1 Samuel 1:22 - Li Santil hu

²² Abanan lix Ana incꞌaꞌ co̱ chirixeb. Joꞌcan nak quixye re lix be̱lom: —La̱in incꞌaꞌ tinxic. Toj tinmakꞌ xtuꞌ lin cꞌulaꞌal, tojoꞌnak tinxic chixkꞌaxtesinquil re li Ka̱cuaꞌ. Ut aran ta̱cana̱k chi junaj cua, chan re.

Q'eqchi Bible

²² Ab'an lix Ana ink'a' koho, xb'aan naq kixye re li xb'eelom: “Naq akaq xmaq'mank chi tu' li k'uula'al, toja' naq tinxik chi xq'axtesinkil chiru li Qaawa'. Ut aran taakanaaq chi junajwa”.

1 Samuel 1:22 ပူးပေါင်းရင်းမြစ်များ

1 Samuel 1:28

Joꞌcan nak xinchal chixkꞌaxtesinquil chiru li nimajcual Dios li cꞌulaꞌal aꞌin re ta̱cꞌanjelak chiru joꞌ najtil ta̱cua̱nk saꞌ ruchichꞌochꞌ, chan. Ut queꞌxlokꞌoni li Dios.

1 Samuel 1:11

Quitijoc chiru li Dios ut quixye: —At nimajcual Dios, chacuil taxak xtokꞌoba̱l cuu xban nak cꞌajoꞌ xrahil saꞌ inchꞌo̱l. Chinjulticokꞌ taxak a̱cue ut incꞌaꞌ taxak ta̱sachk saꞌ a̱chꞌo̱l. Ta̱qꞌue taxak junak incꞌulaꞌal te̱lom ut la̱in tinkꞌaxtesi ajcuiꞌ a̱cue chalen nak ta̱yoꞌla̱k toj chirix lix camic ut incꞌaꞌ ta̱besma̱nk li rismal xjolom, chan.

San Lucas 2:22

Lix María quixba̱nu joꞌ naxye saꞌ lix chakꞌrab laj Moisés. Nak ac xnumeꞌ caꞌcꞌa̱l cutan, lix María rochben laj José queꞌxcꞌam li cꞌulaꞌal Jerusalén ut queꞌxkꞌaxtesi chiru li Ka̱cuaꞌ.

1 Samuel 3:1

Laj Samuel yo̱ chi cꞌanjelac chiru li Dios saꞌ xsa̱jilal ut laj Elí naxcꞌut chiru chanru tixba̱nu. Saꞌ eb li cutan aꞌan li Ka̱cuaꞌ incꞌaꞌ quira̱tinaheb li tenamit rajlal, ut moco junelic ta quixcꞌut li visión chiruheb.

1 Samuel 2:18

Laj Samuel, li sa̱j al, yo̱ chi cꞌanjelac chiru li Dios, ut quixqꞌue chirix li efod yi̱banbil riqꞌuin lino joꞌ nequeꞌrocsi laj tij.

1 Samuel 2:11

Chirix aꞌan, laj Elcana quisukꞌi saꞌ rochoch aran Ramá. Abanan laj Samuel, li chꞌina al, quicana ut yo̱ chi cꞌanjelac chiru li Dios. Ut laj Elí, laj tij, yo̱ chi cꞌamoc be chiru.

Deuteronomio 16:16

Oxib sut chiru li chihab chixjunileb li cui̱nk teꞌxic chiru li Ka̱cuaꞌ le̱ Dios saꞌ li naꞌajej li tixsicꞌ ru. Aꞌaneb aꞌin li oxib sut: li ninkꞌe nak nequecuaꞌ li caxlan cua li ma̱cꞌaꞌ xchꞌamal, li ninkꞌe nak nequemayeja li xbe̱n ru le̱ racui̱mk, ut li ninkꞌe nak nequeyi̱b le̱ cocꞌ muheba̱l riqꞌuin rukꞌ cheꞌ. Ma̱ ani tixcꞌut rib chiru li Ka̱cuaꞌ chi ma̱cꞌaꞌ li tixcꞌam chokꞌ xmayej.

Levítico 25:23

Incꞌaꞌ naru te̱cꞌayi li chꞌochꞌ chi junaj cua xban nak cue la̱in. La̱ex yal numelex arin. Chanchanex cuulaꞌ.

Isaías 9:7

Ta̱nima̱k lix nimajcual cuanquilal ut li tuktu̱quil usilal ma̱cꞌaꞌak rosoꞌjic. Ta̱cꞌojla̱k saꞌ xcꞌojariba̱l laj David ut tixxakab lix cuanquil saꞌ xya̱lal ut saꞌ ti̱quilal chalen anakcuan ut chi junelic. Li nimajcual Dios tixba̱nu chi joꞌcaꞌin xban nak joꞌcan quiraj.

Salmos 110:4

Li Ka̱cuaꞌ quixba̱nu li juramento ut incꞌaꞌ tixjal xcꞌaꞌux. Quixye: —La̱at lix yucuaꞌil eb laj tij chi junelic joꞌ nak quicuan laj Melquisedec.—

Salmos 27:4

Jun ajcuiꞌ li nacuaj xtzꞌa̱manquil chiru li Ka̱cuaꞌ Dios. Li cꞌaꞌru nintzꞌa̱ma chiru, aꞌan nak tincua̱nk saꞌ li rochoch joꞌ najtil tincua̱nk saꞌ ruchichꞌochꞌ re nak tinlokꞌoni ru saꞌ li rochoch ut re nak tincꞌoxlak chirix li usilal li quixba̱nu cue.

Salmos 23:6

Relic chi ya̱l nak li rusilal ut li ruxta̱n li Ka̱cuaꞌ ta̱cua̱nk cuiqꞌuin chixjunil li cutan chalen toj saꞌ lin camic. Ut saꞌ rochoch li Ka̱cuaꞌ Dios tincua̱nk chi junelic kꞌe cutan.

Josué 4:7

Ut la̱ex texchakꞌok ut te̱ye reheb, “Li pec aꞌin, aꞌan retalil nak quixakli li nimaꞌ Jordán ut incꞌaꞌ chic quibe̱c nak yo̱queb chixnumsinquil jun pacꞌal li nimaꞌ li Lokꞌlaj Ca̱x li xocxo cuiꞌ lix contrato li Dios. Eb li pec aꞌin, aꞌan retalil chiruheb laj Israel re nak julticak reheb chi junelic li cꞌaꞌru quixba̱nu li Dios,” chan laj Josué.

Éxodo 21:6

li patrón tixcꞌam lix mo̱s riqꞌuin laj rakol a̱tin. Aran teꞌxxakab li mo̱s chiru li puerta malaj chiru li cheꞌ li cuan chire li puerta. Ut tixhop lix xic riqꞌuin jun li chꞌi̱chꞌ kꞌes ruꞌuj. Aꞌan retalil nak ta̱cana̱k chokꞌ xmo̱s chi junaj cua.

1 Samuel 13:13

Ut laj Samuel quixye re laj Saúl: —Xma̱cꞌaꞌil a̱naꞌleb xakꞌet cuiꞌ xchakꞌrab li Dios. Incꞌaꞌ xaba̱nu li naxye saꞌ li chakꞌrab li quixqꞌue a̱cue li Ka̱cuaꞌ la̱ Dios. Cui ta xaba̱nu li quixye a̱cue, li Ka̱cuaꞌ xxakab raj la̱ cuanquil saꞌ xnaꞌaj chi junelic, la̱at ut eb la̱ cualal a̱cꞌajol.

1 Samuel 28:2

Laj David quixye: —Matcꞌoxlac. La̱o aj cꞌanjel cha̱cuu. La̱at ta̱cuil cꞌaꞌru takaba̱nu, chan. Laj Aquis quixye re: —Tatinxakab chokꞌ aj cꞌamol be chiruheb li nequeꞌcꞌacꞌalen cue, chan.