1 Reyes 9:1 - Li Santil hu

¹ Laj Salomón quixchoy xyi̱banquil lix templo li Ka̱cuaꞌ joꞌ ajcuiꞌ lix palacio ut chixjunil li quiraj xyi̱banquil.

Q'eqchi Bible

¹ Naq laj Salomón kixchoy xyiib'ankil li rochoch li Qaawa', li rochoch li awab'ej ut chixjunil li kiraj xyiib'ankil,

1 Reyes 9:1 ပူးပေါင်းရင်းမြစ်များ

2 Crónicas 7:11

Li rey Salomón quixchoy xyi̱banquil lix templo li Dios ut quixyi̱b ajcuiꞌ li rochoch li ta̱cua̱nk cuiꞌ. Quixba̱nu li joꞌ qꞌuial li quixcꞌoxla xba̱nunquil ut us qui-el chiru.

1 Reyes 9:19

Ut laj Salomón quixtakla ajcuiꞌ xyi̱banquil eb li tenamit li xocxo cuiꞌ li tzacae̱mkeb, ut li tenamit li xocxo cuiꞌ lix carruajeb, li tenamit li cuanqueb cuiꞌ lix soldados li nequeꞌxic chirix cacua̱y. Quixtakla xyi̱banquil li joꞌ qꞌuial quiraj xyi̱banquil aran Jerusalén ut Líbano ut saꞌ eb li naꞌajej li cuanqueb rubel xcuanquil.

Eclesiastés 6:9

Kꞌaxal us nak tixcꞌojob xchꞌo̱l riqꞌuin li joꞌ qꞌuial cuan re chiru nak yo̱k chi cꞌoxlac chirix nabal xtzꞌakob li cꞌaꞌru re xban nak aꞌan ma̱cꞌaꞌ na-oc cuiꞌ. Junes raylal naxqꞌue.

Eclesiastés 2:10

Chixjunil li sahil chꞌo̱lej li quicuaj, quinba̱nu. Ma̱ jun sut incꞌaꞌ ta quinba̱nu li cꞌaꞌru quinrahi ru. Ut quisahoꞌ saꞌ inchꞌo̱l riqꞌuin lin cꞌanjel li quinba̱nu. Li sahil chꞌo̱lej quincꞌul, aꞌan re̱kaj li cꞌanjel quinba̱nu.

Eclesiastés 2:4

Nabal li cꞌanjel quinba̱nu. Nabaleb li cab quinyi̱b chokꞌ cue. Ut quicuau ajcuiꞌ li uvas.

1 Reyes 9:11

Laj Hiram lix reyeb laj Tiro quixqꞌue li cꞌaꞌru quicꞌanjelac chiru laj Salomón re li cablac. Quixqꞌue nabal li cheꞌ chacalteꞌ ut ciprés ut quixqꞌue ajcuiꞌ nabal li oro. Joꞌcan nak laj Salomón quixqꞌue re laj Hiram junmay chi tenamit li cuanqueb Galilea.

1 Reyes 7:51

Joꞌcaꞌin nak quixchoy xyi̱banquil li cꞌaꞌru quicꞌanjelac saꞌ lix templo li Dios li quixtakla xyi̱banquil li rey Salomón. Ut quixcꞌameb ajcuiꞌ li secꞌ ut li plata ut li oro li ac kꞌaxtesinbil re li Dios xban laj David lix yucuaꞌ. Quixkꞌaxtesiheb saꞌ li naꞌajej li nequeꞌxxoc cuiꞌ li nacꞌanjelac saꞌ li templo.

1 Reyes 6:37

Saꞌ li po Zif queꞌxqꞌue lix cimiento lix templo li Ka̱cuaꞌ nak ac yo̱ xca̱ chihab roquic chokꞌ rey laj Salomón.

1 Reyes 7:1

Chirix chic aꞌan li rey Salomón quixqꞌue chi yi̱ba̱c lix palacio. Ut chiru oxlaju chihab quiya̱loꞌ.

1 Reyes 7:2

Quixyi̱b jun li cab ut quixqꞌue chokꞌ xcꞌabaꞌ “Qꞌuicheꞌ re Líbano”. Aꞌan aꞌin lix nimal: o̱b roxcꞌa̱l (55) metro xnimal rok, cuib xcaꞌcꞌa̱l metro riqꞌuin media xnimal xsaꞌ ut oxlaju metro riqꞌuin media xnimal xteram. Ca̱hib tzol li rokechal. Li ca̱hib tzol chi okech, aꞌan chacalteꞌ joꞌ ajcuiꞌ li tzꞌamba. Ut saꞌ xbe̱neb li okech aꞌan queꞌhilan li tzꞌamba.

1 Reyes 8:66

Nak ac xnumeꞌ li ca̱laju cutan, li rey Salomón quixchakꞌrabiheb li tenamit. Ut eb li tenamit queꞌxtzꞌa̱ma chiru li Dios nak ta̱rosobtesi li rey. Chirix chic aꞌan queꞌco̱eb saꞌ li rochocheb chi saheb saꞌ xchꞌo̱l ut chi cꞌojcꞌo̱queb xchꞌo̱l xban chixjunil li usilal li quixba̱nu li Dios riqꞌuineb saꞌ xcꞌabaꞌ laj David laj cꞌanjel chiru.

1 Reyes 9:10

Quinumeꞌ junmay chihab xyi̱banquil lix templo li Dios ut lix palacio li rey Salomón.

2 Crónicas 8:6

Ut quixyi̱b ajcuiꞌ li tenamit Baalat joꞌ eb ajcuiꞌ li tenamit li naxxoc cuiꞌ li tzacae̱mk li rey Salomón. Ut quixyi̱beb ajcuiꞌ chixjunil li tenamit li cuanqueb cuiꞌ li carruaje joꞌ eb ajcuiꞌ li soldado li nequeꞌxic chirix cacua̱y. Laj Salomón quixba̱nu chixjunil li cꞌaꞌru quiraj xyi̱banquil aran Jerusalén ut Líbano ut saꞌ eb li naꞌajej li cuanqueb rubel xcuanquil.

1 Reyes 3:1

Li rey Salomón quixba̱nu li contrato riqꞌuin laj faraón lix reyeb laj Egipto ut quisumla riqꞌuin lix rabin laj faraón. Quixcꞌam li rixakil Jerusalén saꞌ lix Tenamit laj David nak toj yo̱queb chixchoybal xyi̱banquil li rochoch ut li templo, joꞌ ajcuiꞌ li tzꞌac li sutsu cuiꞌ li tenamit Jerusalén.

2 Crónicas 7:1

Nak quirakeꞌ chi tijoc laj Salomón, quicube chak li xam saꞌ choxa ut quixcꞌat li xul li queꞌxmayeja ut li templo quinujac riqꞌuin lix lokꞌal li nimajcual Dios.

2 Crónicas 8:1

Junmay chihab quiya̱loꞌ cuiꞌ lix templo li Dios ut lix palacio li rey Salomón.