1 Samuel 10:20 - Li Santil hu

²⁰ Laj Samuel quixbokeb chixjunileb lix te̱paleb laj Israel. Ut li Ka̱cuaꞌ quixsicꞌ ru lix te̱paleb li ralal xcꞌajol laj Benjamín.

Q'eqchi Bible

²⁰ Laj Samuel kixb'oq chixjunileb' li xteepaleb' laj Israel, ut li Qaawa' kixsik' ru li xteepal laj Benjamín.

1 Samuel 10:20 ပူးပေါင်းရင်းမြစ်များ

1 Samuel 14:41

Laj Saúl quitijoc ut quixye re li Ka̱cuaꞌ: —At Ka̱cuaꞌ, at kaDios la̱o aj Israel, ¿cꞌaꞌut nak incꞌaꞌ xasume lin tij anakcuan? Cui la̱in ut laj Jonatán cuan kama̱c, nak tobu̱lik, ta̱e̱lk li Urim. Cui ut eb li soldados cuanqueb xma̱queb, ta̱e̱lk li Tumin, chan. Ut nak queꞌbu̱lic, quicꞌutun nak laj Saúl ut laj Jonatán cuanqueb xma̱c. Ma̱cuaꞌeb li soldados li cuanqueb xma̱c.

1 Samuel 10:19

Abanan la̱ex xetzꞌekta̱na li Ka̱cuaꞌ le̱ Dios, li quicoloc e̱re chiruheb li raylal ut li chꞌaꞌajquilal li cuanquex cuiꞌ. Anakcuan la̱ex nequeye: La̱o takaj junak karey, chanquex. Joꞌcan nak anakcuan us te̱chꞌutub e̱rib chiru li Ka̱cuaꞌ chi te̱p, aꞌ yal chanru xqꞌuial li junju̱nk chꞌu̱tal, chan laj Samuel.

1 Samuel 10:21

Ut queꞌbokeꞌ li junju̱nk chꞌu̱tal li ralal xcꞌajol laj Benjamín. Ut li jun chꞌu̱tal li ralal xcꞌajol laj Matri queꞌsiqꞌueꞌ ru. Ut saꞌ xya̱nkeb aꞌan quisiqꞌueꞌ ru laj Saúl, li ralal laj Cis. Queꞌxsicꞌ saꞌ xya̱nkeb, abanan ma̱ ani aran.

1 Samuel 14:38

Joꞌcan nak laj Saúl quixbokeb li nequeꞌcꞌamoc be saꞌ xya̱nkeb li soldados ut quixye reheb: —Quimkex arin. Takatzꞌil a̱tin re xnaubal ani xma̱cob chiru li cutan aꞌin.

2 Samuel 3:19

Ut quia̱tinac ajcuiꞌ riqꞌuineb li ralal xcꞌajol laj Benjamín ut co̱ Hebrón chixyebal re laj David li cꞌaꞌru queꞌxcꞌoxla nak us reheb li ralal xcꞌajol laj Israel ut reheb ajcuiꞌ li ralal xcꞌajol laj Benjamín.

Jonás 1:7

Ut queꞌxye chi ribileb rib laj cꞌamol re li jucub: —Kabu̱lihak kix re takil ani cuan xma̱c nak yo̱co chixcꞌulbal li raylal aꞌin, chanqueb. Ut queꞌxbu̱li rixeb ut li ma̱c quitꞌaneꞌ saꞌ xbe̱n laj Jonás.

Deuteronomio 33:12

Laj Moisés quixye chirixeb li ralal xcꞌajol laj Benjamín: Cheꞌcua̱nk chi cꞌojcꞌo xchꞌo̱leb li ralal xcꞌajol laj Benjamín li raro̱queb xban li Ka̱cuaꞌ. Li Ka̱cuaꞌ, aꞌan junelic nacoloc reheb ut nacuan riqꞌuineb ut na-iloc reheb.