1 Samuel 10:5 - Li Santil hu

⁵ Laj Samuel quixye ajcuiꞌ re laj Saúl: —Chirix chic aꞌan la̱at tatxic toj Gabaa bar nequeꞌxlokꞌoni cuiꞌ li Dios saꞌ li naꞌajej li cuan cuiꞌ lix muheba̱leb laj filisteo. Nak tat-oc saꞌ li tenamit aꞌan, ta̱cꞌuleb jun chꞌu̱tal li profeta li yo̱keb chi cubec saꞌ li tzu̱l. Yo̱keb chixchꞌeꞌbal lix salterio, lix pandero, lix xo̱lb joꞌ eb ajcuiꞌ lix arpa re xlokꞌoninquil li Dios.

Q'eqchi Bible

⁵ Moqon chik tatwulaq Kibehá re li Yos, b'arwi' wankeb' li xjolomileb' laj Filistea. Ut naq tat-ok sa' li tenamit, taak'uleb' jun ch'uuteb' chi propeet li yookeb' chaq chi kub'eek taqe'q, aj k'amol xb'eheb' laj aarp, laj xolb' ut laj tzojtzoj.

1 Samuel 10:5 ပူးပေါင်းရင်းမြစ်များ

2 Reyes 3:15

Anakcuan cꞌamomak chak cuiqꞌuin junak cui̱nk nachꞌeꞌoc arpa, chan. Ut nak li cui̱nk yo̱ chi cuajbac, li Ka̱cuaꞌ quia̱tinac riqꞌuin laj Eliseo ut quixye re cꞌaꞌru teꞌxba̱nu.

1 Samuel 19:20

Joꞌcan nak quixtaklaheb li cui̱nk re teꞌxchap ut teꞌxcꞌam riqꞌuin. Queꞌril nak eb li profeta yo̱queb chixlokꞌoninquil li Dios ut laj Samuel yo̱ chi cꞌamoc be chiruheb. Ut lix musikꞌ li Ka̱cuaꞌ quichal riqꞌuineb li takl li quixtakla laj Saúl. Ut eb aꞌan quisach xchꞌo̱leb ut queꞌoc ajcuiꞌ chixlokꞌoninquil li Dios.

1 Samuel 13:3

Laj Jonatán quixcamsiheb jun chꞌu̱tal chi xsoldado laj filisteo aran Gabaa. Ut eb laj filisteo queꞌrabi resil. Tojoꞌnak laj Saúl quixtakla xya̱basinquil li trompeta saꞌ chixjunil li tenamit re nak chixjunileb teꞌxnau cꞌaꞌru quicꞌulman.

2 Reyes 2:15

Nak qui-ileꞌ xbaneb li profeta li cuanqueb jun pacꞌal li nimaꞌ saꞌ li tenamit Jericó, eb aꞌan queꞌxye: —Li cuanquilal li quiqꞌueheꞌ re laj Elías xqꞌueheꞌ re laj Eliseo, chanqueb. Queꞌco̱eb chixcꞌulbal laj Eliseo ut queꞌxcuikꞌib ribeb chiru.

2 Reyes 2:5

Eb li profeta li cuanqueb Jericó queꞌel chak chixcꞌulbal laj Eliseo ut queꞌxye re: —¿Ma nacanau nak chiru li cutan aꞌin li Ka̱cuaꞌ ta̱risi cha̱cuu laj tzolol a̱cue? chanqueb. Ut laj Eliseo quixye reheb: —Ninnau, abanan canabomak a̱tinac, chan.

2 Reyes 2:3

Eb li profeta li cuanqueb Bet-el queꞌco̱eb chixcꞌulbal laj Eliseo ut queꞌxye re: —¿Ma nacanau nak anakcuan li Ka̱cuaꞌ ta̱risi cha̱cuu laj Elías laj tzolol a̱cue? chanqueb. Laj Eliseo quixye reheb: —Ninnau. Abanan canabomak a̱tinac, chan.

1 Samuel 10:10

Mokon nak laj Saúl quicuulac Gabaa rochben lix mo̱s, queꞌxcꞌul li jun chꞌu̱tal li profetas yo̱queb chi cubec saꞌ li tzu̱l. Yo̱queb chixlokꞌoninquil li Ka̱cuaꞌ. Ut laj Saúl quirecꞌa lix cuanquil li Dios nak quichal saꞌ xbe̱n ut qui-oc chi yehoc ra̱tin profeta rochbeneb.

1 Corintios 14:1

Joꞌcan nak ninye e̱re, cheqꞌuehak e̱chꞌo̱l chi rahoc ut chesicꞌak le̱ ma̱tan li naxqꞌue li Santil Musikꞌej. Li ma̱tan li kꞌaxal lokꞌ, aꞌan xyebal resil li cꞌaꞌru yo̱ chi xcꞌutbal che̱ru li Dios.

