1 Samuel 12:23 - Li Santil hu

²³ La̱in incꞌaꞌ nacuaj ma̱cobc chiru li Ka̱cuaꞌ Dios riqꞌuin xcanabanquil tijoc che̱rix. Nacuaj xqꞌuebal e̱naꞌleb ut nacuaj ajcuiꞌ xcꞌutbal che̱ru cꞌaꞌru li us xba̱nunquil re nak cha̱bilakex ut texcua̱nk saꞌ ti̱quilal.

Q'eqchi Bible

²³ Li Yos chitenq'anq taxaq we re naq ink'a' tinmaakob'q rik'in xkanab'ankil tijok cherix laa'ex. Ninye li waatin naq tink'ut cheru li b'e jwal chaab'il ut tiik.

1 Samuel 12:23 ပူးပေါင်းရင်းမြစ်များ

Colosenses 1:9

Ut chalen nak quikabi resil nak xexpa̱ban, joꞌcan nak junelic nocotijoc che̱rix. Nakatzꞌa̱ma chiru li Dios nak tixcꞌut che̱ru cꞌaꞌru naraj te̱ba̱nu. Ut nakatzꞌa̱ma ajcuiꞌ chiru li Dios nak li Santil Musikꞌej tixqꞌue e̱naꞌleb chixtaubal ru lix ya̱lal.

Romanos 1:9

Nincꞌanjelac chiru li Dios ut chi anchal inchꞌo̱l ninye resil li Ka̱cuaꞌ Jesucristo li Ralal li Dios. Li Dios naxnau nak junelic yo̱quin chi tijoc che̱rix.

2 Timoteo 1:3

Junelic ninbantioxi chiru li Dios nak nacatinjultica saꞌ lin tij chi kꞌek chi cutan. Ut ma̱cꞌaꞌ nachꞌiꞌchꞌiꞌin cue saꞌ li cua̱m nak nincꞌanjelac chiru li Dios joꞌ queꞌxba̱nu lin xeꞌto̱nil yucuaꞌ.

1 Ts 3:10

Chi kꞌek chi cutan nakatzꞌa̱ma chiru li Dios nak takil cuiꞌchic e̱ru re nak takaqꞌue xcacuilal e̱chꞌo̱l saꞌ le̱ pa̱ba̱l.

1 Reyes 8:36

La̱at, at Ka̱cuaꞌ, toj saꞌ choxa ta̱cuabi lix tijeb ut ta̱cuyeb xma̱queb laj Israel li nequeꞌcꞌanjelac cha̱cuu. Ta̱cꞌut chiruheb chanru nak teꞌcua̱nk saꞌ xya̱lal ut ta̱takla cuiꞌchic li hab saꞌ xbe̱n li chꞌochꞌ li caqꞌue reheb la̱ tenamit.

Hechos 12:5

Joꞌcan nak laj Pedro ilbil chi us xbaneb li soldado re nak incꞌaꞌ ta̱e̱lelik. Abanan eb laj pa̱banel cau yo̱queb chi tijoc chirix.

Salmos 34:11

Quimkex, ex cualal incꞌajol, ut cherabihak li oc cue chixyebal e̱re. Tincꞌut che̱ru chanru xlokꞌoninquil li Ka̱cuaꞌ.

Jeremías 6:16

Li Ka̱cuaꞌ quixye reheb lix tenamit: —Xaklinkex saꞌ xa̱la be ut qꞌuehomak retal. Patzꞌomak bar cuan li be re najter ut bar cuan li cha̱bil be. Texxic saꞌ li cha̱bil be ut te̱tau li tuktu̱quil usilal, chan li Dios. Abanan eb aꞌan queꞌxye: —Incꞌaꞌ nakaj xsicꞌbal li be aꞌan, chanqueb.

2 Crónicas 6:27

Toj saꞌ choxa ta̱cuabi li teꞌxtzꞌa̱ma cha̱cuu ut ta̱cuy ta̱sach lix ma̱queb la̱ tenamit Israel. Ut ta̱cꞌut ajcuiꞌ chiruheb chanru nak teꞌcua̱nk saꞌ ti̱quilal cha̱cuu. Ut la̱at ta̱qꞌue cuiꞌchic li hab saꞌ xbe̱n li chꞌochꞌ li caqꞌue chokꞌ reheb la̱ tenamit.

Colosenses 1:28

Aꞌ li Cristo, aꞌan li nakachꞌolob xya̱lal. Nakaqꞌue xnaꞌlebeb chixjunil ut nakacꞌut xya̱lal chiruheb chi anchal li kachꞌo̱l ut chi anchal li kacꞌaꞌux re nak tzꞌakalak ru lix pa̱ba̱leb saꞌ xcꞌabaꞌ li Jesucristo.

