1 Samuel 1:24 - Li Santil hu

²⁴ Ut nak ac xmakꞌ xtuꞌ li cꞌulaꞌal, quixcꞌam saꞌ rochoch li Dios aran Silo, usta toj caꞌchꞌin. Quixcꞌam ajcuiꞌ oxib cuacax toj sa̱jeb, jun chacach li cꞌaj ut jun cuc vino.

Q'eqchi Bible

²⁴ Ut naq kixmaq' chi tu', kixk'am chirix. Kixk'am ajwi' oxib' saaj wakax, jun chakach chi k'aj ut jun kuk chi b'iin, ut kiroksi li xk'uula'al, chi toj kach'in, sa' rochoch li Qaawa' aran Siló.

1 Samuel 1:24 ပူးပေါင်းရင်းမြစ်များ

Josué 18:1

Chixjunileb laj Israel queꞌxchꞌutub ribeb aran Silo ut queꞌxyi̱b li tabernáculo re teꞌxchꞌutub ribeb chixlokꞌoninquil li Dios. Aꞌin quicꞌulman nak ac xeꞌre̱chani li naꞌajej aꞌan.

Deuteronomio 12:11

Li Ka̱cuaꞌ le̱ Dios tixsicꞌ ru jun li naꞌajej li ta̱lokꞌoni̱k cuiꞌ. Ut la̱ex te̱cꞌam aran le̱ mayej li te̱qꞌue re li Ka̱cuaꞌ. Te̱cꞌam aran le̱ cꞌatbil mayej ut li mayej li junju̱nk saꞌ xlaje̱tkil, ut li mayej li na-ala saꞌ e̱chꞌo̱l xqꞌuebal, joꞌ ajcuiꞌ li mayej li te̱qꞌue nak nequeyechiꞌi xba̱nunquil li cꞌaꞌak re ru re li Ka̱cuaꞌ Dios.

Deuteronomio 16:16

Oxib sut chiru li chihab chixjunileb li cui̱nk teꞌxic chiru li Ka̱cuaꞌ le̱ Dios saꞌ li naꞌajej li tixsicꞌ ru. Aꞌaneb aꞌin li oxib sut: li ninkꞌe nak nequecuaꞌ li caxlan cua li ma̱cꞌaꞌ xchꞌamal, li ninkꞌe nak nequemayeja li xbe̱n ru le̱ racui̱mk, ut li ninkꞌe nak nequeyi̱b le̱ cocꞌ muheba̱l riqꞌuin rukꞌ cheꞌ. Ma̱ ani tixcꞌut rib chiru li Ka̱cuaꞌ chi ma̱cꞌaꞌ li tixcꞌam chokꞌ xmayej.

San Mateo 13:33

Jun chic li jaljo̱quil ru a̱tin quixye: —Jun li ixk quixqꞌue caꞌchꞌin lix chꞌamal caxlan cua saꞌ xya̱nk li oxib bisoc li cꞌaj ut quisi̱poꞌ li kꞌem xban, ut nabal chic li caxlan cua qui-el. Lix nimajcual cuanquilal li Dios chanchan ajcuiꞌ aꞌan. Nak nequeꞌrabi resil, nabal nequeꞌpa̱ban re.—

Génesis 21:8

Nak ac nim chic laj Isaac, quimakꞌeꞌ xtuꞌ xban lix naꞌ. Saꞌ li cutan aꞌan laj Abraham quixba̱nu jun li ninkꞌe.

1 Reyes 11:20

Li ri̱tzꞌin li reina Tahpenes quicuan jun lix cꞌulaꞌal riqꞌuin laj Hadad. Aj Genubat xcꞌabaꞌ li cꞌulaꞌal. Ut lix Tahpenes quixqꞌuiresi saꞌ li palacio rochbeneb li ralal laj faraón.