

Ut nintzꞌa̱ma ajcuiꞌ che̱ru nak anakcuan ajcuiꞌ te̱kꞌaxtesi cuiꞌchic reheb lix chꞌochꞌeb, li racui̱mkeb uvas ut olivos, joꞌ ajcuiꞌ li rochocheb. Ut te̱kꞌaxtesi ajcuiꞌ reheb li ral li tumin li ac xecꞌul joꞌ ajcuiꞌ li trigo, li aceite ut li uvas li ac xecꞌul.—

Salmos 15:5

Nequeꞌxqꞌue lix tumineb chi toꞌ ut incꞌaꞌ nequeꞌxpatzꞌ ral. Ut incꞌaꞌ nequeꞌxsume ticꞌtiꞌic chirixeb li ras ri̱tzꞌin usta nayechiꞌi̱c xtumineb. Eb li nequeꞌxba̱nu li usilal aꞌin incꞌaꞌ nachꞌinan xchꞌo̱leb riqꞌuin li Dios.