1 Samuel 1:23 - Li Santil hu

²³ Laj Elcana quixye re lix Ana: —Ba̱nu joꞌ nacacꞌoxla nak us xba̱nunquil. Cana̱kat toj ta̱makꞌ xtuꞌ li cꞌulaꞌal. Ut aꞌ taxak li Dios chitenkꞌa̱nk a̱cue chixba̱nunquil li cꞌaꞌru xayechiꞌi re li Dios, chan. Ut lix Ana quicana saꞌ rochoch ut quixqꞌuiresi li cꞌulaꞌal toj quixmakꞌ xtuꞌ.

Q'eqchi Bible

²³ Kichaq'ok laj Elkaná li xb'eelom: “B'aanu li k'aru us nakak'oxla ut kanaaqat toj taamaq' xtu' li k'uula'al. A' taxaq li Qaawa' chixb'aanu li k'aru xyeechi'i”, chan. Jo'kan naq li ixq kikanaak sa' rochoch ut kixtu'resi li xk'uula'al toj reetal kixmaq' chi tu'.

1 Samuel 1:23 ပူးပေါင်းရင်းမြစ်များ

2 Samuel 7:25

At Ka̱cuaꞌ Dios, chaba̱nu taxak joꞌ xayechiꞌi cue. Ta̱xakab taxak lin cuanquil chi junelic joꞌ ajcuiꞌ lix cuanquileb li cualal incꞌajol joꞌ xaye.

San Lucas 11:27

Ut nak yo̱ chixyebal eb li a̱tin aꞌin li Jesús, jun li ixk quia̱tinac chak chi cau saꞌ xya̱nkeb li qꞌuila tenamit, ut quixye: —Us xak re li ixk li x-alan a̱cue ut xtuꞌresin a̱cue, chan.

San Mateo 24:19

Tokꞌobak ruheb li yaj aj ixk ut li yo̱queb chi tuꞌresi̱nk saꞌ eb li cutan aꞌan xban nak kꞌaxal cuiꞌchic chꞌaꞌaj li e̱lelic chokꞌ reheb.

Isaías 44:26

Abanan, la̱in ninba̱nun re nak ta̱uxma̱nk li cꞌaꞌru nequeꞌxye laj cꞌanjel chicuu. Us ta̱e̱lk lix cꞌanjeleb li tintaklaheb. La̱in ninye nak teꞌcua̱nk cuiꞌchic cristian saꞌ li tenamit Jerusalén. Ut teꞌyi̱ba̱k cuiꞌchic li tenamit li cuanqueb Judá, li queꞌsacheꞌ junxil.

Salmos 22:9

Abanan ninnau nak la̱at nacattenkꞌan cue, at inDios, xban nak la̱at xatqꞌuehoc cue chi yoꞌla̱c ut xaqꞌue inyuꞌam. Nak toj yo̱quin chi tuꞌuc, la̱at xat-iloc cue.

1 Samuel 1:17

Ut laj Elí quixye re lix Ana: —Ayu chi cꞌojcꞌo a̱chꞌo̱l. Ut aꞌ taxak li Dios li nequeꞌxlokꞌoni laj Israel chi qꞌuehoc a̱cue li cꞌaꞌru xatzꞌa̱ma chiru, chan.

Números 30:12

Abanan cui li be̱lomej ta̱rabi resil ut tixye re li rixakil nak incꞌaꞌ naru tixba̱nu li cꞌaꞌru quixyechiꞌi re li Dios, incꞌaꞌ tento nak tixba̱nu. Li Dios tixcuy xma̱c li ixk cui incꞌaꞌ tixba̱nu xban nak li be̱lomej quixye nak incꞌaꞌ tixba̱nu.

1 Samuel 14:36

Laj Saúl quixye reheb lix soldado: —Yoꞌkeb chi pletic riqꞌuineb laj filisteo chiru li kꞌojyi̱n aꞌin. Topletik riqꞌuineb toj ta̱sake̱uk re nak ma̱ jun chic reheb ta̱cana̱k chi yoꞌyo, chan. Eb li soldados queꞌxye: —La̱o takaba̱nu joꞌ ta̱ye, chanqueb. Abanan laj tij quixye: —Kapatzꞌak xbe̱n cua re li Dios ma us toxic chi pletic malaj ut incꞌaꞌ us, chan.

1 Samuel 14:40

Ut laj Saúl quixye reheb: —La̱ex texxakli̱k aran ut la̱in tinxakli̱k arin cuochben laj Jonatán li cualal, chan. Ut eb li soldados queꞌxye: —Ba̱nu li cꞌaꞌru nacacꞌoxla nak us xba̱nunquil, chanqueb.

1 Reyes 3:21

Ac sake̱uc re nak quincuacli chixqꞌuebal xtuꞌ lin cꞌulaꞌal. Quinqꞌue retal nak camenak. Nak ac cutan chic quicuil nak ma̱cuaꞌ cue li cꞌulaꞌal, chan.