1 Samuel 10:3 - Li Santil hu

³ La̱at tat-e̱lk saꞌ li naꞌajej aꞌan ut tatxic toj tatcuulak cuan cuiꞌ li nimla cheꞌ ji aran Tabor. Aran ta̱cꞌuleb oxib li cui̱nk li yo̱queb chi xic Bet-el chixlokꞌoninquil li Dios. Li jun yo̱k chixcꞌambal oxib li cocꞌ chiba̱t. Li xcab yo̱k chixcꞌambal oxib li caxlan cua. Ut li rox yo̱k chixcꞌambal jun botella li vino.

Q'eqchi Bible

³ Toj najt chik chirix a'an, naq tatwulaq wan wi' li ji re Tabor, taak'uleb' oxib' chi winq yookeb' chi taqe'k, re xloq'oninkil li Yos aran Betel. Li jun yooq xk'amb'al oxib' chi kok' chib'aat, li jun chik yooq xk'amb'al oxib' chi k'uluj, ut li rox jun kuk chi b'iin.

1 Samuel 10:3 ပူးပေါင်းရင်းမြစ်များ

Génesis 35:3

Ut yoꞌkeb saꞌ junpa̱t saꞌ li naꞌajej Bet-el. Aran tinyi̱b jun li artal re xlokꞌoninquil li tzꞌakal Dios, li Dios li quitenkꞌan chak cue nak cuanquin saꞌ raylal. Aꞌan qui-ochbenin chak cue nak quilajinnumeꞌ chak yalak bar, chan.

Génesis 35:1

Ut li Dios quixye re laj Jacob: —Anakcuan yi̱bomak li cꞌaꞌru e̱re ut texxic saꞌ li tenamit Bet-el ut texcana̱k aran. Ut ta̱yi̱b junak li artal re tina̱lokꞌoni cuiꞌ. Aꞌan li naꞌajej li quincꞌutbesi cuiꞌ cuib cha̱cuu nak cat-e̱lelic chiru laj Esaú la̱ cuas, chan li Dios.

Génesis 28:22

Li pec aꞌin xinxakab anakcuan chokꞌ retalil nak li naꞌajej aꞌin, aꞌan re xlokꞌoninquil li Ka̱cuaꞌ Dios, chan. Ut laj Jacob quixye re li Dios, —La̱in tinmayeja cha̱cuu li junju̱nk saꞌ xlaje̱tkil re chixjunil li cꞌaꞌru ta̱qꞌue cue, chan.

Génesis 28:19

Li naꞌajej aꞌan Luz xcꞌabaꞌ nak quicuan. Abanan laj Jacob quixjal xcꞌabaꞌ. Bet-el chic quixqꞌue chokꞌ xcꞌabaꞌ.

Salmos 89:12

La̱at catyi̱ban re chixjunil li cꞌaꞌru cuan chalen saꞌ li norte toj saꞌ li sur. Li tzu̱l Tabor ut li tzu̱l Hermón nequeꞌxqꞌue a̱lokꞌal.

Jueces 8:18

Laj Gedeón quixpatzꞌ reheb laj Zeba ut laj Zalmuna: ¿Chanruheb li cui̱nk li quecamsiheb aran Tabor? chan. Queꞌxye re: —Chanchaneb ajcuiꞌ la̱at. Chanchaneb ralal rey, chanqueb.

Jueces 4:12

Laj Sísara quirabi resil nak laj Barac li ralal laj Abinoam ac xcuulac saꞌ li tzu̱l Tabor.

Jueces 4:6

Saꞌ jun li cutan lix Débora quixtakla xbokbal laj Barac li ralal laj Abinoam li cuan saꞌ li tenamit Cedes li cuanqueb cuiꞌ li ralal xcꞌajol laj Neftalí, ut quixye re: —Li Ka̱cuaꞌ lix Dios eb laj Israel xye a̱cue chi joꞌcaꞌin, “Ta̱chꞌutubeb ru laje̱b mil chi cui̱nk xcomoneb li ralal xcꞌajol laj Neftalí ut laj Zabulón ut texxic saꞌ li tzu̱l Tabor.