Hechos 20:20

La̱in xinchꞌolob chi tzꞌakal lix ya̱lal che̱ru. Ma̱cꞌaꞌ xinmuk che̱ru. Quinchꞌolob ban xya̱lal chiruheb li tenamit joꞌ ajcuiꞌ saꞌ eb li cab.

Eclesiastés 12:10

Quinqꞌue inchꞌo̱l chixsicꞌbal ruheb li a̱tin re nak tintzꞌi̱ba li naꞌleb aꞌin chi tzꞌakal re ru riqꞌuin cha̱bil a̱tin.

Proverbios 4:11

La̱in yo̱quin chixyebal e̱re li cha̱bil naꞌleb. Ut yo̱quin chixcꞌutbal li cha̱bil be che̱ru.

1 Corintios 9:16

La̱in incꞌaꞌ ninnimobresi cuib xban nak ninchꞌolob xya̱lal li colba-ib. Taklanbilin chi cꞌanjelac xban li Dios. Kꞌaxal ra raj chokꞌ cue cui ta incꞌaꞌ ninjultica resil.

Éxodo 32:30

Joꞌ cuulajak chic laj Moisés quixye reheb li tenamit: —La̱ex xexma̱cob. Anakcuan tintakekꞌ saꞌ li tzu̱l bar cuan cuiꞌ li Ka̱cuaꞌ Dios. Tintzꞌa̱ma chak e̱cuybal chiru li Dios ut ma̱re ta̱cuyekꞌ e̱ma̱c, chan.

1 Samuel 12:19

Ut queꞌxye re laj Samuel: —Chattijok chikix la̱o aj cꞌanjel cha̱cuu. Tzꞌa̱ma chiru li Dios nak incꞌaꞌ toxcanab chi ca̱mc xban nak ma̱c xkaba̱nu nak xkapatzꞌ karey, chanqueb.

Jeremías 15:1

Tojoꞌnak li Ka̱cuaꞌ quixye cue: —Usta laj Moisés ut laj Samuel teꞌcha̱lk chi a̱tinac cuiqꞌuin chirix li tenamit aꞌin, abanan la̱in incꞌaꞌ tincuil xtokꞌoba̱l ruheb. Xicakeb. Isiheb chicuu.

Jeremías 27:18

Cui relic chi ya̱l nak profeteb aꞌan, ut cui ya̱l nak li Ka̱cuaꞌ quia̱tinac riqꞌuineb, xeꞌxtzꞌa̱ma raj chiru li nimajcual Dios nak incꞌaꞌ ta̱isi̱k saꞌ li templo li cꞌaꞌak re ru, chi moco ta̱isi̱k saꞌ li rochoch li rey. Ta̱cana̱k ban saꞌ xnaꞌajeb li cꞌaꞌak re ru li nacꞌanjelac.

Jeremías 42:4

Ut laj Jeremías quixye reheb: —La̱in xcuabi li cꞌaꞌru xeye. Tintijok chiru li Ka̱cuaꞌ li kaDios joꞌ xetzꞌa̱ma chicuu. Ut la̱in tinye e̱re li cꞌaꞌru tinixsume cuiꞌ. Tinye e̱re chixjunil ut ma̱cꞌaꞌ tinmuk che̱ru, chan.

1 Samuel 8:6

Ut laj Samuel incꞌaꞌ quicuulac chiru nak queꞌxtzꞌa̱ma xreyeb. Joꞌcan nak quitijoc chiru li Ka̱cuaꞌ.

Salmos 34:12

¿Ma te̱raj nak najtak rok le̱ yuꞌam saꞌ ruchichꞌochꞌ? Ut, ¿ma te̱raj nak sa cua̱nkex?

Salmos 122:6

Chextzꞌa̱ma̱nk chiru li Dios re nak ta̱cua̱nk li tuktu̱quil usilal saꞌ le̱ tenamit Jerusalén. Ut us taxak cheꞌe̱lk eb li nequeꞌrahoc re le̱ tenamit.

Isaías 30:21

Cui la̱ex te̱raj xba̱nunquil li incꞌaꞌ us, te̱rabi nak li Ka̱cuaꞌ ta̱a̱tinak chak che̱rix ut tixye e̱re: —Me̱ba̱nu li incꞌaꞌ us. Ba̱nuhomak ban li ti̱quilal, chaꞌak e̱re.