1 Reyes 8:9 - Li Santil hu

⁹ Ma̱cꞌaꞌ cuan chi saꞌ li Lokꞌlaj Ca̱x aꞌan. Caꞌaj cuiꞌ li cuib pere̱l chi pec li tzꞌi̱banbil cuiꞌ li chakꞌrab. Laj Moisés quixqꞌueheb saꞌ li Lokꞌlaj Ca̱x aran Horeb nak li Dios quixba̱nu li contrato riqꞌuineb li ralal xcꞌajol laj Israel nak queꞌel chak saꞌ li tenamit Egipto.

Q'eqchi Bible

⁹ Sa' li Loq'laj Kaax maak'a' chik k'a'aq re ru wank, ka'ajwi' eb' li wiib' perel chi pek li kixk'e aran laj Moisés, sa' li tzuul Horeb, a'eb' li xperpookil pek li Sumwank li kixk'ojob' li Qaawa' rik'ineb' laj Israel naq ke'elk chaq sa' li tenamit Ejiipt.

1 Reyes 8:9 ပူးပေါင်းရင်းမြစ်များ

Éxodo 25:21

Te̱tzꞌap li ca̱x riqꞌuin lix tzꞌapbal re li xeyi̱b. Ut saꞌ li Lokꞌlaj Ca̱x aꞌan, te̱xoc li chakꞌrab li tinqꞌue e̱re.

Hebreos 9:4

Aran cuan jun xcꞌatbal li pom yi̱banbil riqꞌuin oro, ut cuan ajcuiꞌ jun li Lokꞌlaj Ca̱x letzbil oro chirix. Chi saꞌ li Lokꞌlaj Ca̱x aꞌan cuan li xar oro bar cuiꞌ cꞌu̱lanbil li maná. Cꞌu̱lanbil ajcuiꞌ saꞌ li ca̱x lix xukꞌ laj Aarón li quituxmec ut qui-atzꞌumac. Ut cꞌu̱lanbil ajcuiꞌ aran li cuib chi pec ti̱c ru li tzꞌi̱banbil cuiꞌ li laje̱b chi chakꞌrab.

Éxodo 40:20

Ut quixqꞌue li laje̱b chi chakꞌrab chi saꞌ li Lokꞌlaj Ca̱x ut quixyi̱b ajcuiꞌ li cheꞌ re xpakonquil. Quixqꞌue xtzꞌapbal re li Lokꞌlaj Ca̱x, li “Naꞌajej li Nacuyeꞌ cuiꞌ li Ma̱c” xcꞌabaꞌ.

2 Crónicas 5:10

Ma̱cꞌaꞌ cuan chi saꞌ li Lokꞌlaj Ca̱x. Caꞌaj cuiꞌ li cuib chi perpo̱quil pec li quixqꞌue laj Moisés chi saꞌ nak cuan chak saꞌ li tzu̱l Horeb. Chiru li pec aꞌan tzꞌi̱banbil li contrato li quixba̱nu li Ka̱cuaꞌ riqꞌuineb laj Israel nak queꞌel chak saꞌ li tenamit Egipto.

Deuteronomio 4:13

Ut li Dios quixba̱nu li contrato e̱riqꞌuin ut quixqꞌue e̱re li laje̱b chi chakꞌrab li quixtzꞌi̱ba chiru li cuib pere̱l li pec ti̱c ru. Quixye e̱re nak tento te̱ba̱nu li cꞌaꞌru naxye li chakꞌrab.

Apocalipsis 15:8

Ut chanchan quinujac chi sib lix templo li Dios nak quinujac riqꞌuin xlokꞌal ut xcuanquilal li Dios. Ut ma̱ ani quiru qui-oc aran toj retal quinumeꞌ li cuukub chi raylal li yo̱queb chixcꞌambal chak li cuukub chi ángel.

Ezequiel 10:4

Lix lokꞌal li Ka̱cuaꞌ qui-el saꞌ xbe̱neb li querubines ut co̱ saꞌ li oqueba̱l re li templo. Ut li templo quinujac riqꞌuin li chok. Ut li neba̱l cꞌajoꞌ nak quilemtzꞌun xban xlokꞌal li Ka̱cuaꞌ.

1 Reyes 8:21

Ut xinyi̱b ajcuiꞌ saꞌ li templo lix naꞌaj li Lokꞌlaj Ca̱x li xocxo cuiꞌ lix contrato li Ka̱cuaꞌ li quixba̱nu chak riqꞌuineb li kaxeꞌto̱nil yucuaꞌ nak quirisiheb chak aran Egipto, chan laj Salomón.

Deuteronomio 31:26

—Cꞌamomak li hu aꞌin li tzꞌi̱banbil cuiꞌ li chakꞌrab ut te̱qꞌue chixcꞌatk li Lokꞌlaj Ca̱x li cuan cuiꞌ lix contrato li Ka̱cuaꞌ le̱ Dios. Aran ta̱cua̱nk chokꞌ retalil che̱ru.

Números 17:10

Ut li Ka̱cuaꞌ quixye re laj Moisés: —Ta̱xoc lix xukꞌ laj Aarón ut ta̱qꞌue chiru li Lokꞌlaj Ca̱x chokꞌ retalil chiruheb li nequeꞌcuechꞌin. Riqꞌuin aꞌin teꞌxcanab li cuechꞌi̱nc chicuix re nak incꞌaꞌ teꞌca̱mk, chan.

Números 9:15

Saꞌ li cutan nak quixakaba̱c li tabernáculo, quitzꞌapeꞌ xban jun li chok. Chalen saꞌ li ecuu toj nasake̱u li chok cuan saꞌ xbe̱n. Ut li chok chanchan xam.

Levítico 16:2

Li Dios quixye re laj Moisés: —Ye re laj Aarón la̱ cuas nak incꞌaꞌ naru ta̱oc yalak jokꞌe cuan cuiꞌ li Lokꞌlaj Ca̱x. Cui na-oc yalak jokꞌe, naru nacam xban nak aran ninhilan la̱in saꞌ li chanchan chok saꞌ xbe̱n lix tzꞌapbal re li Lokꞌlaj Ca̱x li nacuyeꞌ cuiꞌ li ma̱c.

Éxodo 16:33

Laj Moisés quixye re laj Aarón: —Ta̱xoc li maná aꞌin saꞌ jun cꞌu̱leba̱l ut ta̱qꞌue aꞌan saꞌ li naꞌajej bar takalokꞌoni cuiꞌ li Dios. Ut mokon te̱cꞌut chiruheb le̱ ralal e̱cꞌajol, chan.

Éxodo 16:10

Ut nak laj Aarón yo̱ chi a̱tinac riqꞌuineb laj Israel, queꞌiloc saꞌ li chaki chꞌochꞌ ut aran queꞌril nak li Ka̱cuaꞌ Dios quixcꞌutbesi lix lokꞌal chiruheb saꞌ li chok.

Éxodo 14:24

Nak yo̱ chi sake̱uc cuan li Ka̱cuaꞌ Dios saꞌ li chok ut saꞌ li xam. Quirileb laj Egipto ut quixtakla li raylal saꞌ xbe̱neb.

Éxodo 13:21

Cuan nak queꞌbe̱c chi kꞌek chi cutan. Chiru li cutan li Ka̱cuaꞌ Dios quicꞌamoc be chiruheb riqꞌuin jun chok ut chiru li kꞌojyi̱n quicꞌamoc be riqꞌuin jun xam saꞌ choxa re xcutanobresinquil ruheb lix beheb.

Éxodo 25:16

Ut saꞌ li ca̱x aꞌan te̱xoc li chakꞌrab li tinqꞌue e̱re.

2 Crónicas 5:9

Li cheꞌ li queꞌxpako cuiꞌ li Lokꞌlaj Ca̱x najt rok. Li ruꞌuj quicꞌutun saꞌ li Santil Naꞌajej. Abanan incꞌaꞌ quicꞌutun toj chirix li Santil Naꞌajej. Ut aran cuanqueb toj chalen anakcuan.