1 Samuel 10:12 - Li Santil hu

¹² Ut cuanqueb ajcuiꞌ li queꞌxye: —¿Ma ma̱cuaꞌ ta biꞌ aꞌan li ralal laj Cis? chanqueb. Ut riqꞌuin aꞌan queꞌxtiquib xyebal li a̱tin: “¿Ma profeta ajcuiꞌ laj Saúl?”

Q'eqchi Bible

¹² Ut jun kixye: “Ani li xyuwa'eb' a'in?”. Ut kikanaak li aatin chi jo'kan: “Ma propeet ajwi' laj Saúl?”.

1 Samuel 10:12 ပူးပေါင်းရင်းမြစ်များ

San Juan 6:45

Tzꞌi̱banbil retalil chi joꞌcaꞌin saꞌ li Santil Hu xbaneb li profeta: Li Dios tixcꞌut lix ya̱lal chiruheb chixjunileb. Joꞌcan nak chixjunileb li nequeꞌabin re ut nequeꞌxtau ru li cꞌaꞌru naxye li Dios, eb aꞌan tineꞌxpa̱b ajcuiꞌ la̱in.

Isaías 54:13

La̱in tincꞌutuk re lix ya̱lal chiruheb chixjunileb le̱ ralal e̱cꞌajol. Tintenkꞌaheb re nak teꞌcua̱nk saꞌ tuktu̱quil usilal.

Santiago 1:17

Xban nak chixjunil li cꞌaꞌak re ru tzꞌakal cha̱bil aꞌ li Dios saꞌ choxa naqꞌuehoc chak ke. Li Dios quiyi̱ban re li nacutanobresin ru li choxa. Li Dios ma̱cuaꞌ joꞌ li sakꞌe namoy ru. Li Dios incꞌaꞌ naxjal lix naꞌleb. Aꞌan ban chi junelic.

San Juan 7:16

Quixye li Jesús reheb: —Li tijleb li yo̱quin chixcꞌutbal ma̱cuaꞌ cue. Aꞌ li Dios li quitaklan chak cue, aꞌan li quicꞌutuc chicuu li yo̱quin chixyebal, chan.

1 Samuel 10:13

Nak laj Saúl quirakeꞌ chi lokꞌoni̱nc saꞌ xya̱nkeb li profetas, co̱ saꞌ rochoch.

1 Samuel 19:23

Laj Saúl co̱ aran Naiot xcue̱nt Ramá. Ut lix musikꞌ li Dios quichal riqꞌuin. Riqꞌuin xcuanquil lix musikꞌ li Dios, laj Saúl qui-oc chi xajoc ut chixjapbal re chixlokꞌoninquil li Dios toj retal quicuulac Naiot xcue̱nt Ramá.

1 Samuel 19:24

Ut laj Saúl quirisi lix tꞌicr li cuan saꞌ xbe̱n li rakꞌ joꞌ ajcuiꞌ lix chꞌi̱chꞌ re pletic. Ut qui-oc chi xajoc ut chixjapbal re chiru laj Samuel. Ut joꞌcan quixnumsi li cutan ut li kꞌojyi̱n. Chalen aꞌan quiticla xyebal: “¿Ma xcomoneb li profeta laj Saúl?” chanqueb.