1 Samuel 12:21 - Li Santil hu

²¹ Me̱lokꞌoni chic li jalanil dios. Eb aꞌan incꞌaꞌ naru nequextenkꞌa chi moco naru nequexcol xban nak eb aꞌan ma̱cꞌaꞌ nequeꞌoc cuiꞌ.

Q'eqchi Bible

²¹ Mexxik chirixeb' li maawa'eb' yos. Eb' a'an ink'a' neke'kolok ut maak'a' neke'ok wi', xb'aan naq yal k'oxlanb'ileb' yos.

1 Samuel 12:21 ပူးပေါင်းရင်းမြစ်များ

Habacuc 2:18

¿Cꞌaꞌru ta̱oc cuiꞌ e̱re li pechꞌbil dios li nequeyi̱b la̱ex riqꞌuin le̱ rukꞌ? ¿Ma cuan ta biꞌ xcuanquil li dios yi̱banbil riqꞌuin chꞌi̱chꞌ? Yal nequebalakꞌi e̱rib riqꞌuineb. Li yi̱banbil dios incꞌaꞌ nequeꞌa̱tinac. ¿Chan ta cuiꞌ ru nak cauhak e̱chꞌo̱l riqꞌuin li cꞌaꞌru yal te̱yi̱b riqꞌuin e̱rukꞌ?

Jeremías 16:19

Laj Jeremías quixye: —At Ka̱cuaꞌ la̱at nacatqꞌuehoc incacuilal ut la̱at nacatqꞌuehoc inmetzꞌe̱u. A̱cuiqꞌuin nincol cuib nak cuanquin saꞌ raylal. Eb li najtil tenamit teꞌcha̱lk a̱cuiqꞌuin ut teꞌxye, “Relic chi ya̱l nak li yi̱banbil dios li xeꞌxlokꞌoni chak li kaxeꞌto̱nil yucuaꞌ moco ya̱l ta. Ma̱cꞌaꞌ nequeꞌoc cuiꞌ.

Jeremías 10:15

Ma̱cꞌaꞌ nequeꞌoc cuiꞌ li yi̱banbil dios. Xcꞌulubeb nak teꞌtzꞌekekꞌ. Ta̱cuulak xkꞌehil nak teꞌsachekꞌ ruheb nak li Ka̱cuaꞌ ta̱cha̱lk chi rakoc a̱tin.

Jeremías 14:22

¿Ma cuan ta biꞌ junak li yi̱banbil dios saꞌ li xni̱nkal ru tenamit ta̱ru̱k tixtakla chak li hab? ¿Ma naru ta biꞌ ta̱cha̱lk li hab saꞌ choxa yal xjunes? ¿Ma ma̱cuaꞌ ta biꞌ la̱at, at Ka̱cuaꞌ, nacatqꞌuehoc re? Joꞌcan nak caꞌaj cuiꞌ a̱cuiqꞌuin noco-oybenin xban nak la̱at nacatqꞌuehoc re chixjunil li cꞌaꞌak re ru aꞌin, chan laj Jeremías.

Deuteronomio 11:16

Joꞌcan nak cheba̱nuhak cue̱nt re nak incꞌaꞌ te̱qꞌue e̱rib chi balakꞌic. Ut incꞌaꞌ te̱canab xlokꞌoninquil li Ka̱cuaꞌ xban xlokꞌoninquil li jalanil dios chi moco te̱cuikꞌib e̱rib chiruheb.

1 Corintios 8:4

Anakcuan tina̱tinak chirix li tzacae̱mk mayejanbil chiruheb li yi̱banbil dios. La̱o nakanau nak li yi̱banbil dios ma̱cꞌaꞌ nequeꞌoc cuiꞌ xban nak moco dioseb ta. Nakanau nak jun ajcuiꞌ li Dios cuan.

Jonás 2:8

Li cauheb xchꞌo̱l riqꞌuin li jalanil dios, nequeꞌxtzꞌekta̱na la̱ cuuxta̱n la̱at, li tzꞌakal Dios.

Jeremías 2:13

Cuib li ma̱c queꞌxba̱nu lin tenamit. Quineꞌxtzꞌekta̱na la̱in li Dios, li chanchanin li yuꞌam haꞌ li incꞌaꞌ na-osoꞌ xban nak ninqꞌue xyuꞌameb. Chanchan nak queꞌxbec xjulel li haꞌ, li incꞌaꞌ natꞌil haꞌ chi saꞌ, nak queꞌxlokꞌoni li jalanil dios.

Isaías 46:7

Nequeꞌxpako saꞌ xbe̱n xtel ut nequeꞌxxakab saꞌ xnaꞌaj. Incꞌaꞌ naru ta̱e̱lk saꞌ li naꞌajej aꞌan. Usta li cristian teꞌxjap reheb chixtzꞌa̱manquil xtenkꞌanquil, abanan lix dios incꞌaꞌ tixsume. Lix dioseb incꞌaꞌ naru tixcoleb chiru li raylal li cuanqueb cuiꞌ.

