1 Samuel 1:19 - Li Santil hu

¹⁹ Joꞌ cuulajak chic queꞌcuacli toj ekꞌela ut co̱eb chixlokꞌoninquil li Dios. Ut chirix aꞌan queꞌsukꞌi saꞌ li rochocheb aran Ramá. Ut laj Elcana quicuan riqꞌuin lix Ana li rixakil ut quicana chi yaj aj ixk. Joꞌcaꞌin nak li Dios quixsume lix tij lix Ana.

Q'eqchi Bible

¹⁹ Jo' wulajaq chik ke'wakliik toj eq'la, ke'xloq'oni ru li Qaawa' ut chirix chik a'an ke'sutq'iik sa' rochocheb' aran Ramá. Laj Elkaná kiwank rik'in lix Ana li rixaqil, ut li Qaawa' kirusila li ixq.

1 Samuel 1:19 ပူးပေါင်းရင်းမြစ်များ

Génesis 21:1

Lix Sara quixcꞌul li quiyechiꞌi̱c re junxil xban li Ka̱cuaꞌ Dios.

1 Samuel 1:11

Quitijoc chiru li Dios ut quixye: —At nimajcual Dios, chacuil taxak xtokꞌoba̱l cuu xban nak cꞌajoꞌ xrahil saꞌ inchꞌo̱l. Chinjulticokꞌ taxak a̱cue ut incꞌaꞌ taxak ta̱sachk saꞌ a̱chꞌo̱l. Ta̱qꞌue taxak junak incꞌulaꞌal te̱lom ut la̱in tinkꞌaxtesi ajcuiꞌ a̱cue chalen nak ta̱yoꞌla̱k toj chirix lix camic ut incꞌaꞌ ta̱besma̱nk li rismal xjolom, chan.

Génesis 30:22

Li Dios quiril xtokꞌoba̱l ru lix Raquel ut quirabi lix tij. Xban aꞌan, li Dios quixqꞌue chi cua̱nc xcocꞌal.

Génesis 4:1

Laj Adán quicuan riqꞌuin lix Eva. Ut lix Eva quicana chi yaj aj ixk. Nak quiyoꞌla li cꞌulaꞌal, aj Caín queꞌxqꞌue chokꞌ xcꞌabaꞌ. Lix Eva quixye: —Saꞌ xcꞌabaꞌ li Ka̱cuaꞌ Dios cuan jun lin chꞌina al, chan.

San Lucas 23:42

Ut li cui̱nk aꞌan quixye ajcuiꞌ re li Jesús: —At Ka̱cuaꞌ, chinjulticokꞌ taxak a̱cue nak tat-oc saꞌ la̱ nimajcual cuanquilal, chan.

San Marcos 1:35

Cuulajak chic nak toj ma̱jiꞌ na-iqꞌueꞌ li cutan, li Jesús quicuacli ut qui-el saꞌ li tenamit. Ut co̱ xjunes chi tijoc saꞌ jun li naꞌajej bar ma̱cꞌaꞌ cuiꞌ cristian.

Salmos 119:147

Nincuacli ekꞌela ut nintijoc ut nintzꞌa̱ma intenkꞌanquil cha̱cuu. La̱ cua̱tin naxqꞌue xcacuil inchꞌo̱l.

Salmos 55:17

Ekꞌela, cuaꞌleb ut ecuu ninya̱ba xcꞌabaꞌ li Dios nak nintijoc ut ninye cuib re ut aꞌan narabi li cꞌaꞌru nintzꞌa̱ma re.

Salmos 25:7

Incꞌaꞌ taxak chinak saꞌ a̱chꞌo̱l li ma̱c ut li ma̱usilal li quinba̱nu chak saꞌ insa̱jilal. Chinjulticokꞌ taxak a̱cue, at Ka̱cuaꞌ, xban nak junelic nacatrahoc ut junelic cha̱bilat.

1 Samuel 9:26

Cuulajak chic nak ac sake̱uc re, laj Samuel quixbok laj Saúl ut quixye re: —Cauresi a̱cuib chi xic xban nak anakcuan tatinchakꞌrabi, chan. Laj Saúl quicuacli ut queꞌco̱eb xcabichaleb.