Salmos 49:4

Tinye e̱re lix ya̱lal jun li naꞌleb chꞌaꞌaj xtaubal ru. Tinbicha̱nk riqꞌuin li arpa nak tinchꞌolob lix ya̱lal che̱ru.

1 Crónicas 16:42

Eb li cui̱nk aꞌan queꞌxya̱basi li trompeta, ut queꞌxtochꞌ li sursu̱quil chꞌi̱chꞌ ut queꞌcuajbac ut queꞌbichan re xlokꞌoninquil li Ka̱cuaꞌ. Ut eb li ralal laj Jedutún, aꞌaneb li queꞌcꞌacꞌalen reheb li oqueba̱l.

1 Crónicas 16:5

Li xbe̱n li quisiqꞌueꞌ ru, aꞌan laj Asaf; li xcab, aꞌan laj Zacarías; ut chirixeb aꞌan cuanqueb laj Jeiel, laj Semiramot, laj Jehiel, laj Matatías, laj Eliab, laj Benaía, laj Obed-edom, ut laj Jeiel jun chic. Cuanqueb xcuajb, cuanqueb xsalterios ut cuanqueb x-arpa. Laj Asaf, aꞌan li quitochꞌoc re li sursu̱quil chꞌi̱chꞌ.

1 Crónicas 13:8

Laj David ut chixjunileb laj Israel yo̱queb chi xajoc ut yo̱queb chi bicha̱nc chi anchaleb xchꞌo̱l xban xsahileb xchꞌo̱l re xqꞌuebal xlokꞌal li Ka̱cuaꞌ ut yo̱queb chi cuajbac. Cuanqueb x-arpa, cuanqueb xsalterios, cuanqueb xtambor, ut cuanqueb xxo̱lb ut yo̱queb ajcuiꞌ chixtꞌochbal li sursu̱quil chꞌi̱chꞌ.

2 Reyes 6:1

Saꞌ jun li cutan li jun chꞌu̱tal chi profeta queꞌxye re laj Eliseo: —¡Qꞌue retal! Li naꞌajej li cuanco cuiꞌ a̱cuochben caꞌchꞌin ut latzꞌ.

2 Reyes 4:38

Chirix aꞌan laj Eliseo quisukꞌi Gilgal. Saꞌ eb li cutan aꞌan yo̱ li cueꞌej. Jun chꞌu̱tal chi profeta queꞌxchꞌutub ribeb riqꞌuin. Laj Eliseo quixye re lix mo̱s: —Qꞌue li nimla ucꞌal saꞌ xam ut yi̱b lix tzacae̱mkeb, chan.

1 Samuel 9:12

Eb li tukꞌ ixk queꞌxye re: —Arin cuan. Caꞌchꞌin chic ma̱ nequexcuulac. Se̱bahomak e̱rib chi xic re nak te̱tau. Xcꞌulun anakcuan xban nak tento nak ta̱mayejak chiru li Ka̱cuaꞌ saꞌ xbe̱n li artal li cuan saꞌ li tzu̱l.

1 Samuel 10:4

Teꞌxqꞌue xsahil a̱chꞌo̱l ut teꞌxqꞌue a̱cue cuib li caxlan cua. Chacꞌulak li caxlan cua chiruheb.

1 Samuel 13:2

quixsiqꞌueb ru oxib mil li soldado saꞌ xya̱nkeb laj Israel. Cuib mil queꞌcana rochben laj Saúl aran Micmas, ut saꞌ eb li tzu̱l Bet-el. Ut eb li jun mil chic queꞌcana rochben laj Jonatán aran Gabaa saꞌ lix naꞌajeb li ralal xcꞌajol laj Benjamín. Ut eb li jun chꞌol chic queꞌtakla̱c saꞌ xmuheba̱leb.

1 Crónicas 11:16

Laj David cuan saꞌ li naꞌajej li nequeꞌxcol cuiꞌ ribeb. Jun chꞌu̱tal eb laj filisteo ac xeꞌoc saꞌ li tenamit Belén.

Salmos 92:3

Takaqꞌue a̱lokꞌal riqꞌuin li cuajb chi chꞌinaꞌus. Takaqꞌue a̱lokꞌal riqꞌuin li arpa ut riqꞌuin li salterio.

1 Reyes 18:29

Quinumeꞌ li cuaꞌleb ut toj yo̱queb ajcuiꞌ chixjapbal reheb chixya̱banquil lix dioseb toj quicuulac x-o̱ril li mayejac ut ma̱ ani queꞌabin reheb ut ma̱ ani queꞌsumen reheb.

2 Reyes 2:7

Laje̱b roxcꞌa̱l li profeta queꞌco̱eb chirixeb toj saꞌ li nimaꞌ Jordán. Laj Elías ut laj Eliseo queꞌxakli chire li nimaꞌ ut eb li profeta queꞌxakli ajcuiꞌ nachꞌ chiruheb.