1 Samuel 1:11 - Li Santil hu

¹¹ Quitijoc chiru li Dios ut quixye: —At nimajcual Dios, chacuil taxak xtokꞌoba̱l cuu xban nak cꞌajoꞌ xrahil saꞌ inchꞌo̱l. Chinjulticokꞌ taxak a̱cue ut incꞌaꞌ taxak ta̱sachk saꞌ a̱chꞌo̱l. Ta̱qꞌue taxak junak incꞌulaꞌal te̱lom ut la̱in tinkꞌaxtesi ajcuiꞌ a̱cue chalen nak ta̱yoꞌla̱k toj chirix lix camic ut incꞌaꞌ ta̱besma̱nk li rismal xjolom, chan.

Q'eqchi Bible

¹¹ ut kixye re li Qaawa': “At Nimajwal Yos, chawil taxaq xtoq'ob'aal ru laamoos ut chinjultiko'q taxaq we! Wi taak'e junaq ink'uula'al teelom, laa'in tinq'axtesi aawe chiru chixjunil li xyu'am ut ink'a' taab'esmanq li rismal”, chan.

1 Samuel 1:11 ပူးပေါင်းရင်းမြစ်များ

Jueces 13:5

Ta̱cua̱nk jun la̱ cꞌulaꞌal te̱lom. Incꞌaꞌ ta̱besma̱nk rismal, xban nak chalen saꞌ xyoꞌlajic li cꞌulaꞌal aꞌan aj nazareo. Ac kꞌaxtesinbil re li Dios ut aꞌan ta̱oc chi coloc reheb laj Israel saꞌ rukꞌeb laj filisteo, chan li ángel.

Números 6:5

Joꞌ najtil ta̱cua̱nk chokꞌ aj nazareo incꞌaꞌ naru tixbes li rismal xjolom. Tixcanab ban chi chamocꞌ li rismal toj ta̱rakekꞌ li cutan nak qui-oc chokꞌ aj nazareo chiru li Ka̱cuaꞌ.

Eclesiastés 5:4

Cui cꞌaꞌru te̱raj xyechiꞌinquil re li Dios, cheba̱nuhak chi junpa̱t xban nak li Dios incꞌaꞌ nacuulac chiru nak incꞌaꞌ nequeba̱nu li cꞌaꞌru nequeyechiꞌi re.

Génesis 29:32

Lix Lea quicana chi yaj aj ixk. Quicuan jun lix cꞌulaꞌal. Lix Lea quixye: —Li Ka̱cuaꞌ Dios quixnau nak quirahoꞌ saꞌ inchꞌo̱l junxil. Anakcuan tinixra chic lin be̱lom, chan. Joꞌcan nak aj Rubén quixqꞌue chokꞌ xcꞌabaꞌ lix cꞌulaꞌal.

Salmos 25:18

Chacuil xtokꞌoba̱l cuu nak yo̱quin chixcꞌulbal li raylal ut li chꞌaꞌajquilal. Ut chacuy taxak chixjunil li ma̱c xinba̱nu.

1 Samuel 1:19

Joꞌ cuulajak chic queꞌcuacli toj ekꞌela ut co̱eb chixlokꞌoninquil li Dios. Ut chirix aꞌan queꞌsukꞌi saꞌ li rochocheb aran Ramá. Ut laj Elcana quicuan riqꞌuin lix Ana li rixakil ut quicana chi yaj aj ixk. Joꞌcaꞌin nak li Dios quixsume lix tij lix Ana.

Génesis 30:22

Li Dios quiril xtokꞌoba̱l ru lix Raquel ut quirabi lix tij. Xban aꞌan, li Dios quixqꞌue chi cua̱nc xcocꞌal.

Jueces 11:30

Ut laj Jefté quixye re li Ka̱cuaꞌ: —Xakꞌaxtesi ta saꞌ cuukꞌ eb li ralal xcꞌajol laj Amón.

Números 6:8

Joꞌ najtil ta̱cua̱nk chokꞌ aj nazareo, kꞌaxtesinbilak re li Ka̱cuaꞌ.

Génesis 28:20

Ut laj Jacob quixye: —Cui li Ka̱cuaꞌ Dios ta̱beresi̱nk cue ut ta̱ilok cue, ut cui aꞌan tixqꞌue cue lin tzacae̱mk joꞌ ajcuiꞌ li cuakꞌ, la̱in tinlokꞌoni aꞌan.

