1 Reyes 9:4 - Li Santil hu

⁴ Chatcua̱nk saꞌ xya̱lal chicuu joꞌ nak quicuan laj David la̱ yucuaꞌ. Chaba̱nu saꞌ ti̱quilal chixjunil li naxye saꞌ li chakꞌrab.

Q'eqchi Bible

⁴ Wi laa'at tatk'anjelaq chiwu jo' kixb'aanu laj David laayuwa', chi anchalil aach'ool ut sa' tiikilal, wi taab'aanu chixjunil li tinye aawe ut taapaab' linchaq'rab' ut li waatin,

1 Reyes 9:4 ပူးပေါင်းရင်းမြစ်များ

1 Reyes 15:5

Li Ka̱cuaꞌ quixba̱nu chi joꞌcan xban nak laj David quicuan saꞌ ti̱quilal chiru. Junelic quixba̱nu li cꞌaꞌru quixye li Ka̱cuaꞌ toj chalen nak quicam. Caꞌaj cuiꞌ quima̱cob chiru laj Urías laj heteo.

1 Reyes 3:14

La̱in tinnajtobresi rok la̱ yuꞌam cui ta̱ba̱nu li cꞌaꞌru tinye a̱cue ut cui ta̱ba̱nu li cꞌaꞌru naxye saꞌ li chakꞌrab joꞌ quixba̱nu laj David la̱ yucuaꞌ, chan.

1 Reyes 11:6

Laj Salomón quixba̱nu li incꞌaꞌ us chiru li Ka̱cuaꞌ xban nak incꞌaꞌ quixpa̱b li Ka̱cuaꞌ chi anchal xchꞌo̱l joꞌ quixba̱nu laj David lix yucuaꞌ.

1 Reyes 11:4

Nak ac ti̱x chic laj Salomón quijala xcꞌaꞌux xbaneb li rixakil ut qui-oc chixlokꞌoninquil li jalanil dios. Ut incꞌaꞌ yo̱ chixba̱nunquil li ti̱quilal chi anchal xchꞌo̱l chiru li Ka̱cuaꞌ joꞌ quixba̱nu laj David lix yucuaꞌ.

Génesis 17:1

Nak ac bele̱laju roꞌcꞌa̱l (99) chihab cuan re laj Abram, li Ka̱cuaꞌ Dios quixcꞌutbesi rib chiru ut quixye re: —La̱in li Ka̱cuaꞌ Dios li kꞌaxal nim incuanquil. Chatcua̱nk saꞌ xya̱lal chicuu ut ti̱cak a̱chꞌo̱l.

San Lucas 1:6

Laj Zacarías ut li rixakil, aꞌan ti̱queb xchꞌo̱l chiru li Dios. Junelic nequeꞌxqꞌue xchꞌo̱leb chixba̱nunquil chi tzꞌakal lix chakꞌrabinquileb ut lix taklanquileb xban li Ka̱cuaꞌ Dios.

Zacarías 3:7

—Joꞌcaꞌin xye li Ka̱cuaꞌ li nimajcual Dios: Cui tatcua̱nk joꞌ nacuaj ut cui ta̱ba̱nu li cꞌaꞌru ninye, la̱at tat-ilok re li cuochoch ut la̱at ajcuiꞌ tat-ilok re chixjunil li neba̱l li cuan chire li cuochoch. Cui ta̱ba̱nu aꞌin tinqꞌue a̱naꞌaj saꞌ xya̱nkeb li cuanqueb arin.

Proverbios 28:18

Li ani nacuan saꞌ ti̱quilal ta̱colekꞌ. Ut li ani incꞌaꞌ nacuan saꞌ ti̱quilal ta̱sachekꞌ ru.

Salmos 26:11

Abanan la̱in junelic cua̱nkin saꞌ xya̱lal cha̱cuu. Chacuuxta̱na cuu ut china̱col.

1 Reyes 14:8

La̱in xcuisiheb li tenamit aꞌin rubel xcuanquil li ralal xcꞌajol laj David ut xinkꞌaxtesi rubel a̱cuanquil la̱at. Abanan la̱at incꞌaꞌ yo̱cat chi takla̱nc saꞌ ti̱quilal saꞌ xbe̱neb joꞌ quixba̱nu laj David laj cꞌanjel chicuu. Aꞌan quixba̱nu joꞌ naxye saꞌ lin chakꞌrab ut quicuan saꞌ xya̱lal chicuu. Junelic quicuan saꞌ ti̱quilal chicuu chi anchal xchꞌo̱l.

1 Reyes 11:38

Cui la̱at ta̱ba̱nu li cꞌaꞌru tatintakla cuiꞌ, ut cui tatcua̱nk saꞌ ti̱quilal chicuu, ut cui ta̱ba̱nu li cꞌaꞌru naxye lin chakꞌrab joꞌ quixba̱nu laj David laj cꞌanjel chicuu, la̱in cua̱nkin a̱cuiqꞌuin. Ut tinxakab saꞌ xnaꞌaj la̱ cuanquilal, la̱at joꞌ eb ajcuiꞌ la̱ cualal a̱cꞌajol, joꞌ nak quinxakab xcuanquil laj David.

Salmos 26:1

At Ka̱cuaꞌ, la̱at tattzꞌilok a̱tin chicuix ut ta̱ye nak ma̱cꞌaꞌ inma̱c xban nak la̱in cuanquin saꞌ ti̱quilal. Ut cau inchꞌo̱l a̱cuiqꞌuin.

