1 Samuel 1:27 - Li Santil hu

²⁷ La̱in quintzꞌa̱ma chiru li Dios nak tixqꞌue junak lin cꞌulaꞌal. Ut aꞌan xqꞌue cue li cꞌulaꞌal aꞌin.

Q'eqchi Bible

²⁷ Xintz'aama naq tixk'e we li k'uula'al a'in, ut li Qaawa' xk'e we li xintz'aama chiru.

1 Samuel 1:27 ပူးပေါင်းရင်းမြစ်များ

1 Juan 5:15

Nakanau nak li Dios nocorabi nak nocotijoc. Riqꞌuin aꞌin nakanau nak naxqꞌue ke li cꞌaꞌru nakatzꞌa̱ma chiru.

Salmos 118:5

Nak cuanquin saꞌ raylal xintzꞌa̱ma intenkꞌanquil chiru li Ka̱cuaꞌ. Ut aꞌan xinixsume ut xinixcol.

San Mateo 7:7

Nak ta̱paltok cꞌaꞌru e̱re, chextzꞌa̱ma̱nk chiru li Dios ut aꞌan tixqꞌue e̱re; chesicꞌak ut te̱tau, chebokak ut li puerta ta̱tehekꞌ che̱ru.

Salmos 6:9

Li Ka̱cuaꞌ xrabi lin tij. Ut xrabi ajcuiꞌ li cꞌaꞌru xintzꞌa̱ma chiru.

1 Samuel 2:20

Ut laj Elí naxtzꞌa̱ma chiru li Dios nak ta̱rosobtesi laj Elcana ut lix Ana ut quixye reheb: —Aꞌ taxak li Ka̱cuaꞌ tixqꞌue nabal chic a̱cualal a̱cꞌajol riqꞌuin li ixk aꞌin chokꞌ re̱kaj li xakꞌaxtesi re li nimajcual Dios, chan reheb. Ut chirix aꞌan, queꞌsukꞌi saꞌ li rochocheb.

Números 6:8

Joꞌ najtil ta̱cua̱nk chokꞌ aj nazareo, kꞌaxtesinbilak re li Ka̱cuaꞌ.

1 Crónicas 4:10

Laj Jabes quitijoc chiru li Ka̱cuaꞌ lix Dioseb laj Israel ut quixye: —At Ka̱cuaꞌ, china̱cuosobtesi. Ta̱qꞌue taxak cue nabal li chꞌochꞌ. Chatcua̱nk taxak cuiqꞌuin ut china̱col chiru li ma̱usilal li tixbok chak raylal saꞌ inbe̱n, chan. Ut li Ka̱cuaꞌ quirabi lix tij ut quixba̱nu joꞌ quixtzꞌa̱ma chiru.

Salmos 120:1

Nak cuanquin saꞌ raylal quintzꞌa̱ma intenkꞌanquil chiru li nimajcual Dios. Ut aꞌan quixsume li cꞌaꞌru quintzꞌa̱ma chiru.