1 Samuel 12:10 - Li Santil hu

¹⁰ Nak ac cuanqueb chic saꞌ raylal, queꞌxtzꞌa̱ma xtenkꞌanquileb chiru li Dios ut queꞌxye, “La̱o xoma̱cob xban nak xatkatzꞌekta̱na ut xkalokꞌoniheb li yi̱banbil dios Baal ut Astarot. At Ka̱cuaꞌ, choa̱col taxak chiruheb li xicꞌ nequeꞌiloc ke ut tocꞌanjelak cha̱cuu,” chanqueb.

Q'eqchi Bible

¹⁰ Toja' naq ke'tijok chiru li Qaawa' ut ke'xye: «Xoomaakob'k xb'aan naq xqatz'eqtaana li Qaawa' ut xqaloq'oniheb' laj Bahal ut eb' lix Astarté. Choohaakol taxaq, at Qaawa', chiruheb' li xik' neke'ilok qe, ut took'anjelaq chawu», chankeb'.

1 Samuel 12:10 ပူးပေါင်းရင်းမြစ်များ

Jueces 10:10

Joꞌcan nak eb laj Israel queꞌxya̱ba cuiꞌchic xcꞌabaꞌ li Ka̱cuaꞌ ut queꞌxye: —At Ka̱cuaꞌ, at kaDios, la̱o xoma̱cob cha̱cuu xban nak xatkatzꞌekta̱na. Xoma̱cob cha̱cuu xban nak xkalokꞌoniheb li yi̱banbil dios Baal, chanqueb.

Jueces 2:13

Queꞌxtzꞌekta̱na li tzꞌakal Dios ut queꞌxlokꞌoniheb li yi̱banbil dios Baal, ut eb li yi̱banbil dios Astarot xcꞌabaꞌeb.

Jueces 3:9

Tojoꞌnak eb laj Israel queꞌxya̱ba xcꞌabaꞌ li Ka̱cuaꞌ. Ut li Ka̱cuaꞌ quixsicꞌ ru jun li cui̱nk re ta̱colok reheb chiruheb li xicꞌ nequeꞌiloc reheb. Li cui̱nk aꞌan, aꞌan laj Otoniel, li ralal laj Cenaz. Laj Cenaz, aꞌan li ri̱tzꞌin laj Caleb.

Jueces 3:7

Eb laj Israel queꞌxba̱nu li ma̱usilal chiru li Ka̱cuaꞌ. Queꞌxcanab xlokꞌoninquil li Ka̱cuaꞌ lix Dioseb. Aꞌ chic eb li yi̱banbil dios Baal ut eb li yi̱banbil dios Asera queꞌxlokꞌoni.

Isaías 33:22

Li Ka̱cuaꞌ Dios, aꞌan li ta̱rakok a̱tin saꞌ kabe̱n. Aꞌan ta̱qꞌuehok ke li chakꞌrab. Li Ka̱cuaꞌ, aꞌan li karey ut aꞌan ajcuiꞌ li ta̱colok ke.

Isaías 26:16

At Ka̱cuaꞌ, la̱at coa̱qꞌue chixtojbal li kama̱c ut cotijoc cha̱cuu. Nak yo̱co chixcꞌulbal li raylal, xkatzꞌa̱ma katenkꞌanquil a̱cue.

Salmos 106:44

Abanan, usta yo̱queb chixba̱nunquil li incꞌaꞌ us, li Dios quiril xtokꞌoba̱leb ru nak cuanqueb saꞌ raylal ut quirabi nak nequeꞌayaynac xban li raylal li yo̱queb chixcꞌulbal.

1 Samuel 7:2

Lix Lokꞌlaj Ca̱x li Ka̱cuaꞌ quicuan aran Quiriat-jearim junmay chihab. Ut chixjunileb laj Israel teꞌraj raj nak teꞌtenkꞌa̱k xban li Dios.

Jueces 6:7

Queꞌxya̱ba xcꞌabaꞌ li Ka̱cuaꞌ eb laj Israel xban li raylal li yo̱queb chixcꞌulbal saꞌ rukꞌeb laj Madián.

Jueces 4:3

Li rey Jabín cuan bele̱b ciento lix carruaje re pletic yi̱banbil riqꞌuin chꞌi̱chꞌ. Cꞌajoꞌ li raylal yo̱ chixba̱nunquil reheb laj Israel ut kꞌaxal cau quitaklan saꞌ xbe̱neb chiru junmay chihab. Xban li raylal li yo̱queb chixcꞌulbal, eb laj Israel queꞌxtzꞌa̱ma xtenkꞌanquil chiru li Ka̱cuaꞌ Dios.

Jueces 3:15

Ut eb laj Israel queꞌxya̱ba cuiꞌchic xcꞌabaꞌ li Ka̱cuaꞌ Dios. Ut li Ka̱cuaꞌ quixsicꞌ ru jun li cui̱nk re ta̱colok reheb chiruheb laj Moab. Li cui̱nk li quisiqꞌueꞌ ru, aꞌan laj Aod li ralal laj Gera ut xcomoneb li ralal xcꞌajol laj Benjamín. Laj Aod nacꞌanjelac riqꞌuin lix tzꞌe ukꞌ. Eb laj Israel queꞌxtakla laj Aod riqꞌuin laj Eglón lix reyeb laj Moab re tixqꞌue jun lix ma̱tan.

Josué 13:31

Yijach li naꞌajej Galaad quiqꞌueheꞌ reheb ut li nimla tenamit Astarot joꞌ ajcuiꞌ li nimla tenamit Edrei, li queꞌcuan rubel xcuanquil laj Og, lix reyeb laj Basán. Chixjunil li naꞌajej aꞌin quiqꞌueheꞌ reheb yijach li ralal xcꞌajol laj Maquir, li ralal laj Manasés, aꞌ yal chanru xqꞌuialeb li junju̱nk chꞌu̱tal.

Jueces 2:11

Ut queꞌxba̱nu li incꞌaꞌ us chiru li Ka̱cuaꞌ. Queꞌoc chixlokꞌoninquileb li yi̱banbil dios Baal.

1 Samuel 7:6

Ut queꞌxchꞌutub ribeb aran Mizpa. Queꞌrisi li haꞌ saꞌ li becbil haꞌ ut queꞌxhoy chiru li Ka̱cuaꞌ chokꞌ xmayejeb. Queꞌxba̱nu x-ayu̱n chiru li cutan aꞌan. Queꞌxxo̱to xma̱queb ut queꞌxye: —Xoma̱cob chiru li Ka̱cuaꞌ, chanqueb. Ut aran Mizpa laj Samuel quicana chokꞌ aj rakol a̱tin saꞌ xbe̱neb li ralal xcꞌajol laj Israel.