2 Samuel 16:12

Ma̱re li Ka̱cuaꞌ Dios ta̱ril li raylal li yo̱quin chixcꞌulbal ut ma̱re ta̱ril xtokꞌoba̱l cuu ut tinrosobtesi chokꞌ re̱kaj li raylal li yo̱quin chixcꞌulbal anakcuan, chan.

Números 21:2

Joꞌcan nak eb laj Israel riqꞌuin juramento queꞌxye re li Dios: —Cui ta̱kꞌaxtesiheb saꞌ kukꞌ li tenamit aꞌin, la̱o takasach chi junaj cua lix tenamiteb, chanqueb.

Números 6:11

Laj tij tixmayeja li jun re xtzꞌa̱manquil xcuybal xma̱c li cui̱nk ut li jun chic tixcꞌat re xtojbal rix lix ma̱c xban nak quicuan li camenak chi nachꞌ riqꞌuin. Chi joꞌcaꞌin tixsantobresi cuiꞌchic li rismal xjolom.

Éxodo 4:31

Ut li cristian queꞌxpa̱b li cꞌaꞌru queꞌyeheꞌ re. Queꞌrabi nak li Ka̱cuaꞌ Dios quixnau li raylal li yo̱queb chixcꞌulbal ut quixtokꞌoba ruheb, queꞌxxulub lix jolomeb ut queꞌxlokꞌoni li Ka̱cuaꞌ Dios.

Génesis 8:1

Li Dios quixtokꞌoba ru laj Noé joꞌ ajcuiꞌ chixjunileb li xul li cuanqueb saꞌ li jucub cab. Quixtakla jun nimla ikꞌ saꞌ xbe̱n li ruchichꞌochꞌ ut qui-oc chi chakic li haꞌ.

1 Samuel 1:10

Lix Ana qui-oc chi tijoc chiru li Ka̱cuaꞌ chi ra saꞌ xchꞌo̱l ut cꞌajoꞌ nak quiya̱bac.

1 Samuel 1:12

Najt quitijoc chiru li nimajcual Dios ut laj Elí yo̱ chixqꞌuebal retal lix tzꞌu̱mal re lix Ana nak yo̱ chi tijoc.

1 Samuel 1:22

Abanan lix Ana incꞌaꞌ co̱ chirixeb. Joꞌcan nak quixye re lix be̱lom: —La̱in incꞌaꞌ tinxic. Toj tinmakꞌ xtuꞌ lin cꞌulaꞌal, tojoꞌnak tinxic chixkꞌaxtesinquil re li Ka̱cuaꞌ. Ut aran ta̱cana̱k chi junaj cua, chan re.

1 Samuel 1:27

La̱in quintzꞌa̱ma chiru li Dios nak tixqꞌue junak lin cꞌulaꞌal. Ut aꞌan xqꞌue cue li cꞌulaꞌal aꞌin.

1 Samuel 1:28

Joꞌcan nak xinchal chixkꞌaxtesinquil chiru li nimajcual Dios li cꞌulaꞌal aꞌin re ta̱cꞌanjelak chiru joꞌ najtil ta̱cua̱nk saꞌ ruchichꞌochꞌ, chan. Ut queꞌxlokꞌoni li Dios.

1 Samuel 2:20

Ut laj Elí naxtzꞌa̱ma chiru li Dios nak ta̱rosobtesi laj Elcana ut lix Ana ut quixye reheb: —Aꞌ taxak li Ka̱cuaꞌ tixqꞌue nabal chic a̱cualal a̱cꞌajol riqꞌuin li ixk aꞌin chokꞌ re̱kaj li xakꞌaxtesi re li nimajcual Dios, chan reheb. Ut chirix aꞌan, queꞌsukꞌi saꞌ li rochocheb.

Proverbios 31:2

—At inyum, la̱in tzꞌakal la̱ naꞌ. La̱at qꞌuebilat chak cue xban li Dios xban nak xatintzꞌa̱ma chiru.

Levítico 27:2

—Tat-a̱tinak riqꞌuineb laj Israel ut ta̱ye reheb chi joꞌcaꞌin. Cui junak li cristian naxyechiꞌi li cꞌaꞌak re ru re li Ka̱cuaꞌ naru naxtoj riqꞌuin tumin li cꞌaꞌru quixyechiꞌi. Aꞌan aꞌin li joꞌ qꞌuial tento xtojbal: