1 Samuel 1:18 - Li Santil hu

¹⁸ Lix Ana quixchakꞌrabi laj Elí ut quixye re: —Kꞌaxal us raj nak tincꞌul ta li xintzꞌa̱ma joꞌ xaye, chan. Ut chirix aꞌan lix Ana quisukꞌi saꞌ li naꞌajej li yo̱ cuiꞌ chi hila̱nc ut quicuaꞌac. Ut chalen aꞌan, incꞌaꞌ chic quirahoꞌ saꞌ xchꞌo̱l.

Q'eqchi Bible

¹⁸ “B'anyox aawe”, chan li ixq. Ut chirix a'an koho sa' li xb'e, kiwa'ak ut ink'a' chik kiraho'k sa' xch'ool.

1 Samuel 1:18 ပူးပေါင်းရင်းမြစ်များ

Li xHu LIX RUT 2:13

Lix Rut quichakꞌoc ut quixye re: —Kꞌaxal cha̱bilat, at Ka̱cuaꞌ. Saꞌ xya̱lal xat-a̱tinac cuiqꞌuin ut xacꞌojob inchꞌo̱l. Xacuil xtokꞌoba̱l cuu usta la̱in moco incꞌulub ta xban nak la̱in ma̱cuaꞌin jun xcomoneb la̱ mo̱s ixk, chan.

Romanos 15:13

Li Dios aꞌan li kayoꞌon. Aꞌan taxak chiqꞌuehok xsahil e̱chꞌo̱l chi nabal ut tixqꞌue ajcuiꞌ e̱re li tuktu̱quil usilal xban nak nequexpa̱ban. Xban nak cuan xcuanquil li Santil Musikꞌej e̱riqꞌuin, cauhak taxak e̱chꞌo̱l chi oybeni̱nc.

Eclesiastés 9:7

Joꞌcan nak anakcuan chatcuaꞌak chi sa saꞌ a̱chꞌo̱l ut chacuucꞌak li vino riqꞌuin sahil chꞌo̱lej xban nak li Dios ma̱cꞌaꞌ naxye riqꞌuin li cꞌaꞌru nacaba̱nu.

San Juan 16:24

Chalen anakcuan toj ma̱cꞌaꞌ nequetzꞌa̱ma saꞌ incꞌabaꞌ. Chextzꞌa̱ma̱nk ut ta̱qꞌuehekꞌ e̱re re nak kꞌaxal cuiꞌchic ta̱sahokꞌ saꞌ e̱chꞌo̱l, chan li Jesús.

Génesis 33:15

Laj Esaú quixye re, —Us. La̱in nacuaj raj xcanabanquil cuib oxibakeb li cui̱nk li xeꞌchal chicuix re nak eb aꞌan teꞌochbeni̱nk e̱re saꞌ be, chan. Laj Jacob quixye re, —Incꞌaꞌ, Ka̱cuaꞌ Esaú. Ba̱nu usilal ma̱chꞌiꞌchꞌiꞌi a̱cuib xba̱nunquil aꞌan. Tzꞌakal riqꞌuin aꞌin nak xina̱cꞌul cuiꞌchic saꞌ xya̱lal, chan laj Jacob.

Génesis 33:8

Ut laj Esaú quixpatzꞌ re laj Jacob: —¿Cꞌaꞌru xya̱lal nak xatakla li queto̱mk li xebincꞌul saꞌ be? chan. Laj Jacob quixye, —Xintakla chokꞌ a̱cue re nak tina̱cꞌul saꞌ usilal, chan.

Génesis 32:5

Ut te̱ye ajcuiꞌ re nak nabaleb lin queto̱mk cuan; cuan incuacax, cuan inbu̱r. Ut cuan ajcuiꞌ nabaleb inmo̱s, joꞌ cui̱nk joꞌ ixk. Joꞌcan nak xintakla xyebal chi joꞌcaꞌin. Usan cui tinixcꞌul saꞌ xya̱lal, chan laj Jacob. Ut eb lix takl laj Jacob queꞌco̱eb riqꞌuin laj Esaú.

Génesis 32:6

Nak queꞌsukꞌi chak eb lix takl queꞌxye re laj Jacob: —Xocuulac riqꞌuin laj Esaú la̱ cuas ut aꞌan yo̱ chi cha̱lc cha̱cꞌulbal. Ut xeꞌchal ajcuiꞌ ca̱hib ciento li cui̱nk chirix, chanqueb.

Li xHu LIX RUT 2:2

Saꞌ jun li cutan lix Rut quixye re lix Noemí: —Tincuaj raj xic chixxocbal caꞌchꞌinak li cebada li natꞌaneꞌ chiruheb laj xocol cebada. La̱in tinxocok chirixeb li ani teꞌcꞌuluk cue saꞌ xya̱lal, chan. Ut lix Noemí quichakꞌoc ut quixye: —Us. Ayu, at incoꞌ.—

Salmos 34:6

Nak kꞌaxal ra cuanquin, quintzꞌa̱ma intenkꞌanquil re li Ka̱cuaꞌ, ut aꞌan quixsume li quintzꞌa̱ma re ut quinixcol chiru li raylal.