1 Reyes 9:3 - Li Santil hu

³ Ut li Ka̱cuaꞌ quixye re: —Xcuabi la̱ tij nak xatzꞌa̱ma chicuu. La̱in xinsantobresi li templo aꞌin li xayi̱b re tinlokꞌoni̱k cuiꞌ chi junelic. La̱in junelic tincua̱nk saꞌ li templo ut la̱in tin-ilok re chi junelic.

Q'eqchi Bible

³ ut kixye re: “Xwab'i laatij ut li k'aru xatz'aama chiwu. Xinsantob'resi li kab'l a'in li xayiib', re naq arin taawanq link'ab'a' chi junajwa. Laa'in tinra ut tin'iloq re chi junelik.

1 Reyes 9:3 ပူးပေါင်းရင်းမြစ်များ

1 Juan 5:14

Ut aꞌin li cau cuiꞌ kachꞌo̱l chirix li Dios. Nakanau nak li cꞌaꞌak re ru nakatzꞌa̱ma re, cui nakatzꞌa̱ma joꞌ naraj li Dios, aꞌan nocorabi.

Salmos 10:17

At Ka̱cuaꞌ, la̱at nacacuabi lix tijeb li tu̱laneb. La̱at nacacuabi li cꞌaꞌru nequeꞌxtzꞌa̱ma cha̱cuu ut nacaqꞌue xcacuil xchꞌo̱leb.

2 Reyes 20:5

—Sukꞌin riqꞌuin laj Ezequías, li nacꞌamoc be chiruheb lin tenamit. Ut ta̱ye re, “Joꞌcaꞌin xye li Ka̱cuaꞌ, lix Dios laj David la̱ xeꞌto̱nil yucuaꞌ: La̱in xcuabi la̱ tij ut xinqꞌue retal nak yo̱cat chi ya̱bac. Anakcuan tatinqꞌuirtesi. Ut saꞌ oxib cutan naru chic tatxic saꞌ lin templo.

1 Reyes 8:29

Junelic taxak chacuilak li naꞌajej aꞌin. Chi kꞌek chi cutan ta̱cuil li templo aꞌin li tatcua̱nk cuiꞌ. Chacuabi taxak lin tij, la̱in laj cꞌanjel cha̱cuu.

Salmos 116:1

La̱in ninra li nimajcual Dios xban nak aꞌan narabi nak nintzꞌa̱ma intenkꞌanquil chiru.

Deuteronomio 11:12

Li naꞌajej aꞌan lokꞌ chiru li Ka̱cuaꞌ le̱ Dios. Aꞌan na-iloc re junelic chalen saꞌ xticlajic li chihab junju̱nk toj saꞌ rosoꞌjic.

2 Crónicas 6:40

Joꞌcan ut at Ka̱cuaꞌ, at inDios, chaqꞌue taxak retal ut chacuabi taxak lix tijeb li teꞌtijok saꞌ li naꞌajej aꞌin.

Hechos 10:31

Quixye cue, “At Cornelio, li Dios quirabi la̱ tij. Nacuulac chiru li cꞌaꞌru nacaba̱nu re xtenkꞌanquileb li nebaꞌ.

San Mateo 6:9

Ut la̱ex joꞌcaꞌin nak textijok: At Ka̱cuaꞌ, cuancat saꞌ li santil choxa, lokꞌoninbilak taxak la̱ santil cꞌabaꞌ.

Éxodo 20:11

Chiru cuakib cutan li Ka̱cuaꞌ Dios quixyi̱b li choxa, li ruchichꞌochꞌ ut li palau. Quilajxyi̱b chixjunil li cꞌaꞌak re ru cuan saꞌ ruchichꞌochꞌ joꞌ ajcuiꞌ saꞌ choxa. Ut saꞌ xcuuk li cutan quihilan. Joꞌcan nak li Ka̱cuaꞌ Dios quirosobtesi li hiloba̱l cutan ut quixsantobresi.

Daniel 9:23

Chalen nak xatiquib tzꞌa̱ma̱nc chiru li Dios, aꞌan xrabi la̱ tij ut tixba̱nu li cꞌaꞌru xatzꞌa̱ma. Joꞌcan nak xinixtakla chak a̱cuiqꞌuin chixyebal a̱cue lix ya̱lal. La̱at raro̱cat xban li Dios. Chacuabi li tinye a̱cue re nak ta̱tau ru lix ya̱lal li quicꞌutbesi̱c cha̱cuu xban li Ka̱cuaꞌ.

Jeremías 15:1

Tojoꞌnak li Ka̱cuaꞌ quixye cue: —Usta laj Moisés ut laj Samuel teꞌcha̱lk chi a̱tinac cuiqꞌuin chirix li tenamit aꞌin, abanan la̱in incꞌaꞌ tincuil xtokꞌoba̱l ruheb. Xicakeb. Isiheb chicuu.

Deuteronomio 16:11

Ut ta̱sahokꞌ saꞌ e̱chꞌo̱l chiru li Ka̱cuaꞌ le̱ Dios saꞌ li naꞌajej li quixsicꞌ ru re te̱lokꞌoni cuiꞌ. Ta̱sahokꞌ saꞌ e̱chꞌo̱l la̱ex e̱rochben le̱ ralal e̱cꞌajol joꞌ eb ajcuiꞌ le̱ mo̱s ixk ut le̱ mo̱s cui̱nk. Ut ta̱sahokꞌ ajcuiꞌ saꞌ xchꞌo̱leb laj levita ut eb li jalaneb xtenamit li cuanqueb saꞌ e̱ya̱nk ut eb li ma̱cꞌaꞌ xnaꞌ xyucuaꞌ joꞌ eb ajcuiꞌ li xma̱lcaꞌan li cuanqueb saꞌ e̱ya̱nk.

Deuteronomio 12:11

Li Ka̱cuaꞌ le̱ Dios tixsicꞌ ru jun li naꞌajej li ta̱lokꞌoni̱k cuiꞌ. Ut la̱ex te̱cꞌam aran le̱ mayej li te̱qꞌue re li Ka̱cuaꞌ. Te̱cꞌam aran le̱ cꞌatbil mayej ut li mayej li junju̱nk saꞌ xlaje̱tkil, ut li mayej li na-ala saꞌ e̱chꞌo̱l xqꞌuebal, joꞌ ajcuiꞌ li mayej li te̱qꞌue nak nequeyechiꞌi xba̱nunquil li cꞌaꞌak re ru re li Ka̱cuaꞌ Dios.

Números 16:38

Queꞌsantobresi̱c nak queꞌqꞌueheꞌ chiru lin artal la̱in li Ka̱cuaꞌ. Cꞌameb lix sansareb li cui̱nk li queꞌsacheꞌ ruheb xban nak queꞌma̱cob. Riqꞌuin li sansar aꞌin te̱yi̱b li perpo̱quil chꞌi̱chꞌ ut li perpo̱quil chꞌi̱chꞌ aꞌin te̱letz chiru li artal. Ut aꞌanak jun retalil chiruheb laj Israel, chan li Dios. Ut laj Eleazar laj tij quixxoc lix sansareb li queꞌsacheꞌ ruheb. Ut quixtakla xyi̱banquil li perpo̱quil chꞌi̱chꞌ riqꞌuineb li sansar re nak teꞌxletz chiru li artal.

San Juan 11:42

La̱in ninnau nak junelic niquina̱cuabi. Abanan ninye a̱cue aꞌin re nak eb li cuanqueb arin teꞌril li cꞌaꞌru tinba̱nu ut teꞌxpa̱b nak la̱at xattaklan chak cue, chan li Jesús nak quitijoc.

Salmos 66:19

Abanan li Dios xinrabi. Xrabi nak xintijoc chiru.

Deuteronomio 12:21

Cui najt cuan li naꞌajej li tixsicꞌ ru li Dios re ta̱lokꞌoni̱k cuiꞌ, naru te̱camsi li xul li te̱sicꞌ ru saꞌ xya̱nkeb le̱ queto̱mk li quixqꞌue e̱re li Ka̱cuaꞌ. Ut naru te̱tzaca saꞌ le̱ tenamit lix tibel li joꞌ qꞌuial te̱raj.

Deuteronomio 12:5

Li Ka̱cuaꞌ ban ta̱sicꞌok ru li naꞌajej bar te̱lokꞌoni cuiꞌ lix cꞌabaꞌ. Ut la̱ex texxic saꞌ li naꞌajej aꞌan chixlokꞌoninquil li Ka̱cuaꞌ.

2 Reyes 21:7

Quixqꞌue lix jalam u̱ch li yi̱banbil dios xAsera saꞌ lix templo li Ka̱cuaꞌ. Li Dios quixye chi joꞌcaꞌin reheb laj David ut laj Salomón li ralal: —La̱in tinqꞌue lin cꞌabaꞌ chi junelic saꞌ li templo aran Jerusalén saꞌ li naꞌajej li xinsicꞌ ru saꞌ xya̱nkeb chixjunil lix naꞌajeb li cablaju xte̱paleb li ralal xcꞌajol laj Israel. Saꞌ li naꞌajej aꞌan la̱in tinlokꞌoni̱k chi junelic.

2 Crónicas 33:7

Laj Manasés quixxakab saꞌ lix templo li Ka̱cuaꞌ li jalam u̱ch li quixyi̱b, usta naxnau nak li Dios quixye re li rey David ut laj Salomón li ralal chi joꞌcaꞌin: —Saꞌ xya̱nkeb lix naꞌajeb li ralal xcꞌajol laj Israel, la̱in xinsicꞌ ru li tenamit Jerusalén re nak aran ta̱cua̱nk li templo li tinlokꞌoni̱k cuiꞌ chi junelic.

Esdras 6:12

Aꞌ taxak li Dios, li quisicꞌoc ru Jerusalén chokꞌ xnaꞌaj, aꞌan taxak chisachok ruheb li rey malaj ut li tenamit li teꞌraj chꞌiꞌchꞌiꞌi̱nc malaj ut teꞌraj xsachbal ru lix templo li Dios. La̱in, li rey Darío, xinqꞌue li chakꞌrab aꞌin. Ut chi-uxma̱nk chi junpa̱t joꞌ xinye.—

Salmos 34:17

Eb li ti̱queb xchꞌo̱l nequeꞌxya̱ba xcꞌabaꞌ li Ka̱cuaꞌ ut aꞌan narabi li cꞌaꞌru nequeꞌxtzꞌa̱ma chiru. Ut aꞌan nacoloc reheb chiru li raylal.

Éxodo 29:44

La̱in tinsantobresi li tabernáculo ut tinsantobresi li artal. Tinsantobresi laj Aarón joꞌqueb ajcuiꞌ li ralal re nak teꞌcꞌanjelak chicuu chokꞌ aj tij.

Salmos 65:3

Cuan nak li ma̱c nanumta saꞌ kabe̱n, abanan la̱at junelic nacacuy kama̱c.

Jeremías 7:10

Ut chirix aꞌan nequexcꞌulun saꞌ li templo bar ninlokꞌoni̱c cuiꞌ ut nequeye chi joꞌcaꞌin, ‘Cueꞌco, colbilo,’ chanquex, ut toj yo̱quex ajcuiꞌ chixba̱nunquil li ma̱usilal.