1 Samuel 12:25 - Li Santil hu

²⁵ Abanan cui yal yo̱kex chixba̱nunquil li incꞌaꞌ us, ta̱sachekꞌ e̱ru ut ta̱sachekꞌ ajcuiꞌ ru le̱ rey, chan laj Samuel.

Q'eqchi Bible

²⁵ Ab'anan wi teeb'aanu li ink'a' us, texkamq laa'ex jo'wi' li na'awab'ejink sa' eeb'een”.

1 Samuel 12:25 ပူးပေါင်းရင်းမြစ်များ

Josué 24:20

Cui la̱ex te̱tzꞌekta̱na li Ka̱cuaꞌ ut te̱lokꞌoni li yi̱banbil dios, li Ka̱cuaꞌ ta̱qꞌuehok e̱re chixtojbal rix le̱ ma̱c ut tixsach e̱ru usta ac xexrosobtesi, chan laj Josué.

Oseas 10:3

Anakcuan ma̱cꞌaꞌ karey, chanqueb li tenamit, xban nak incꞌaꞌ xkaxucua ru li Ka̱cuaꞌ. Ut ¿cꞌaꞌ ta cuiꞌ ru tixba̱nu li rey kiqꞌuin? chanqueb.

Isaías 3:11

Abanan eb li incꞌaꞌ useb xnaꞌleb ra teꞌxcꞌul xban nak eb aꞌan teꞌxcꞌul lix kꞌajca̱munquil aꞌ yal chanru lix yehom xba̱nuhomeb.

Deuteronomio 28:36

Li Ka̱cuaꞌ texqꞌue chi cꞌamecꞌ la̱ex joꞌ ajcuiꞌ le̱ rey saꞌ jalan tenamit li incꞌaꞌ nequenau ru, chi moco le̱ xeꞌto̱nil yucuaꞌ queꞌxnau ru. Ut aran te̱lokꞌoni li jalanil dios li yi̱banbileb riqꞌuin cheꞌ ut riqꞌuin pec.

1 Samuel 13:1

Ac cuan xchihab laj Saúl nak quixtiquib takla̱nc saꞌ xbe̱neb laj Israel. Nak ac cuan cuib chihab roquic chokꞌ rey aran Israel,

Isaías 1:20

Abanan cui nequekꞌet li cua̱tin li yo̱quin chixyebal e̱re, camsinbil nak tex-osokꞌ. Ma̱cꞌaꞌ chic xjalenquil. La̱in li Ka̱cuaꞌ li xinyehoc e̱re aꞌin, chan li Dios.

Deuteronomio 8:19

Abanan cui la̱ex ta̱sachk saꞌ e̱chꞌo̱l li Ka̱cuaꞌ le̱ Dios ut cui te̱cuikꞌib e̱rib chiruheb li jalanil dios re xlokꞌoninquileb, la̱in ninye e̱re nak relic chi ya̱l ta̱sachekꞌ e̱ru.

Josué 23:16

Cui incꞌaꞌ te̱ba̱nu li naxye saꞌ li contrato li quixba̱nu li Dios e̱riqꞌuin, malaj ut cui te̱lokꞌoni li jalanil dios ut texcꞌanjelak chiruheb, ta̱cha̱lk xjoskꞌil li Dios saꞌ e̱be̱n, ut saꞌ junpa̱t tex-isi̱k saꞌ li cha̱bil naꞌajej aꞌin li quixqꞌue e̱re li Dios, chan laj Josué.

Li xHu LAJ JOB 36:12

Abanan, cui eb aꞌan incꞌaꞌ nequeꞌxba̱nu li cꞌaꞌru naxye li Dios, teꞌosokꞌ. Teꞌca̱mk chi incꞌaꞌ teꞌxqꞌue retal cꞌaꞌru naraj li Dios.