1 Reyes 9:7 - Li Santil hu

⁷ cui te̱ba̱nu chi joꞌcan la̱in texcuisi che̱junilex la̱ex aj Israel saꞌ li chꞌochꞌ li xinqꞌue e̱re. Ut li templo aꞌin li xinsantobresi chokꞌ re inlokꞌoninquil tinsach ru. Ut le̱ tenamit Israel ta̱hobekꞌ ut ta̱seꞌe̱k xbaneb li jalan tenamiteb.

Q'eqchi Bible

⁷ relik chi yaal naq twisi chixjunileb' laj Israel sa' li ch'och' kink'e reheb', twisi sa' xnaq' wu li ochoch a'in li xinsantob'resi sa' ink'ab'a', ut eb' laj Israel te'kanaaq cho'q se'leb'aal sa' xyanqeb' chixjunileb' li tenamit.

1 Reyes 9:7 ပူးပေါင်းရင်းမြစ်များ

Jeremías 24:9

Chixjunileb aꞌan nimla raylal tintakla saꞌ xbe̱neb. Cꞌajoꞌ xuta̱nalil teꞌxcꞌul chiruheb chixjunileb li tenamit saꞌ ruchichꞌochꞌ. Teꞌhobekꞌ ut teꞌseꞌe̱k xbaneb chixjunileb li tenamit ut teꞌmajecua̱k saꞌ eb li naꞌajej li tebinjeqꞌui cuiꞌ ruheb.

Salmos 44:14

Xoa̱qꞌue chi seꞌe̱c xbaneb li tenamit li nequeꞌlokꞌonin jalanil dios. Chanchano chic li batzꞌul chiruheb. Nequeꞌrecꞌasi lix jolomeb nak nocoeꞌril.

Deuteronomio 28:37

Ut chixjunileb li tenamit teꞌsachk xchꞌo̱leb che̱rilbal. Xicꞌ tex-ilekꞌ ut texseꞌe̱k ut tex-etzꞌu̱k saꞌ li naꞌajej li textakla̱k cuiꞌ xban li Dios.

Deuteronomio 4:26

Cutan saken chiru li choxa ut li ruchichꞌochꞌ nak ya̱l li yo̱quin chixyebal e̱re. Cui la̱ex te̱yi̱b le̱ pechꞌbil dios, saꞌ junpa̱t ta̱sachekꞌ e̱ru. Incꞌaꞌ najt texcua̱nk saꞌ li chꞌochꞌ li oc e̱re chire̱chaninquil nak texnumekꞌ jun pacꞌal li nimaꞌ Jordán.

San Lucas 21:24

Cuan li teꞌcamsi̱k riqꞌuin chꞌi̱chꞌ ut cuan li teꞌchapekꞌ ut teꞌcꞌamekꞌ chi pre̱xil saꞌ eb li jalan tenamit. Ut li tenamit Jerusalén ta̱cana̱k rubel xcuanquileb li ma̱cuaꞌeb aj judío toj ta̱cuulak xkꞌehil nak li Dios ta̱risiheb lix cuanquileb li ma̱cuaꞌeb aj judío, chan li Jesús.

2 Reyes 25:21

Aran saꞌ li tenamit Ribla li rey quixtakla xcamsinquileb. Joꞌcaꞌin nak queꞌchapeꞌ ut queꞌisi̱c laj Judá saꞌ lix tenamiteb.

2 Reyes 25:9

Nak quicuulac laj Nabuzaradán Jerusalén quixcꞌat lix templo li Ka̱cuaꞌ ut quixcꞌat ajcuiꞌ li rochoch li rey. Ut quixcꞌat ajcuiꞌ li rochocheb chixjunileb li cuanqueb xcuanquil. Chixjunileb li cab li cuanqueb Jerusalén quilajxcꞌat.

Miqueas 3:12

Joꞌcan utan xban li ma̱usilal li yo̱quex chixba̱nunquil, li naꞌajej Sión ta̱becma̱nk chokꞌ xnaꞌaj li acui̱mk. E̱ma̱c la̱ex nak ta̱juqꞌuekꞌ li ni̱nki cab li cuanqueb Jerusalén. Ut li tzu̱l li cuan cuiꞌ li templo ta̱cana̱k joꞌ li tzu̱l qꞌuicheꞌ ru.

