1 Samuel 10:7 - Li Santil hu

⁷ Nak ta̱cꞌul li cꞌaꞌak re ru aꞌin, la̱at ta̱ba̱nu li cꞌaꞌru nacacuecꞌa nak us xba̱nunquil xban nak li Ka̱cuaꞌ cua̱nk a̱cuiqꞌuin.

Q'eqchi Bible

⁷ Naq akaq xtz'aqlok ru chixjunil a'in, b'aanu li k'aru nakaweek'a naq us xb'aanunkil, xb'aan naq li Yos wank aawik'in.

1 Samuel 10:7 ပူးပေါင်းရင်းမြစ်များ

Jueces 6:12

Quixcꞌutbesi rib lix ángel li Ka̱cuaꞌ chiru laj Gedeón ut quixye re: —At cui̱nk, li Ka̱cuaꞌ cuan a̱cuiqꞌuin. La̱at cau a̱chꞌo̱l ut cau a̱cuib, chan.

San Lucas 2:12

Joꞌcaꞌin nak te̱tau. Li cꞌulaꞌal lanbil saꞌ tꞌicr ut yocyo saꞌ xbe̱n li qꞌuim saꞌ xnaꞌaj xcuaheb li cuacax. Aꞌin li retalil nak aꞌan li te̱tau, chan li ángel.

Josué 1:5

Ma̱ ani ta̱ru̱k ta̱numta̱k saꞌ a̱be̱n joꞌ najtil yoꞌyo̱kat xban nak la̱in cua̱nkin a̱cuiqꞌuin cha̱tenkꞌanquil joꞌ nak quintenkꞌa laj Moisés. Incꞌaꞌ tatincanab a̱junes. Cua̱nkin ban a̱cuiqꞌuin junelic.

Hebreos 13:5

Me̱ra ru li tumin. Checꞌojobak ban e̱chꞌo̱l riqꞌuin li joꞌ qꞌuial cuan e̱re xban nak li Dios quixye: Junelic tatintenkꞌa, ut ma̱ jokꞌe tatincanab a̱junes. (Deut. 31:6)

Isaías 7:14

Joꞌcan ut nak li Ka̱cuaꞌ ta̱qꞌuehok e̱re junak retalil. Aꞌan aꞌin li retalil li ta̱qꞌuehekꞌ e̱re: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk xcꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ.

Éxodo 4:8

Ut li Dios quixye re: —Cui li tenamit incꞌaꞌ tateꞌxpa̱b ut cui incꞌaꞌ teꞌraj teꞌril li ta̱ba̱nu xbe̱n cua riqꞌuin la̱ xukꞌ, ma̱re teꞌxpa̱b nak ta̱ba̱nu xcaꞌ sut riqꞌuin la̱ cuukꞌ.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

Eclesiastés 9:10

Chixjunil li naru ta̱ba̱nu saꞌ ruchichꞌochꞌ, chaba̱nuhak, aꞌ yal joꞌ qꞌuial ta̱cuy xba̱nunquil. Nak tatca̱mk, ma̱cꞌaꞌ chic ta̱ru̱k ta̱ba̱nu. Nak ac cua̱nkat chic saꞌ li jul, incꞌaꞌ chic tatcꞌanjelak. Ma̱cꞌaꞌak chic a̱cꞌaꞌux ut ma̱cꞌaꞌak chic a̱naꞌleb.

Jueces 9:33

Nak ta̱sake̱uk cuulaj texcuacli̱k ut tex-oc chi pletic saꞌ li tenamit. Nak teꞌe̱lk laj Gaal rochbeneb lix soldado, la̱at ta̱cuil cꞌaꞌru ta̱ba̱nu riqꞌuineb, chan.

Deuteronomio 20:1

Nak texxic chi pletic riqꞌuineb li xicꞌ nequeꞌiloc e̱re ut te̱ril nak kꞌaxal nabaleb lix soldado ut lix cacua̱y ut lix carruaje chiru le̱ re la̱ex, mexxucuac xbaneb. Li Ka̱cuaꞌ le̱ Dios li qui-isin chak e̱re aran Egipto, aꞌan cua̱nk e̱riqꞌuin ut ta̱tenkꞌa̱nk e̱re.

Génesis 21:20

Ut li Dios quitenkꞌan re laj Ismael. Aꞌan quicui̱nkiloꞌ saꞌ li chaki chꞌochꞌ. Quixtzol chi us li cutuc riqꞌuin tzimaj.

San Juan 6:14

Nak queꞌril li milagro li quixba̱nu li Jesús, eb li cuanqueb aran queꞌxye: —Relic chi ya̱l li cui̱nk aꞌin, aꞌan li profeta li quiyeheꞌ chak resil junxil nak ta̱cha̱lk saꞌ ruchichꞌochꞌ, chanqueb.

San Mateo 1:23

Aꞌan aꞌin li quixye: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk lix cꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ. (Isa. 7:14) Chi jalbil ru Emanuel naraj naxye “Li Dios cuan kiqꞌuin”.

1 Samuel 2:34

Aꞌan aꞌin li retalil li tinqꞌue a̱cue re nak ta̱nau nak tzꞌakal ya̱l li yo̱quin chixyebal a̱cue. Saꞌ ajcuiꞌ li cutan nak ta̱ca̱mk la̱ cualal aj Ofni, ta̱ca̱mk ajcuiꞌ la̱ cualal aj Finees.

Josué 1:9

La̱in li yo̱quin chi takla̱nc a̱cue. Yal a̱kꞌe ut cacuubresi a̱chꞌo̱l. Matxucuac chi moco ta̱chꞌina̱nk a̱chꞌo̱l xban nak la̱in li Ka̱cuaꞌ la̱ Dios cua̱nkin a̱cuiqꞌuin yalak bar tatxic, chan li Dios.

1 Samuel 3:19

Laj Samuel quiniman ut li Ka̱cuaꞌ cuan riqꞌuin ut aꞌan yo̱ chi tenkꞌa̱nc re. Ut quicꞌulman chixjunil joꞌ quixye laj Samuel.

1 Samuel 20:13

Cui ut ta̱raj tixba̱nu raylal a̱cue, li Ka̱cuaꞌ chixba̱nuhak raylal cue cui incꞌaꞌ tintakla resil a̱cue ut tatintenkꞌa xcolbal a̱cuib. Li Ka̱cuaꞌ taxak chicua̱nk a̱cuiqꞌuin joꞌ nak quicuan riqꞌuin lin yucuaꞌ.

2 Samuel 7:3

Ut laj Natán quixye re: —At rey, ba̱nu chixjunil li cꞌaꞌru cuan saꞌ a̱chꞌo̱l xba̱nunquil, xban nak li Ka̱cuaꞌ Dios cuan a̱cuiqꞌuin, chan.

Li xHu LAJ JOB 31:25

La̱in incꞌaꞌ quisahoꞌ inchꞌo̱l nak nabal lin biomal cuan. Chi moco quisahoꞌ inchꞌo̱l nak nabal li cꞌaꞌru cue nintau.