1 Samuel 10:22 - Li Santil hu

²² Nak incꞌaꞌ queꞌxtau, queꞌxye re li Ka̱cuaꞌ: —¿Ma cuan saꞌ kaya̱nk li cui̱nk li xasicꞌ ru? chanqueb. Ut li Dios quixye reheb: —Laj Saúl cuan saꞌ e̱ya̱nk. Xmuk rib saꞌ xya̱nk li i̱k, chan.

Q'eqchi Bible

²² Toja' naq ke'xpatz' wi' chik re li Qaawa': “Ma xk'ulunk arin laj Saúl?”, chankeb'. Kixye li Qaawa': “Wank aran, muqmu sa' xyanq li k'aru eere”.

1 Samuel 10:22 ပူးပေါင်းရင်းမြစ်များ

Jueces 20:18

Eb laj Israel queꞌco̱eb Bet-el saꞌ li rochoch li Dios chi tijoc. Queꞌxye re li Dios: —At Ka̱cuaꞌ, ba̱nu usilal, cꞌut chiku aniheb li teꞌxic xbe̱n cua chi pletic riqꞌuineb li ralal xcꞌajol laj Benjamín, chanqueb. Ut li Dios quixye reheb: —Eb li ralal xcꞌajol laj Judá, aꞌaneb li teꞌxic xbe̱n cua, chan.

Números 27:21

Laj Josué ta̱xic riqꞌuin laj Eleazar laj tij ut tixpatzꞌ re cꞌaꞌru tixba̱nu. Ut laj Eleazar tixsicꞌ li cꞌaꞌru nacuaj riqꞌuin li Urim. Laj Josué, aꞌan li ta̱takla̱nk saꞌ xbe̱neb laj Israel riqꞌuin chixjunil li cꞌaꞌru teꞌxba̱nu, chan li Ka̱cuaꞌ.

San Lucas 14:11

Joꞌcan nak chixjunileb li nequeꞌxnimobresi ribeb, ta̱cubsi̱k xcuanquileb. Ut chixjunileb li nequeꞌxcubsi ribeb, eb aꞌan teꞌqꞌuehekꞌ xcuanquil, chan li Jesús.

1 Samuel 15:17

Quixye laj Samuel: —Usta la̱at xaye nak ma̱cꞌaꞌ a̱cuanquil, abanan la̱at xatqꞌueheꞌ chi takla̱nc saꞌ xbe̱neb laj Israel. Li Ka̱cuaꞌ quisicꞌoc a̱cuu re nak tat-oc chokꞌ xreyeb laj Israel.

1 Samuel 9:21

Laj Saúl quixye re: —La̱in xcomoneb li ralal xcꞌajol laj Benjamín, li incꞌaꞌ qꞌuiheb saꞌ xya̱nkeb laj Israel. Ut la̱o li ralal xcꞌajol li kayucuaꞌ, ma̱cꞌaꞌ kacuanquil saꞌ xya̱nkeb chixjunileb li ralal xcꞌajol laj Benjamín. ¿Cꞌaꞌut nak nacaye cue chixjunil aꞌin? chan.

Jueces 20:28

Ut laj Finees, aꞌan laj tij saꞌ eb li cutan aꞌan. Laj Finees, aꞌan li ralal laj Eleazar. Ut laj Eleazar, aꞌan li ralal laj Aarón. Eb laj Israel queꞌxye re li Dios: —¿Ma us nak toxic cuiꞌchic cuulaj chi pletic riqꞌuineb li ralal xcꞌajol laj Benjamín, li kech aj Israelil, malaj ut incꞌaꞌ chic toxic? chanqueb. Ut li Ka̱cuaꞌ quixye reheb: —Texxic cuiꞌchic chi pletic riqꞌuineb xban nak cuulaj la̱in tinkꞌaxtesiheb saꞌ e̱rukꞌ, chan.

Jueces 20:23

Eb laj Israel queꞌco̱eb saꞌ li rochoch li Dios. Chalen ekꞌela toj retal qui-ecuu queꞌya̱bac. Queꞌtijoc ut queꞌxye re li Ka̱cuaꞌ Dios: —¿Ma toxic cuiꞌchic chi pletic riqꞌuineb li ralal xcꞌajol laj Benjamín, li kech aj Israelil? chanqueb. Ut li Ka̱cuaꞌ quixye reheb: —Texxic, chan.

