1 Samuel 12:2 - Li Santil hu

² Anakcuan cuan le̱ rey chi cꞌamoc be che̱ru. La̱in ac ti̱xin chic. Sak chic injolom. Eb li cualal cuanqueb arin e̱riqꞌuin. La̱in xincꞌamoc be che̱ru chalen saꞌ insa̱jilal toj anakcuan.

Q'eqchi Bible

² Chalen anaqwan a' chik li awab'ej taak'amoq eeb'e. Laa'in ak tiixin chik, saq chik linjolom ut eb' li walal wankeb' sa' eeyanq. Laa'in xink'amok eeb'e chalen sa' linsaajilal toj anaqwan,

1 Samuel 12:2 ပူးပေါင်းရင်းမြစ်များ

1 Samuel 8:5

Ut queꞌxye re: —La̱at ac ti̱xat chic ut eb la̱ cualal incꞌaꞌ nequeꞌxba̱nu li us joꞌ nacaba̱nu la̱at. Joꞌcan nak nakatzꞌa̱ma cha̱cuu nak ta̱xakab junak karey re nak aꞌan chic ta̱takla̱nk saꞌ kabe̱n joꞌ na-uxman saꞌ eb li xni̱nkal ru tenamit, chanqueb.

1 Samuel 8:20

La̱o takaj junak karey re nak aꞌan chic ta̱takla̱nk saꞌ kabe̱n joꞌ na-uxman saꞌ eb li xni̱nkal ru tenamit. Aꞌan ta̱cꞌamok be chiku nak toxic chi pletic riqꞌuineb li xicꞌ nequeꞌiloc ke, chanqueb.

1 Samuel 8:1

Nak ac xti̱x laj Samuel, quixxakabeb li ralal chi rakoc a̱tin saꞌ xbe̱neb li tenamit Israel.

1 Samuel 8:3

Abanan eb li alalbej incꞌaꞌ queꞌrakoc a̱tin saꞌ xya̱lal joꞌ quixba̱nu li yucuaꞌbej. Yo̱queb chixrahinquil ru li tumin. Nequeꞌtumina̱c ru. Ut incꞌaꞌ nequeꞌrakoc a̱tin saꞌ ti̱quilal.

Números 27:17

Li cui̱nk aꞌan ta̱xic chi ubej chi cꞌamoc be chiruheb nak teꞌxic yalak bar. Incꞌaꞌ taxak teꞌcana̱k la̱ tenamit joꞌ eb li carner li ma̱cꞌaꞌ aj ilol reheb, chan laj Moisés.

2 Pedro 1:14

Li Ka̱cuaꞌ Jesucristo quixcꞌutbesi chicuu nak chi se̱b ta̱cuulak xkꞌehil lin camic.

2 Timoteo 4:6

Ut la̱in, saꞌ xcꞌabaꞌ li Ka̱cuaꞌ ta̱osokꞌ lin yuꞌam joꞌ jun li mayej chiru. Yo̱ chi cuulac xkꞌehil nak tincamsi̱k.

Salmos 71:18

At inDios, mina̱canab injunes anakcuan nak ac ti̱xin chic ut sak chic injolom xban nak tento tinye resil la̱ cuanquilal reheb li tenamit aꞌin ut reheb li alal cꞌajolbej li teꞌyoꞌla̱k mokon.

1 Samuel 3:16

Joꞌcan nak laj Elí quixbok laj Samuel ut quixye re: —At Samuel.— Ut laj Samuel quixye: —Cueꞌquin, chan.

1 Samuel 3:13

Ac xinye nak tinrakok a̱tin saꞌ xbe̱neb li ralal xcꞌajol laj Elí. Tinsach ruheb chi junaj cua xban lix ma̱usilaleb. Laj Elí naxnau nak ac xnumta xyibal ru xnaꞌlebeb li ralal ut incꞌaꞌ naxkꞌuseb.

1 Samuel 2:29

¿Cꞌaꞌut nak nacamux ru li mayej li xinye reheb li tenamit nak teꞌxmayeja chicuu chiru li tabernáculo? ¿Cꞌaꞌut nak kꞌaxal nacaqꞌue xlokꞌaleb la̱ cualal chicuu la̱in? ¿Cꞌaꞌut nak yo̱queb chi ni̱nka̱nc riqꞌuin lix cha̱bilal li tib li nequeꞌxmayeja chicuu lin tenamit Israel? chan li Ka̱cuaꞌ.”

1 Samuel 2:22

Ac ti̱x chic chi us laj Elí ut yo̱ chirabinquil resil li incꞌaꞌ us nequeꞌxba̱nu eb li ralal riqꞌuineb chixjunileb laj Israel. Quirabi ajcuiꞌ resil nak nequeꞌcuar riqꞌuineb li ixk li nequeꞌtrabajic chire li oqueba̱l re li tabernáculo li nequeꞌxlokꞌoni cuiꞌ li Ka̱cuaꞌ.

1 Samuel 3:10

Quicuulac li Ka̱cuaꞌ riqꞌuin laj Samuel ut quixbok cuiꞌchic joꞌ quixba̱nu xbe̱n sut ut quixye re: —At Samuel, at Samuel, chan li Ka̱cuaꞌ. Laj Samuel quichakꞌoc ut quixye re: —La̱in aj cꞌanjel cha̱cuu, at Ka̱cuaꞌ. Ye cue cꞌaꞌru ta̱cuaj, chan.

Josué 23:1

Li Ka̱cuaꞌ quixqꞌueheb laj Israel chixnumsinquil nabal chihab chi saheb saꞌ xchꞌo̱leb chi ma̱cꞌaꞌ chic ple̱t riqꞌuineb li xicꞌ nequeꞌiloc reheb. Laj Josué ac ti̱x chic chi us.

Josué 23:2

Joꞌcan nak laj Josué quixtakla xbokbaleb laj Israel ut eb li nequeꞌcꞌamoc be chiruheb, ut eb li nequeꞌtaklan saꞌ xbe̱neb, joꞌ eb ajcuiꞌ laj rakol a̱tin ut li cuanqueb xcuanquil. Ut quixye reheb: —La̱in xinti̱x. Incꞌaꞌ chic nincuy.