Isaías 45:20

Li Ka̱cuaꞌ quixye: —Chꞌutubomak e̱rib ex tenamit. Quimkex che̱junilex li joꞌ qꞌuialex incꞌaꞌ xsacheꞌ e̱ru. La̱ex nequepako li yi̱banbil dios saꞌ be. Ma̱cꞌaꞌ e̱naꞌleb. Nequextijoc chiru li dios cheꞌ li incꞌaꞌ naru nequexcol.

Jeremías 10:8

Eb li nequeꞌlokꞌonin re li dios cheꞌ to̱nteb ut ma̱cꞌaꞌ nequeꞌoc cuiꞌ xban nak nequeꞌxpatzꞌ xnaꞌleb riqꞌuineb li yi̱banbil dios.

Jeremías 2:5

Li Ka̱cuaꞌ naxye chi joꞌcaꞌin: —¿Ma cuan ta biꞌ cꞌaꞌak re ru incꞌaꞌ us xinba̱nu nak xineꞌxtzꞌekta̱na le̱ xeꞌto̱nil yucuaꞌ? Eb aꞌan queꞌxlokꞌoniheb li yi̱banbil dios li ma̱cꞌaꞌ nequeꞌoc cuiꞌ. Joꞌcan nak ma̱cꞌaꞌ ajcuiꞌ nequeꞌoc cuiꞌ le̱ xeꞌto̱nil yucuaꞌ.

Isaías 41:29

Qꞌuehomak retal. Ma̱cꞌaꞌ naru nequeꞌxba̱nu eb aꞌan. Ma̱cꞌaꞌ nequeꞌoc cuiꞌ. Ut eb li jalam u̱ch li nequeꞌxyi̱b ma̱cꞌaꞌ nequeꞌoc cuiꞌ. Chanchaneb li ikꞌ li naxic yalak bar, chan.

Deuteronomio 32:21

Queꞌxchikꞌ injoskꞌil riqꞌuin xlokꞌoninquil jalanil dios. Queꞌxqꞌue injoskꞌil riqꞌuin xlokꞌoninquil li ma̱cuaꞌ Dios. Joꞌcan ajcuiꞌ tinba̱nu reheb. La̱in tinchikꞌ xjoskꞌileb riqꞌuin jalan tenamit. Tinqꞌueheb xjoskꞌileb xban jun tenamit incꞌaꞌ nequeꞌraj xtaubal xya̱lal.

Hechos 14:15

—Ex tenamit, ¿cꞌaꞌut nak nequeba̱nu chi joꞌcan? La̱o yal cui̱nko joꞌ la̱ex. Juntakꞌe̱to e̱riqꞌuin. Aꞌan aj e nak xochal arin saꞌ e̱ya̱nk chixyebal e̱re nak te̱canab li joꞌ ma̱joꞌil naꞌleb. Sicꞌomak ban li yoꞌyo̱quil Dios li quiyi̱ban re li choxa, li ruchichꞌochꞌ, li palau ut chixjunil li cꞌaꞌru cuan.

Deuteronomio 30:17

Abanan cui te̱jal e̱cꞌaꞌux ut incꞌaꞌ te̱ba̱nu li cꞌaꞌru naxye li Ka̱cuaꞌ, ut cui nequetiquib xpa̱banquil li jalanil dios ut nequecuikꞌib e̱rib chiru chixlokꞌoninquil,

2 Reyes 17:15

Queꞌxtzꞌekta̱na ban li chakꞌrab li quixqꞌue li Dios ut queꞌxtzꞌekta̱na ajcuiꞌ li contrato li quixba̱nu li Dios riqꞌuineb lix xeꞌto̱nil xyucuaꞌeb. Queꞌxkꞌet li ra̱tin li Dios ut queꞌxlokꞌoniheb li yi̱banbil dios li ma̱cꞌaꞌ na-oc cuiꞌ. Joꞌcan nak eb aꞌan queꞌcana chi ma̱cꞌaꞌ nequeꞌoc cuiꞌ xban nak queꞌxba̱nu joꞌ nequeꞌxba̱nu li jalan tenamit li cuanqueb chi nachꞌ riqꞌuineb, usta li Dios quixye nak incꞌaꞌ teꞌxba̱nu.

Jonás 2:9

Abanan la̱in tinqꞌue a̱lokꞌal ut tinmayejak cha̱cuu. Tinba̱nu li cꞌaꞌru quinyechiꞌi a̱cue. Li colba-ib junes a̱cuiqꞌuin la̱at nachal chak, at Ka̱cuaꞌ, chan laj Jonás.