1 Samuel 1:3 - Li Santil hu

³ Laj Elcana rajlal chihab naxic Silo chi lokꞌoni̱nc ut chixqꞌuebal lix mayej chiru li nimajcual Dios. Aran Silo cuan laj Elí laj tij rochbeneb li cuib chi ralal, laj Ofni ut laj Finees. Aꞌan aj tijeb ajcuiꞌ chiru li Dios.

Q'eqchi Bible

³ Li winq a'an rajlal chihab' nataqe'k chaq sa' li tenamit chi loq'onink ut yeechi'ink mayej chiru li Nimajwal Yos aran Siló, b'arwi' wankeb' li wiib' chi ralal laj Elí, aj Jofní ut aj Pinjás xk'ab'a'eb', aj tijeb' chiru li Qaawa'.

1 Samuel 1:3 ပူးပေါင်းရင်းမြစ်များ

San Lucas 2:41

Rajlal chihab nequeꞌxic lix naꞌ xyucuaꞌ aran Jerusalén chixninkꞌeinquil li reliqueb Egipto. Pascua nequeꞌxye re li ninkꞌe aꞌan.

Josué 18:1

Chixjunileb laj Israel queꞌxchꞌutub ribeb aran Silo ut queꞌxyi̱b li tabernáculo re teꞌxchꞌutub ribeb chixlokꞌoninquil li Dios. Aꞌin quicꞌulman nak ac xeꞌre̱chani li naꞌajej aꞌan.

Éxodo 34:23

Oxib sut chiru li jun chihab che̱junilex la̱ex cui̱nk texxic saꞌ li tabernáculo chinlokꞌoninquil. La̱in li Ka̱cuaꞌ Dios. La̱in le̱ Dios la̱ex aj Israel.

Éxodo 23:14

Oxib sut saꞌ li chihab texninkꞌei̱k re xqꞌuebal inlokꞌal.

1 Samuel 1:21

Ut laj Elcana co̱ cuiꞌchic Silo chixqꞌuebal lix mayej chiru li Ka̱cuaꞌ rochbeneb li ralal xcꞌajol joꞌ naxba̱nu rajlal chihab. Quixba̱nu li cꞌaꞌru quixyechiꞌi re li Dios.

1 Samuel 1:9

Nak cuan lix Ana aran Silo, co̱ saꞌ rochoch li Dios nak ac xrakeꞌ chi tzaca̱nc. Ut laj Elí laj tij chunchu chire li oqueba̱l saꞌ jun li tem.

Deuteronomio 16:16

Oxib sut chiru li chihab chixjunileb li cui̱nk teꞌxic chiru li Ka̱cuaꞌ le̱ Dios saꞌ li naꞌajej li tixsicꞌ ru. Aꞌaneb aꞌin li oxib sut: li ninkꞌe nak nequecuaꞌ li caxlan cua li ma̱cꞌaꞌ xchꞌamal, li ninkꞌe nak nequemayeja li xbe̱n ru le̱ racui̱mk, ut li ninkꞌe nak nequeyi̱b le̱ cocꞌ muheba̱l riqꞌuin rukꞌ cheꞌ. Ma̱ ani tixcꞌut rib chiru li Ka̱cuaꞌ chi ma̱cꞌaꞌ li tixcꞌam chokꞌ xmayej.

Jueces 18:31

Ut li yi̱banbil dios, li quixyi̱b laj Micaía, quicuan saꞌ xya̱nkeb laj Dan joꞌ najtil quicuan li rochoch li Ka̱cuaꞌ Dios aran Silo.

Salmos 78:60

Ut quixtzꞌekta̱na ajcuiꞌ li tabernáculo li quixakaba̱c aran Silo, li naꞌajej li quiqꞌueheꞌ cuiꞌ xlokꞌal xbaneb laj Israel.

1 Samuel 4:11

Ut eb laj filisteo queꞌxcꞌam li Lokꞌlaj Ca̱x ut queꞌxcamsi laj Ofni ut laj Finees, li cuib chi ralal laj Elí.

1 Samuel 4:4

Joꞌcan nak queꞌxtaklaheb li cui̱nk aran Silo re nak teꞌxcꞌam chak lix Lokꞌlaj Ca̱x li nimajcual Dios, li cuan li cuib chi querubines saꞌ xbe̱n. Ut eb laj Ofni ut laj Finees, li cuib chi ralal laj Elí, yo̱queb chi cha̱lc chixcꞌatk li Lokꞌlaj Ca̱x.

1 Samuel 3:13

Ac xinye nak tinrakok a̱tin saꞌ xbe̱neb li ralal xcꞌajol laj Elí. Tinsach ruheb chi junaj cua xban lix ma̱usilaleb. Laj Elí naxnau nak ac xnumta xyibal ru xnaꞌlebeb li ralal ut incꞌaꞌ naxkꞌuseb.

1 Samuel 2:34

Aꞌan aꞌin li retalil li tinqꞌue a̱cue re nak ta̱nau nak tzꞌakal ya̱l li yo̱quin chixyebal a̱cue. Saꞌ ajcuiꞌ li cutan nak ta̱ca̱mk la̱ cualal aj Ofni, ta̱ca̱mk ajcuiꞌ la̱ cualal aj Finees.

Éxodo 23:17

Saꞌ li oxib chi ninkꞌe aꞌin li te̱ba̱nu chiru li jun chihab, tento nak chixjunileb li cui̱nk teꞌxic saꞌ li templo chinlokꞌoninquil la̱in li Ka̱cuaꞌ Dios.

Jueces 21:19

Rajlal chihab nacuan jun li ninkꞌe aran Silo re xlokꞌoninquil li Ka̱cuaꞌ, chanqueb. Li tenamit Silo cuan saꞌ xyiheb li cuib chi tenamit Bet-el ut Lebona. Bet-el nacana saꞌ li sur. Lebona nacana saꞌ li norte. Ut nachꞌ riqꞌuin li tenamit Silo, saꞌ li oriente, nanumeꞌ li be li naxic toj Siquem.

1 Samuel 2:19

Rajlal chihab naxic lix naꞌ saꞌ rochoch li Dios rochben lix be̱lom chixqꞌuebal lix mayej chiru li Ka̱cuaꞌ. Naxyi̱b jun rakꞌ laj Samuel, naxcꞌam ut naxqꞌue re.

1 Samuel 14:3

(Laj tij li cuan lix efod chirix, aꞌan laj Ahías li ralal laj Ahitob. Laj Ahitob, aꞌan li ri̱tzꞌin laj Icabod. Ut laj Icabod, aꞌan li ralal laj Finees. Laj Finees, aꞌan li ralal laj Elí laj tij li nacꞌanjelac chiru li Dios aran Silo.) Ma̱ ani quinaꞌoc re nak laj Jonatán co̱ bar cuanqueb cuiꞌ laj filisteo.