Jueces 1:1

Nak ac xcam laj Josué, eb laj Israel queꞌtijoc chiru li Ka̱cuaꞌ ut queꞌxye re: —¿Ani ke xbe̱n cua teꞌxic chi pletic riqꞌuineb laj Canaán? chanqueb.

Génesis 25:22

Saꞌ jun li cutan nak ma̱jiꞌ nacuulac xcutanquil xyoꞌlajic lix cꞌulaꞌal, lix Rebeca quirecꞌa nak cꞌajoꞌ nak yo̱ chi ecꞌa̱nc lix cꞌulaꞌal. Ut qui-oc xcꞌaꞌux riqꞌuin li cꞌaꞌru quirecꞌa. Lix Rebeca quixye saꞌ xchꞌo̱l: —¿Cꞌaꞌut nak yo̱quin chixcꞌulbal chi joꞌcaꞌin? chan. Ut quitijoc chiru li Dios ut quixye: —¿Cꞌaꞌut nak yo̱quin chixcꞌulbal chi joꞌcaꞌin? chan re li Dios.

1 Samuel 10:21

Ut queꞌbokeꞌ li junju̱nk chꞌu̱tal li ralal xcꞌajol laj Benjamín. Ut li jun chꞌu̱tal li ralal xcꞌajol laj Matri queꞌsiqꞌueꞌ ru. Ut saꞌ xya̱nkeb aꞌan quisiqꞌueꞌ ru laj Saúl, li ralal laj Cis. Queꞌxsicꞌ saꞌ xya̱nkeb, abanan ma̱ ani aran.

1 Samuel 14:37

Ut laj Saúl quitijoc ut quixye re li Dios: —¿Ma us toxic chi pletic riqꞌuineb laj filisteo? ¿Ma ta̱kꞌaxtesiheb saꞌ kukꞌ? chan. Abanan li Dios incꞌaꞌ quixsume lix tij saꞌ li cutan aꞌan.

1 Samuel 22:10

Laj Ahimelec quixpatzꞌ re li Dios cꞌaꞌru tixba̱nu laj David. Quixqꞌue xtzacae̱mk ut quixqꞌue ajcuiꞌ lix chꞌi̱chꞌ laj Goliat laj filisteo re, chan.

1 Samuel 23:9

Nak laj David quirabi nak laj Saúl ta̱cha̱lk chi pletic riqꞌuin, quixye re laj Abiatar laj tij: —Cꞌam chak li efod, chan.

1 Samuel 30:7

Laj David quixye re laj Abiatar, laj tij, li ralal laj Ahimelec: —Ba̱nu usilal, cꞌam chak li efod, chan. Ut laj Abiatar quixcꞌam li efod riqꞌuin.

1 Samuel 30:8

Laj David quitijoc ut quixye re li Dios: —¿Ma us cui tinxic chirixeb chixchapbaleb laj Amalec? ¿Ma toj toxebintau saꞌ be? chan. Li Ka̱cuaꞌ quixye re: —Ayukex. Relic chi ya̱l ta̱tauheb ut ta̱coleb li xeꞌxchap ut xeꞌxcꞌam chirixeb, chan.

2 Samuel 2:1

Mokon chic laj David quixpatzꞌ re li Ka̱cuaꞌ cꞌaꞌru tixba̱nu ut quixye: —¿Ma us tinxic saꞌ junak tenamit cuan xcue̱nt Judá? chan. Ut li Ka̱cuaꞌ quichakꞌoc ut quixye re: —Us tatxic, chan. Ut laj David quixpatzꞌ cuiꞌchic re: —¿Cꞌaꞌru tenamitil tinxic cuiꞌ?— Ut li Ka̱cuaꞌ quixye re: —Ayu saꞌ li tenamit Hebrón, chan.

2 Samuel 21:1

Nak laj David cuan chokꞌ rey quicuan jun li cueꞌej. Chiru oxib chihab ma̱cꞌaꞌ xtzacae̱mkeb. Laj David quitijoc ut quixpatzꞌ re li Dios cꞌaꞌut nak yo̱ li cueꞌej. Li Ka̱cuaꞌ Dios quixye re: —Yo̱ li cueꞌej aꞌin xban li ma̱usilal li quixba̱nu laj Saúl ut eb li ralal xcꞌajol nak queꞌxcamsiheb li cuanqueb Gabaón, chan.