1 Samuel 11:15 - Li Santil hu

¹⁵ Chixjunileb li tenamit queꞌco̱eb Gilgal ut queꞌxxakab laj Saúl chokꞌ rey chiru li Ka̱cuaꞌ. Ut aran queꞌmayejac ut queꞌxqꞌue xmayejeb re xcꞌambaleb rib saꞌ usilal riqꞌuin li Ka̱cuaꞌ. Quisahoꞌ saꞌ xchꞌo̱l laj Saúl ut queꞌsahoꞌ ajcuiꞌ saꞌ xchꞌo̱leb chixjunileb li tenamit.

Q'eqchi Bible

¹⁵ Toja' naq chixjunil li tenamit koheb' Kilkal ut aran, chiru li Qaawa', ke'xxaqab' laj Saúl cho'q awab'ej ut ke'xyeechi'i mayej re k'amok ib' sa' usilal rik'in li Yos. K'ajo' naq ke'saho'k sa' xch'ool laj Saúl jo'wi' chixjunileb' laj Israel!

1 Samuel 11:15 ပူးပေါင်းရင်းမြစ်များ

1 Samuel 10:8

La̱at xbe̱n cua tatxic chicuu aran Gilgal. Aran tina̱cuoybeni cuukub cutan toj tincuulak. Ut tinmayeja li cꞌatbil xul ut tinmayejak ajcuiꞌ re xcꞌambal kib saꞌ usilal chiru li Dios. Toj aran tinye a̱cue cꞌaꞌru ta̱ba̱nu, chan laj Samuel.

1 Samuel 10:17

Mokon chic laj Samuel quixtakla xchꞌutubanquileb li tenamit chiru li Ka̱cuaꞌ aran Mizpa.

Santiago 4:16

Aꞌut la̱ex nequenimobresi e̱rib chixyebal li cꞌaꞌru nequecꞌoxla xba̱nunquil. Incꞌaꞌ us nequeba̱nu nak nequenimobresi e̱rib.

1 Samuel 12:17

Qꞌuehomak retal. ¿Ma ma̱cuaꞌ ta biꞌ anakcuan xkꞌehil li sicꞌoc trigo? Anakcuan ma̱cuaꞌ xkꞌehil li hab. Abanan la̱in tintzꞌa̱ma chiru li Dios nak tixqꞌue chak li ca̱k ut li hab re nak te̱qꞌue retal nak ma̱c xeba̱nu chiru li Dios nak xetzꞌa̱ma le̱ rey, chan laj Samuel.

1 Samuel 8:19

Abanan eb li tenamit incꞌaꞌ queꞌraj rabinquil li cꞌaꞌru quixye laj Samuel. Queꞌxye: —Incꞌaꞌ ta̱cꞌulma̱nk chi joꞌcan. La̱o takaj junak karey re ta̱takla̱nk saꞌ kabe̱n.

Éxodo 24:5

Laj Moisés quixtaklaheb li sa̱j cui̱nk aj Israel chi mayejac chiru li Dios. Queꞌxcamsi li bo̱yx ut queꞌxcꞌat chokꞌ xmayej chiru li Dios re xpatzꞌbal xcuybal xma̱queb.

1 Samuel 12:1

Tojoꞌnak laj Samuel quixye reheb li tenamit: —Qꞌuehomak retal. La̱in xinba̱nu chixjunil li xeye cue. Ut xinxakab le̱ rey.

2 Samuel 19:15

Quisukꞌi ut li rey David. Quicuulac cuan cuiꞌ li nimaꞌ Jordán. Eb li cuanqueb Judá queꞌco̱eb Gilgal re xcꞌulbal li rey ut re ajcuiꞌ nak teꞌxtenkꞌaheb chi numecꞌ jun pacꞌal li nimaꞌ.

1 Samuel 10:24

Laj Samuel quixye reheb li tenamit: —Aꞌan aꞌin li quixsicꞌ ru li Ka̱cuaꞌ. Ma̱ ani naru xjuntakꞌe̱tanquil riqꞌuin li cui̱nk aꞌin, chan. Ut eb li tenamit queꞌxjap re chi saheb saꞌ xchꞌo̱l ut queꞌxye: —Najt taxak chicua̱nk li karey, chanqueb.