Joel 2:17

Eb laj tij li nequeꞌcꞌanjelac chiru li nimajcual Dios, cheꞌxakli̱k saꞌ xyi li oqueba̱l re li templo ut li artal ut cheꞌya̱bak. Nak teꞌtijok laj tij, teꞌxye chi joꞌcaꞌin: Ma̱qꞌue taxak li raylal saꞌ xbe̱neb la̱ tenamit, at Ka̱cuaꞌ. Chacuyeb taxak xma̱queb. Ma̱qꞌueheb taxak chi numta̱c saꞌ xbe̱neb la̱ tenamit li incꞌaꞌ nequeꞌpa̱ban. Incꞌaꞌ taxak ta̱qꞌueheb chi seꞌe̱c la̱ tenamit re nak incꞌaꞌ teꞌyehekꞌ re: ¿Bar cuan lix Dioseb?

Jeremías 26:6

la̱in tinba̱nu re li templo aꞌin joꞌ quinba̱nu re li tenamit Silo. Ut chixjunileb li xni̱nkal ru tenamit li cuanqueb saꞌ ruchichꞌochꞌ teꞌxmajecua li tenamit aꞌin, chan.

2 Crónicas 36:19

Ut queꞌxcꞌat lix templo li Dios. Queꞌxjucꞌ li tzꞌac li sutsu cuiꞌ li tenamit Jerusalén. Queꞌxcꞌat li rochoch li rey ut queꞌxpoꞌ chixjunil li cꞌaꞌru raro xbaneb laj Judá.

2 Crónicas 7:20

la̱in texcuisi saꞌ li chꞌochꞌ li xinqꞌue e̱re. Ut tintzꞌekta̱na li templo aꞌin li xinsantobresi chokꞌ re inlokꞌoninquil ut tinqꞌue chi hobecꞌ ut chi seꞌe̱c xbaneb chixjunileb li tenamit.

San Mateo 24:2

Quichakꞌoc li Jesús ut quixye reheb: —Us ajcuiꞌ nak te̱ril chi us chixjunil aꞌin xban nak ta̱cuulak xkꞌehil nak ma̱ jun chic reheb li pec aꞌan ta̱cana̱k saꞌ xnaꞌaj chi incꞌaꞌ ta ta̱juqꞌuekꞌ, chan.

Ezequiel 24:21

Joꞌcaꞌin naxye li Ka̱cuaꞌ li nimajcual Dios e̱re la̱ex aj Israel: La̱in li Ka̱cuaꞌ tincanab chi muxecꞌ ru lin templo li kꞌaxal nequera, li cꞌojcꞌo cuiꞌ e̱chꞌo̱l ut nacuulac che̱ru rilbal. Ut eb le̱ ralal e̱cꞌajol li toj cuanqueb Jerusalén teꞌcamsi̱k saꞌ li ple̱t, chan li Ka̱cuaꞌ e̱re.

Jeremías 52:13

Laj Nabuzaradán quixcꞌat lix templo li Ka̱cuaꞌ ut quixcꞌat ajcuiꞌ li rochoch li rey. Ut quixcꞌat chixjunileb li cab li cuanqueb Jerusalén. Chixjunileb li ni̱nki cab quixcꞌateb.

Jeremías 26:18

Queꞌxye reheb: —Nak laj Ezequías cuan chokꞌ xreyeb laj Judá, laj Miqueas re Moreset quia̱tinac riqꞌuineb laj Judá ut quixye reheb chi joꞌcaꞌin: Li Ka̱cuaꞌ li nimajcual Dios quixye nak li tenamit Sión ta̱sachekꞌ ru. Li tenamit Jerusalén ta̱cana̱k joꞌ jun li chꞌochꞌ becbil riqꞌuin li chꞌi̱chꞌ arado. Ut li tzu̱l li cuan cuiꞌ li templo ta̱sukꞌisi̱k chokꞌ qꞌuicheꞌ, chan laj Miqueas.

Isaías 65:15

Eb li nequeꞌcꞌanjelac chicuu teꞌxpatzꞌ le̱ cꞌabaꞌ nak teꞌmajecua̱nk. La̱in li nimajcual Dios texinqꞌue chi camsi̱c. Ut tinqꞌue jun li acꞌ cꞌabaꞌej reheb li nequeꞌxba̱nu li cꞌaꞌru nacuaj la̱in.

1 Reyes 9:3

Ut li Ka̱cuaꞌ quixye re: —Xcuabi la̱ tij nak xatzꞌa̱ma chicuu. La̱in xinsantobresi li templo aꞌin li xayi̱b re tinlokꞌoni̱k cuiꞌ chi junelic. La̱in junelic tincua̱nk saꞌ li templo ut la̱in tin-ilok re chi junelic.

San Mateo 23:38

Ut anakcuan le̱ tenamit joꞌ ajcuiꞌ li templo ta̱cana̱k chi naqꞌuirnac aj chic ru.

