1 Samuel 12:18 - Li Santil hu

¹⁸ Ut laj Samuel quixtzꞌa̱ma chiru li Dios nak tixtakla li hab. Ut saꞌ ajcuiꞌ li ho̱nal aꞌan li Dios quixtakla li ca̱k ut li hab. Ut cꞌajoꞌ nak queꞌxxucua ru li Dios ut queꞌxxucua ajcuiꞌ ru laj Samuel.

Q'eqchi Bible

¹⁸ Tikto laj Samuel kixyaab'a xk'ab'a' li Qaawa' ut A'an kixk'e chaq li kaaq ut li hab' sa' li kutan a'an. Ut chixjunil li tenamit k'ajo' naq ke'ok xxiw chiru li Qaawa' ut chiru laj Samuel:

1 Samuel 12:18 ပူးပေါင်းရင်းမြစ်များ

Éxodo 14:31

Ut eb laj Israel queꞌxxucua ru ut queꞌxlokꞌoni li Ka̱cuaꞌ Dios nak queꞌril li quixba̱nu reheb laj Egipto. Queꞌxpa̱b li Dios ut queꞌabin chiru laj Moisés xban nak aꞌan aj cꞌanjel chiru li Dios.

Esdras 10:9

Joꞌcan nak chiru li oxib cutan chixjunileb li cui̱nk xcomoneb laj Judá ut laj Benjamín queꞌxchꞌutub ribeb aran Jerusalén saꞌ li junmay xbe li xbele po re li chihab aꞌan. Ut chixjunileb queꞌcꞌojla saꞌ li neba̱l re lix templo li Dios. Nequeꞌsicsot xbaneb xxiu riqꞌuin li ta̱cꞌulma̱nk ut xban ajcuiꞌ li cacuil hab li quichal saꞌ xbe̱neb.

Li xHu LAJ JOB 37:13

Cuan nak li Dios naxtakla chak li hab ut li ikꞌ re xtꞌakresinquil li ruchichꞌochꞌ ut re xba̱nunquil usilal reheb li cuanqueb saꞌ ruchichꞌochꞌ. Ut cuan nak naxtakla chak li hab ut li ikꞌ re xkꞌusbaleb li tenamit.

Salmos 99:6

Laj Moisés ut laj Aarón queꞌcꞌanjelac chiru li Ka̱cuaꞌ chokꞌ aj tij. Ut laj Samuel quitijoc chiru. Eb aꞌan queꞌxtzꞌa̱ma xtenkꞌanquil chiru li Ka̱cuaꞌ ut aꞌan quixsume lix tijeb.

Josué 4:14

Saꞌ li cutan aꞌan laj Josué quiqꞌueheꞌ xlokꞌal xban li Dios re nak eb laj Israel teꞌx-oxlokꞌi joꞌ najtil ta̱cua̱nk saꞌ xya̱nkeb, joꞌ nak queꞌx-oxlokꞌi laj Moisés junxil.

Josué 10:12

Saꞌ li cutan nak li Ka̱cuaꞌ quixkꞌaxtesiheb laj amorreo saꞌ rukꞌeb laj Israel, laj Josué quia̱tinac riqꞌuin li Ka̱cuaꞌ chiruheb li tenamit ut quixye: —Chixakli̱k li sakꞌe saꞌ xbe̱n li naꞌajej Gabaón. Ut chixakli̱k li po saꞌ xbe̱n li ru takꞌa Ajalón, chan.

1 Reyes 18:42

Nak li rey Acab co̱ chi cuaꞌac chi ucꞌac, li profeta Elías quitakeꞌ saꞌ xbe̱n li tzu̱l Carmelo. Quicꞌojla aran ut quixxulub lix jolom saꞌ xya̱nk rok.