Salmos 15:2

Caꞌaj cuiꞌ eb li nequeꞌxba̱nu li us ut li cuanqueb saꞌ ti̱quilal ut li nequeꞌxye li ya̱l, aꞌaneb li teꞌcua̱nk chi sum a̱tin riqꞌuin li Dios.

1 Reyes 8:25

Joꞌcan ut at Ka̱cuaꞌ, at kaDios la̱o aj Israel, chaba̱nu taxak li cꞌaꞌru cayechiꞌi chak re laj David lin yucuaꞌ nak caye chi joꞌcaꞌin, “Junelic ta̱cua̱nk junak reheb la̱ cualal a̱cꞌajol li teꞌoc saꞌ li cuanquilal. Abanan tento nak teꞌcua̱nk saꞌ xya̱lal chicuu ut teꞌcua̱nk saꞌ ti̱quilal.”

Deuteronomio 28:1

Cui la̱ex tex-abi̱nk chiru li Ka̱cuaꞌ ut te̱ba̱nu chi anchal e̱chꞌo̱l li cꞌaꞌru naxye ut cui te̱ba̱nu lix chakꞌrab li yo̱quin chixyebal e̱re anakcuan, kꞌaxal cuiꞌchic tixnimobresi le̱ cuanquil saꞌ xya̱nkeb chixjunileb li tenamit saꞌ ruchichꞌochꞌ.

Proverbios 20:7

Us xak reheb li alal cꞌajolbej li xeꞌcuan xnaꞌ xyucuaꞌ saꞌ ti̱quilal ut saꞌ cha̱bilal.

Proverbios 10:9

Li ani cuan saꞌ ti̱quilal ma̱cꞌaꞌ naxxucua. Ut li ani naxba̱nu li incꞌaꞌ us, incꞌaꞌ ajcuiꞌ us na-el.

Génesis 20:5

Laj Abraham cuan re. Aꞌan xyehoc cue nak lix Sara, aꞌan ranab. Joꞌcan ajcuiꞌ lix Sara quixye cue nak laj Abraham, aꞌan ras. Ma̱cuaꞌ la̱in cuan cue nak xinba̱nu li naꞌleb aꞌin. Moco xinnau ta nak rixakil laj Abraham, chan laj Abimelec.

1 Reyes 3:3

Laj Salomón quixra li Ka̱cuaꞌ Dios ut quixba̱nu li cꞌaꞌru naxye saꞌ li chakꞌrab li xakabanbil xcuanquil xban laj David lix yucuaꞌ. Abanan naxmayeja li xul ut naxcꞌat li incienso saꞌ eb li artal li yi̱banbil saꞌ li tzu̱l.

1 Reyes 3:6

Laj Salomón quixye re: —Junelic cacuuxta̱na ru laj David lin yucuaꞌ, laj cꞌanjel cha̱cuu xban nak junelic quixqꞌue xchꞌo̱l chi cua̱nc saꞌ xya̱lal cha̱cuu. Aꞌan ti̱c xchꞌo̱l ut quixba̱nu li us. Joꞌcan nak catenkꞌa ut caqꞌue li ralal chokꞌ rey chokꞌ re̱kaj aꞌan.

1 Reyes 6:12

—Nacuaj a̱tinac a̱cuiqꞌuin chirix li templo li xayi̱b. Cui la̱at tatcua̱nk saꞌ xya̱lal chicuu ut ta̱ba̱nu joꞌ naxye lin chakꞌrab ut cui incꞌaꞌ ta̱kꞌet li cua̱tin, la̱in tinqꞌue a̱cue chixjunil li quinyechiꞌi re laj David la̱ yucuaꞌ.

2 Reyes 20:3

—La̱in nintzꞌa̱ma cha̱cuu, at Ka̱cuaꞌ Dios, chijulticokꞌ taxak a̱cue nak la̱in xincꞌanjelac cha̱cuu chi anchal inchꞌo̱l ut xinba̱nu li us joꞌ nacuulac cha̱cuu, chan. Ut quiya̱bac chi kꞌaxal ra saꞌ xchꞌo̱l.

Salmos 78:72

Ut laj David quicꞌamoc be saꞌ ti̱quilal chiruheb lix tenamit li Dios. Quixqꞌue xchꞌo̱l chirilbaleb ut quiqꞌueheꞌ xnaꞌleb re nak tixba̱nu saꞌ xya̱lal.

Salmos 101:2

La̱in nacuaj cua̱nc saꞌ ti̱quilal. Chasume taxak li cꞌaꞌru nintzꞌa̱ma cha̱cuu ut china̱tenkꞌa. Ut la̱in saꞌ xya̱lal tincua̱nk nak cua̱nkin saꞌ li cuochoch.

Salmos 128:1

Us xak reheb li nequeꞌxucuan ru li Dios ut nequeꞌxba̱nu li cꞌaꞌru naraj aꞌan.

2 Samuel 22:22

La̱in xinba̱nu li cꞌaꞌru naxye saꞌ lix chakꞌrab. Ut incꞌaꞌ xintzꞌekta̱na li Ka̱cuaꞌ.

2 Crónicas 17:4

Quicꞌanjelac ban chiru li Ka̱cuaꞌ Dios li quixlokꞌoni lix yucuaꞌ. Quixba̱nu li cꞌaꞌru naraj li Dios ut incꞌaꞌ quixba̱nu joꞌ queꞌxba̱nu eb laj Israel.

Ezequiel 18:9

Li jun aꞌan naxpa̱b lin chakꞌrab ut naxqꞌue xchꞌo̱l chixba̱nunquil li ninye. Aꞌan ti̱c xchꞌo̱l ut ta̱cua̱nk xyuꞌam, chan li Ka̱cuaꞌ Dios.