Josué 19:22

Li nuba̱l re li naꞌajej aꞌin, aꞌan nacuulac saꞌ eb li tenamit Tabor, Sahazima, ut Bet-semes ut nocoxrakekꞌ cuan cuiꞌ li nimaꞌ Jordán. Cuaklaju chixjunileb li tenamit rochbeneb li cocꞌ cꞌaleba̱l.

Josué 19:12

Ut aran Sarid naxqꞌue chak vue̱lt saꞌ li este li na-el cuiꞌ li sakꞌe. Ut nacuulac toj saꞌ li naꞌajej Quislot-tabor. Nocox-e̱lk saꞌ li naꞌajej Daberat ut naxic saꞌ li tzu̱l Jafía.

Levítico 23:13

Ut te̱qꞌue numenak cuakxakib libra li cꞌaj junajinbil riqꞌuin aceite chokꞌ re le̱ cꞌatbil mayej. Aꞌanak jun sununquil mayej ta̱cuulak chiru li Ka̱cuaꞌ. Ut ta̱mayeja̱k ajcuiꞌ rochben jun litro li vino.

Levítico 7:13

Ut rochben lix mayej re xcꞌambal rib saꞌ usilal riqꞌuin li Dios re bantioxi̱nc, tixqꞌue li caxlan cua li cuan xchꞌamal.

Levítico 3:12

Cui tixyechiꞌi junak li chiba̱t chokꞌ xmayej, tixqꞌue chiru li Ka̱cuaꞌ.

Levítico 3:6

Cui carner li tixqꞌue chokꞌ xmayej re xcꞌambal rib saꞌ usilal riqꞌuin li Ka̱cuaꞌ Dios, tento nak tixqꞌue junak tzꞌakalak re ru, usta te̱lom usta ixki carner.

Levítico 1:10

Cui carner malaj ut chiba̱t li tixqꞌue chokꞌ cꞌatbil mayej, tento nak tixqꞌue junak te̱lom tzꞌakalak re ru.

1 Samuel 10:4

Teꞌxqꞌue xsahil a̱chꞌo̱l ut teꞌxqꞌue a̱cue cuib li caxlan cua. Chacꞌulak li caxlan cua chiruheb.

Jeremías 32:8

Ut joꞌcan quicꞌulman. Laj Hanameel, li ralal li cuican quichal cuiqꞌuin nak cuanquin chi pre̱xil saꞌ li neba̱l re li cab li nequeꞌcuan cuiꞌ eb li nequeꞌcꞌacꞌalen ut quixye cue: —Lokꞌ chokꞌ a̱cue li chꞌochꞌ li cuan Anatot li cuan saꞌ xcue̱nt lix naꞌajeb li ralal xcꞌajol laj Benjamín. Naru ta̱lokꞌ xban nak la̱at cuechꞌalal, chan. Ut la̱in xinqꞌue retal nak li Dios ta̱raj nak tinlokꞌ.

Jueces 20:18

Eb laj Israel queꞌco̱eb Bet-el saꞌ li rochoch li Dios chi tijoc. Queꞌxye re li Dios: —At Ka̱cuaꞌ, ba̱nu usilal, cꞌut chiku aniheb li teꞌxic xbe̱n cua chi pletic riqꞌuineb li ralal xcꞌajol laj Benjamín, chanqueb. Ut li Dios quixye reheb: —Eb li ralal xcꞌajol laj Judá, aꞌaneb li teꞌxic xbe̱n cua, chan.

Jueces 20:23

Eb laj Israel queꞌco̱eb saꞌ li rochoch li Dios. Chalen ekꞌela toj retal qui-ecuu queꞌya̱bac. Queꞌtijoc ut queꞌxye re li Ka̱cuaꞌ Dios: —¿Ma toxic cuiꞌchic chi pletic riqꞌuineb li ralal xcꞌajol laj Benjamín, li kech aj Israelil? chanqueb. Ut li Ka̱cuaꞌ quixye reheb: —Texxic, chan.

Jueces 20:27

Ut eb li ralal xcꞌajol laj Israel queꞌtijoc chiru li Ka̱cuaꞌ ut queꞌxpatzꞌ re cꞌaꞌru us teꞌxba̱nu. (Saꞌ eb li cutan aꞌan li Lokꞌlaj Ca̱x xocxo cuiꞌ li laje̱b chi chakꞌrab cuan aran Bet-el.)