1 Samuel 10:8 - Li Santil hu

⁸ La̱at xbe̱n cua tatxic chicuu aran Gilgal. Aran tina̱cuoybeni cuukub cutan toj tincuulak. Ut tinmayeja li cꞌatbil xul ut tinmayejak ajcuiꞌ re xcꞌambal kib saꞌ usilal chiru li Dios. Toj aran tinye a̱cue cꞌaꞌru ta̱ba̱nu, chan laj Samuel.

Q'eqchi Bible

⁸ Laa'at xb'enwa tatxik chiwu aran Kilkal, ut laa'in toxatintaw aran toj moqon, re xyeechi'inkil k'atb'il li mayej ut li k'a'aq re ru re k'amok ib' sa' usilal rik'in li Yos. Aran tinaawoyb'eni wuqub' kutan toj reetal tinwulaq wanqat wi' ut tinye aawe k'aru taab'aanu”.

1 Samuel 10:8 ပူးပေါင်းရင်းမြစ်များ

1 Samuel 13:4

Joꞌcan nak chixjunileb laj Israel queꞌrabi resil nak laj Saúl ac xeꞌxcamsi li jun chꞌu̱tal chi soldado li yo̱queb chi cꞌacꞌale̱nc aran Gabaa. Queꞌxnau nak xicꞌ nequeꞌileꞌ xbaneb laj filisteo. Ut chixjunileb queꞌco̱eb Gilgal re teꞌxchꞌutub ribeb riqꞌuin laj Saúl.

1 Samuel 15:33

Laj Samuel quixye re: —Riqꞌuin la̱ chꞌi̱chꞌ xacamsiheb li tenamit ut eb li naꞌbej queꞌcana chi ma̱cꞌaꞌeb chic xcocꞌal. Joꞌcan ajcuiꞌ la̱ naꞌ ta̱cana̱k chi ma̱cꞌaꞌ chic xcocꞌal, chan. Ut laj Samuel quixcamsi ut quixpedasi laj Agag chiru li Ka̱cuaꞌ aran Gilgal.

Levítico 3:9

Li mayej re xcꞌambal rib saꞌ usilal riqꞌuin li Ka̱cuaꞌ Dios, aꞌan jun cꞌatbil mayej. Tixqꞌue li xe̱b ut tixqꞌue lix ye chi jun. Tixyocꞌ toj saꞌ xto̱nal ut tixqꞌue ajcuiꞌ lix xe̱bul chixjunil li cꞌamcꞌot joꞌ ajcuiꞌ li cuan chi saꞌ.

Josué 4:19

Eb laj Israel queꞌnumeꞌ saꞌ li nimaꞌ Jordán saꞌ li laje̱b xbe li xbe̱n po re li chihab aꞌan. Ut queꞌxqꞌue lix muheba̱leb saꞌ li naꞌajej Gilgal saꞌ xbehil li tenamit Jericó.

2 Samuel 19:16

Ut laj Simei quixse̱ba rib chi xic chixcꞌulbal li rey David chirixeb laj Judá. Laj Simei, aꞌan ralal laj Gera. Bahurim xtenamit. Ut laj Gera, aꞌan xcomoneb li ralal xcꞌajol laj Benjamín.