1 Samuel 15:11

—Incꞌaꞌ sa saꞌ inchꞌo̱l riqꞌuin laj Saúl. Incꞌaꞌ raj xinqꞌue chokꞌ xreyeb laj Israel. Quinixtzꞌekta̱na ut quixkꞌet lin chakꞌrab, chan. Qui-oc xcꞌaꞌux laj Samuel ut quixnumsi li kꞌojyi̱n aꞌan chi tijoc chiru li Ka̱cuaꞌ.

1 Reyes 11:10

Li Dios quixye re nak incꞌaꞌ tixlokꞌoni jalanil dios. Abanan laj Salomón quixkꞌet li ra̱tin li Dios.

Salmos 69:11

Nak xcuocsi li kꞌes ru tꞌicr retalil xrahil inchꞌo̱l, cꞌajoꞌ nak xeꞌa̱tinac chicuix.

Jeremías 25:9

Joꞌcan nak la̱in tinbokeb chixjunileb li xni̱nkal ru tenamit li cuanqueb saꞌ li norte. Ta̱cha̱lk ajcuiꞌ rochbeneb laj Nabucodonosor lix reyeb laj Babilonia, li ta̱cꞌanjelak chicuu. La̱in tintaklaheb chi numta̱c saꞌ xbe̱neb li cuanqueb saꞌ li naꞌajej aꞌin, joꞌ eb ajcuiꞌ li tenamit li cuanqueb chi xjun sutam re nak tinsach ruheb chi junelic. Xiu xiu rilbal teꞌcana̱k ut teꞌseꞌe̱k.

Jeremías 44:8

¿Cꞌaꞌut nak nequechikꞌ injoskꞌil riqꞌuin xlokꞌoninquileb li dios li xeyi̱b ut riqꞌuin xcꞌatbal le̱ pom chiruheb li dios li cuanqueb arin Egipto li bar xexchal cuiꞌ chi cua̱nc? La̱ex te̱sach e̱rib e̱junes ut texhobekꞌ ut xicꞌ chic tex-ilekꞌ xbaneb chixjunileb li xni̱nkal ru tenamit li cuanqueb saꞌ ruchichꞌochꞌ.

Josué 23:16

Cui incꞌaꞌ te̱ba̱nu li naxye saꞌ li contrato li quixba̱nu li Dios e̱riqꞌuin, malaj ut cui te̱lokꞌoni li jalanil dios ut texcꞌanjelak chiruheb, ta̱cha̱lk xjoskꞌil li Dios saꞌ e̱be̱n, ut saꞌ junpa̱t tex-isi̱k saꞌ li cha̱bil naꞌajej aꞌin li quixqꞌue e̱re li Dios, chan laj Josué.

Salmos 44:15

Incꞌaꞌ na-el inxuta̱n ut xban inxuta̱n, ti̱c ninxulub cuib.

Lamentaciones 1:8

Kꞌaxal cuiꞌchic numtajenak li ma̱c queꞌxba̱nu eb laj Jerusalén. Xban li ma̱usilal queꞌxba̱nu incꞌaꞌ chic nequeꞌqꞌueheꞌ xlokꞌal. Eb li queꞌqꞌuehoc xlokꞌaleb laj Jerusalén junxil, anakcuan nequeꞌxtzꞌekta̱na xban nak xeꞌxqꞌue retal li ma̱usilal queꞌxba̱nu. Joꞌcan nak yo̱queb chi ya̱bac ut nequeꞌxuta̱na̱c eb laj Jerusalén.

Lamentaciones 2:17

Li Ka̱cuaꞌ xba̱nu e̱re li cꞌaꞌru quixye chak junxil. Incꞌaꞌ xril xtokꞌoba̱l e̱ru. Xsach ban e̱ru. Incꞌaꞌ chic xcuy e̱ma̱c. Xqꞌueheb xcuanquil li xicꞌ nequeꞌiloc e̱re re teꞌnumta̱k saꞌ e̱be̱n, ut xexqꞌue chi seꞌe̱c.

Ezequiel 5:15

Texseꞌe̱k ut texhobekꞌ ut eb li xni̱nkal tenamit li cuanqueb che̱jun sutam teꞌxucuak chirilbal li cꞌaꞌru te̱cꞌul nak tinrakok a̱tin saꞌ e̱be̱n riqꞌuin lin joskꞌil. Texinkꞌus chi cau nak yo̱k injoskꞌil saꞌ e̱be̱n. La̱in li Ka̱cuaꞌ yo̱quin chi yehoc re aꞌin.

Oseas 9:3

La̱ex incꞌaꞌ texcana̱k arin saꞌ li naꞌajej li qꞌuebil e̱re xban li Dios. La̱ex ralal xcꞌajol laj Efraín, texcana̱k rubel xtakl laj Asiria. Chanchan nak quexcuan chak Egipto. Ut te̱tzaca li tzacae̱mk li yebil e̱re nak incꞌaꞌ us te̱tzaca.