Génesis 8:1

Li Dios quixtokꞌoba ru laj Noé joꞌ ajcuiꞌ chixjunileb li xul li cuanqueb saꞌ li jucub cab. Quixtakla jun nimla ikꞌ saꞌ xbe̱n li ruchichꞌochꞌ ut qui-oc chi chakic li haꞌ.

Salmos 136:23

Aꞌan li natenkꞌan ke nak cuanco saꞌ raylal xban nak kꞌaxal nim li ruxta̱n saꞌ kabe̱n junelic.

Salmos 5:3

At Ka̱cuaꞌ, nak nasake̱u nintijoc cha̱cuu ut la̱at niquina̱cuabi. Nintijoc ekꞌela ut nacuoybeni nak la̱at ta̱sume lin tij.

1 Samuel 2:11

Chirix aꞌan, laj Elcana quisukꞌi saꞌ rochoch aran Ramá. Abanan laj Samuel, li chꞌina al, quicana ut yo̱ chi cꞌanjelac chiru li Dios. Ut laj Elí, laj tij, yo̱ chi cꞌamoc be chiru.

1 Samuel 1:1

Quicuan jun li cui̱nk aj Elcana xcꞌabaꞌ saꞌ li tenamit Ramá, li cuan saꞌ xnaꞌajeb li ralal xcꞌajol laj Efraín, li tzu̱l ru. Laj Elcana, aꞌan li ralal laj Jeroham. Lix yucuaꞌ laj Jeroham, aꞌan laj Eliú. Ut laj Eliú, aꞌan li ralal laj Tohu ut laj Tohu, aꞌan li ralal laj Zuf xcomoneb li ralal xcꞌajol laj Efraín.

1 Samuel 7:17

Ut chirix aꞌan nasukꞌi Ramá xban nak aran cuan li rochoch. Toj aran narakoc chak a̱tin saꞌ xbe̱neb li tenamit Israel. Ut quixyi̱b jun li artal re xlokꞌoninquil li Ka̱cuaꞌ saꞌ li tenamit aꞌan.

Josué 18:25

Quiqꞌueheꞌ ajcuiꞌ reheb li tenamit Gabaón, Ramá, Beerot,

1 Samuel 8:4

Joꞌcan nak eb li nequeꞌcꞌamoc be saꞌ xya̱nkeb laj Israel queꞌxchꞌutub ribeb ut queꞌco̱eb Ramá chi a̱tinac riqꞌuin laj Samuel.

1 Samuel 15:34

Chirix aꞌan laj Samuel co̱ Ramá ut laj Saúl co̱ saꞌ rochoch aran Gabaa saꞌ lix naꞌaj.

1 Samuel 16:13

Ut laj Samuel quixchap li xucub ut quixqꞌue li aceite saꞌ xjolom chiruheb chixjunileb li ras. Li al aꞌan aj David xcꞌabaꞌ. Chalen saꞌ li ho̱nal aꞌan lix musikꞌ li Ka̱cuaꞌ quicuan riqꞌuin laj David. Ut chirix aꞌan laj Samuel quisukꞌi cuiꞌchic saꞌ li tenamit Ramá.

1 Samuel 19:18

Joꞌcan nak laj David quie̱lelic chiru laj Saúl ut co̱ riqꞌuin laj Samuel aran Ramá. Ut quixserakꞌi re laj Samuel chixjunil li qui-ux re xban laj Saúl. Ut laj David rochben laj Samuel queꞌco̱eb chi cua̱nc aran Naiot.

1 Samuel 25:1

Nak laj Samuel quicam, chixjunileb laj Israel queꞌxchꞌutub ribeb. Queꞌya̱bac xban xrahil xchꞌo̱leb. Laj Samuel quimukeꞌ saꞌ lix chꞌochꞌ aran Ramá. Chirix aꞌan laj David co̱ saꞌ li chaki chꞌochꞌ aran Parán.

2 Reyes 4:17

Abanan quicꞌulman joꞌ quixye li profeta Eliseo. Saꞌ li chihab jun chic quiyoꞌla jun xcꞌulaꞌal te̱lom li ixk aꞌan.